rojane

13:00

Komeleya Jinên Îraqê salvegera damezrandina xwe ya 74’emîn bi civînekê pîroz kir. Jinan behsa astengiyên li pêşiya karê xwe kirin û dan zanînin ku dê têkoşîna wan ya ji bo civakek dadperwer ku wekhevî û rûmeta jinan mîsoger dike, bidome.

11:57

Rêxistina Tenduristiyê ya Cîhanê balkişand ser xirabûneke cidî ya di qada tenduristiyê de û pêlên koçberiyê yên zêde ya piştî berfirehkirina fermanên valakirinê ya li başûrê Lubnanê.

11:55

Komên girêdayî hikûmeta demkî ya Sûriyeyê li gundên Kobanê mal û milkên şêniyan talan kirine. Koman bîrên ava vexwarinê, navendên ku ceyran tê dayîn wêran kirine, alav û madeyên bingehîn dizîne û hin mal jî teqandine.

11:11

HRANA diyar kir ku di nava 24 saetên borî de di êrîşên DYE-Îsraîl yên li ser Rojhilatê Kurdistan û Îranê de 53 kes hatine kuştin. Hejmara kesên ji destpêka êrîşan heta niha mirine, gihîşt hezar û 262’an di nav wan de 200 zarok hene.

10:56

Di encama bombebarana li ser taxên niştecih ên bajarê Dîlinc de, 7 kesên di nav wan de zarokek jî heye hatin kuştin û 13 kes jî birîndar bûn.

10:39

Di çarçoveya êrîşên Îsraîl-DYE ku li dijî Îranê didomin de, gelek bajar tevahiya şevê bûn hedefa êrîşan. Rêveberiya Tehranê diyar kir ku êrîşî sivîl û binesaziyên sivîlan hatiye kirin û hejmara windahiyan ji 300’î derbas bûye.

10:29

Divê em ji stereotîpên ku rolên keç û jinan di çarçoveyek teng de sînordar dikin, derbas bibin. Ji bo mîsogerkirina temsîliyetek adilane û berfireh, nirxandinek berfireh a bernameyên xwendinê û pirtûkên dersê pêwîst e.

10:28

Komeleya Jinên Demokratîk a Tûnisê di çarçoveya çalakiyên 8’ê de ji bo piştgiriya çalakvana mafên mirovan Saadia Mosbah çalakiyek hevgirtinê li dar xist û daxwaza serbestberdana wê ya tavilê kir.

09:51

Lêpirsîna Okay Gur ku di çarçoveya Pakêta Dadwerî ya 11’emîn de ji girtîgehê hatibû berdan û demek kurt piştî wê Rojda Yakişikli qetil kiribû, didome û biryara nepenîtiyê ya li ser dosyayê hîn jî didome.

08:21

Jinên Bakurê Kurdistanê, diyar kirin ku şerên bedena jinan weke xenîmet dibînin şermezar dikin, bal kişandin ser binpêkirinên di riyên koçberiyê de û gotin ku ew naxwazin her carê li cihekî şer derbikeve.

08:18

Sîstema rizgariya jinan di avakirina civateke demokratîk a komînal de roleke bingehîn dilîze. Ji ber ku civateke ne komînal, nikare demokratîk be. Jiholêrakirina kujerê kastê di sîstema rizgariya jinan de veşartî ye.

07:48

Bi serdema dîjîtal re, jin bi gelek awayan rastî êrîşan tên û dibin hedef. Berpirsa Ofîsa Mafên Mirovan a Helebceyê Gulistan Mihemed got ku divê jin hişyar bin û xwe biparêzin.

07:40

Dayîkên dîlgirtiyan anîn ziman ku ew zarokên xwe ji rêveberiya demkî dixwazin û gotin “heta ku zarokên me vegerin jî emê bexwedana xwe bidomînin.”

20:35

Endamê Komîsyona Tenduristiyê ya Parlamentoya Îranê, diyar kir ku 11 karmendên tenduristiyê yên Îranî hatine kuştin, 9 nexweşxane ji xizmetê derketine û 25 navendên tenduristiyê û nexweşxane jî zirar dîtine.

14:16

Hat diyarkirin ku di lêpirsîna Rojîn Kabaîş a li Wanê cenazeyê wê piştî 18 rojan hat dîtin de, telefona ku ji bo vekirina şifreyê şandin Spanyayê nehat vekirin. Têkildarî mijarê baroya. Wanê daxuyanî da.

13:56

Rêxistina Zarokan a Neteweyên Yekbûyî (UNICEF) hişyarî da ku hejmara mirina zarokan li Lubnanê zêde dibe, ji ber ku di rojên dawî de şer û pevçûn zêde bûne, ji destpêka Adarê ve bi dehan zarok hatine kuştin û bi sedan zarok birîndar bûne.

13:55

Neteweyên Yekbûyî der barê êrîşên dawî li Rojhilata Navîn rûdane de raporek weşand û destnîşan kir ku herî zêde sivîl û binesaziya herêmê ziyanê dibînin her wiha bandorê li jîngeha welat jî dike.

13:46

Rêxistina Xizmetên Civakê û Refahê ya Îranê ragihand ku di şertên şer de dest bi dayîna zarokan ji bo malbatên parazvan kirine. Her wiha nûçeyên ku hinek mekanîzmayên xizmeta civakê ziyan dîtine û beşek jê hatine tehliyekirin hatin weşandin.

13:31

Li dijî biryara erkdarkirina rêveberiya Herêma Kobanê ji aliyê hikûmeta Şamê ve gelê Kobanê çalakiya protestoyî li dar xist. Gel û jinan tekez kirin ku yên vîna wan nas nekin ew jî wan nas nakin.

13:10

Ji tîma Millî ya Jinan a Îranê Mohadeseh Zolfî û endama tîma teknîkê Zahra Soltan Meşekkar, li Avustralyayê daxwaza penaberiyê kirin.