rojane

21:08

Komîteya Bilind a Qanûnî, Rêxistina Cîhanî ya Durzî û rêxistinên mafên mirovan û jinan ên li Suweydayê, êrîşên li dijî taxên Şêx Meqsûd û Eşrefiyê yên Helebê şermezar kirin.

19:24

Hikûmeta demkî ya cîhadîst a Sûriyeyê bi bombebaraneke giran Nexweşxaneya Şehîd Xalid Fecir kir hedef.

19:20

Çalakiya nobetê ya li wargeha penaberan a Mexmûrê ku ji bo mîsogerkirina azadiya fîzîkî ya Rêberê Gelê Kurd Abdullah Ocalan hatibû destpêkirin, bi dewigirtina koma 177’emîn, di roja 905’an de didome.

18:22

Jinên ji Başûrê Kurdistanê, bi daxuyaniyekî Komkujiya Parîsê şermezar kirin û gotin: “Emê vê komkujiyê di bîra xwe de zindî bihêlin heta ku edalet, azadî û demokrasî ne tenê bi daxwazê, bi xwerêxistinkirin û têkoşînê pêk were.”

16:50

Li Wargeha Penaberan a Mexmûrê, ji bo 13’emîn qetlîama Parîsê ya 9’ê çile yê ku sê pêşengên jinên Kurd hatibûn qetil kirin meşek girseyî hat lidar xistin.

16:36

Di demekê ku xwepêşandanên gel li Îranê dikevin roja xwe ya 13’emîn de, li bajarê Firdewsa ku li rojavayê Tehranê ye, zêdetirî 50 kes ji ber gulebarana bêserûber a hêzên ewlehiyê mirin.

16:16

Koordînasyona jinên Êzidî bi daxuyaniyekî êrîşên ser taxên Şêx Meqsûd û Eşrefîyê şermezar kir.

15:27

Bi sedan ji şêniyên kantona Firatê tevlî seferberiya ji bo berxwedana Şêxmeqsûd û Eşrefiyê bûn û bi karwanekî berê xwe dan Helebê.

14:50

Meclîsa Jinan a DBP'ê derbarê Komkujiya Parîsê de daxuyaniyek da û got “Diruşmeyên 'Jin Jiyan Azadî' ku li çar aliyê cîhanê deng vedidin ne tesaduf in. Ew encama hewldana mezin a ku ji hêla Sakîne Cansiz û jinên ku bi wê re meşiyan ve hatine afirandin e.”

14:20

Jinên Belûc, li dora Mizgefta Mekî ya li Zahedanê kom bûn, dirûşmên daxwaza guhertinê qîr kirin û dijberiya xwe ya li dijî hikûmetê ragihandin. Hêzên ewlehiyê jî bi gaza rondikrêj û gulebaranê êrîşê jinan kir.

13:51

Rêxistina Efûyê ya Navneteweyî û Rêxistina Çavderiya Mafên Mirovan, daxuyaniyek hevpar weşandin û ragihandin ku hêzên ewlehiyê yên Îranê, bi tundiya zêde xwepêşander û zarokan hedef digrin.

13:32

Li Xorasanê di rojên dawî de du jinên ciwan ji aliyê hêzên hikûmetê ve hatin binçavkirin û heta niha aqubeta wan nayê zanîn.

13:30

Di encama êrîşa çekdarî ya ji aliyê 2 çekdaran ve li pêşiya Nexweşxaneya Kindî ya bajarê Humsê pêk hat de, 4 xebatkarên tenduristiyê hatin qetilkirin û yek jî birîndar bû.

12:56

Hevya Sor a Kurd, banga lezgîn ji bo rawestandina êrîşên li ser taxên Şêx Meqsûd, Eşrefiyê û Benî Zêd ên Helebê kir û ji bo tehliyekirina birîndaran û gihandina alîkariyan daxwaza vekirina korîdorên mirovî kir.

12:44

Jinên Êzidî sê pêşengên têkoşîna azadiyê Sakîne Cansiz, Leyla dogan û Fîdan Şaylemez bibîr anîn.

12:40

Meclîsa Gel a Taxên Şêx Meqsûd û Eşrefiyê bi daxuyaniyek diyar kir ku komên çete li ser şêniyên taxan û asayîşê teslîmiyetê ferz dikin, hewl didin komkujiyan bikin û wiha hat gotin: "Me biryar daye em ê li taxên xwe bimînin û taxên xwe biparêzin."

11:38

Neteweyên Yekbûyî, ragihand ku li Yemenê şewba kolerayê bi awayekî tirsnak belav dibe û di 22 mehên dawî de zêdetirî 339 hezar bûyerên gumanbar hatine tomarkirin, zêdetirî hezar û 102 kesan jiyana xwe ji dest dane.

11:15

Di êrîşên hewayî yên Îsraîlê li dijî Zîvala Xezayê de 5 jê zarok 14 kes hatin qetilkirin. NY’ê ragihand ku qeyrana mirovî li Xezayê gihîştiye astên xeternak û hat ragihandin ku li herêmê alîkariya bingehîn pir kêm e.

11:13

Di van rojên dîrokî ku gefên li ser gelên Rojhilata Navîn û cîhanê pir zêde bûne de, divê hemû gel, komên demokratîk, çepgir û sosyalîst ji bo pêşerojek azad û demokratîk rabin ser piyan û ji rejîma çeteyan re bêjin raweste.

11:11

Li Îranê bi qutbûna înternetê re, li bajarên Kerec, Kamyaran, Kirmaşan û bajarên din nûçeyên qetilkirina xwepêşanderan tên. Li gorî raporan, tenê li Kerecê, bi gulebarana hêzên ewlehiyê zêdetirî 50 kes hatin kuştin.