rojane

13:52

Tevgera Şemiyên Mor ya li Efganistanê banga îstifayê li Dîrektora Mîsyona Alîkariya Eganistanê ya Neteweyên Yekbûyî (NY) Roza Otunbayeva kir. Tevgerê diyar kir ku ew naxwazin aktorên derve pêşeroja wan diyar bikin.

13:16

Şêniyên Kobanê li dijî gef û êrîşên Dewleta Tirk li ser Kobanê daketin qadê û gotin ku ew rê nadin dagikeriya Tirk bikevin bajarê wan.

11:24

Rêveberiya Xweseriya Demokratîk, ji bo diyalogê avakirina Suriyeya pêşerojê beyannameyek ji 10 xalan pêk tê, belav kir û bang li tevahiya hêzên Suriye, navnetewî û welatên Ereban hat kirin.

11:02

Îsraîlê êrişê dibistana Xelîl Uweyda ya bajarokê Beyt Hanûnê ku Filistînî lê bi cîh bibûn kir. Di encama êrişê de 43 kesan jiyana xwe ji dest dan.

11:01

Li Başûrê Kurdistanê kampanyaya komkirina alîkariyên ji bo koçberên Şehba û Til Rifetê didome. Beşdarên kampanyayê bal kişandin girtina deriyê sînor ê Sêmalka û gotin “Girtina deriyê sînor siyasetek din ya dagirkerî ye.”

09:48

Qanûna ‘Hîcaba bi zorê’ ya ku piştî qetilkirina Jîna Emînî hatî amadekirin û dihat payîn di nava van rojan de li Rojhilatê Kurdistanê û Îranê bikeve meriyetê, ji aliyê Konseya Bilind a Ewlehiya Neteweyî ve hate rawestandin.

09:20

Jinên Idlibê êdî ew ê nikaribin di beşên ragihandinê yên li zanîngehê de bixwînin. Ji bo biryara qedexeyê, hinceta ‘binesaziya ku jin û mêr ji hev cuda bin tune ye’ hat nîşandan.

09:04

Fermandariya Giştî ya YPJˋê got: "Divê em têkoşînê mezin bikin û belavî her derê bikin. Êdî dem hatiye ku em van êrîşên Komara Tirk a faşîst rawestînin û hesab jê bixwazin."

08:21

Çalakvana Hiqûqî Sîham Hemadî ragihand ku li Morîtanyayê tenê îsal, 366 rewşên destdirêjiyê tomar kirine û bang li hikûmetê kir ku pêşî li van bûyeran bigre.

07:56

Piştî gefên dewleta Tirk li dijî bajarê Kobanê jinên bajêr êriş û binpêkirinên dewleta Tirk şermezar kirin û gotin: “Bi gefan nikarin me bitirsînin û bi şerê Gel ê Şoreşgerî em ê bajarê berxwedanê biparêzin.”

05:38

Êrişên Îsraîlê yê li ser Zîvala Xezayê didome. Nivîskara Filistînî Saja Hamdan bi romana xwe ya bi navê ‘Ev kevir a min e’ qala çîrokên jinên koçber ên Filistînî dike ku di Kampa Cenînê de têkoşîna jiyanê didin.

05:21

Çalakvana ji Makedonyayê Marija Arsenkova bi pêyama xwe ya ji ajansa me re şand bal kişand ser êrişên dewleta Tirk ên li dijî Bakur û Rojhilatê Sûriyeyê û got: “Em ê ti carî nehêlin Rojava têk biçe. Ji her çar aliyê cîhanê em ê vê şoreşê biparêzin.”

05:15

Di êvareke bi sir û seqem de em ketin rê. Du rojan em li ser rê bûn, lê mîna ku du sal bû, ne xew, ne xwarin, ne vexwarin hebû. Gelek zehmet bû, ji sermayê zarok nexweş ketibûn, sir û seqem bû, her tişt lal bûbû.

05:12

Bi kampanyaya alîkariyê ya bi pêşengiya Weqfa Jinên Azad û Sûriyeyê hatiye destpêkirin re, pêdiviyên jin û zarokên ji Şehbayê koçber bûne tên temînkirin. Ji rêveberên weqfê Verjîn Mihemed got: “Em ê birînên xwe bi hev re bipêçin.”

05:00

Rojnameger Dîlan Osman a ku êrîşên li ser Minbicê û berxwedaniya şervanan kêlî bi kêlî dişopand got ku berxwedanî û ruhê fedaî yê şervanên azadiyê ku li Minbicê li ber xwe dan, rûpeleke nû li dîrokê vekiriye.

19:01

Hejmara kesên ku di êrişên Îsraîlê yên ji 7’ê Cotmeha 2023’yan vir ve li ser Zîvala Xezayê didome de jiyana xwe ji dest dan bû 44 hezar û 976.

15:03

Rêveberiya Xweser a Bakur û Rojhilatê Sûriyeyê diyar kir ku hewl tê dayin, li herêmê şerê mezhebî bê derxistin û hişyarî da gelê herêmê ku li hemberî nûçeyên derew û manîpulatîf hişyar be.

14:46

Hejmara kesên ku di êrişên Îsraîlê yên 436 roj in li ser Xezayê didomin de jiyana xwe ji dest dane, her roje diçe zêde dibe, li Xezaya ku gelek cenaze lê hene hişyariya ‘felaketê’ hat kirin.

14:09

Çalakiya nobetê ya li dijî êrişên ser Bakur û Rojhilatê Sûriyeyê li ser sînorê Nisêbîn-Qamişloyê hatiye destpêkirin di roja 3’yemîn de bi dirûşmên berxwedanê didome.

13:38

Li Misrê hê jî bi erêkirina malbatan zarok bi darê zorê tên zewicandin. Keçik ji perwerdê tên bêparkirin û zewicandin. Heta dawiya emrê xwe rastî binpêkirinên mafan tên. Jin li aliyê din têkoşîna xwe ya li hember feraseta zilam jî didomînin.