rojane

15:29

TJA'yê ragihand ku wê Dayika Aştiyê Sakîne Arat a ku 13'ê Adarê jiyana xwe ji dest da, her tim di têkoşîna xwe de bi bîr bînin.

14:33

Însiyatîfa Gel a Bakur û Rojhilatê Sûriyeyê komkujiyên li peravên Sûriyeyê yên li dijî Elewiyan şermezar kirin û peyama piştgiriyê da gelê peravê.

13:15

Di danişîna doza Dayikên Aştiyê de ku ji ber hefteya 700’emîn 44 kes dihatin darizandin, ji bo tevahiya kesên tên darizandin biryara beraetê hate dayin.

13:07

Tora Mafê Mirovan a Kurdistanê ragihand ku çarenûsa 4 çalakvanên Kurd ên ji ber beşdarî çalakiyên 8’ê Adarê bûyîn hatîn binçavkirin, nediyare.

13:06

Cenazeyê Dayika Aştiyê Sakîne Arat a ku jiyana xwe ji dest da, bi girseyî hate oxirkirin.

11:36

85 Xelatgirên Nobelê ji bo Nêrgiz Mihemedî ku li Îranê bi destûra demkî hatibû berdan û girtiyên siyasî bêşert bên berdan, bang kirin.

11:04

Hejmara sêyemîn a ‘La Place’ hat weşandin. Yek ji damezrînerên kovara jinan a "La Place" Saadîa Kasim destnîşan kir ku ev kovar ji bo piştgiriya têkoşîna jinên Cezayîrî tevkariyê dike.

10:40

Dayika Aştiyê Sakîne Arat, di têkoşîna gelê Kurd de salên dirêj cihê xwe girt, tevî êşên ku kişandin jî heta dawiya jiyana xwe ji bo aştî û edaletê têkoşîna xwe domand.

07:36

Ji destpêka pevçûnên ku li paytexta Sûdanê Xartûm dest pêkiriye jin ji aliyê Hêzên Piştgiriya Lezgîn ve weke amûrê şer tên bi karanîn. Jin bi revandin û zewaca bi zorê re rûbirû ne.

07:20

Rêvebera projeya "Gundê El-Wefaa" û pisporê axaftin, rehabîlîstasyon û perwerdeya taybet Wefaa Ebû Celalê ji bo zarokên sêwî cihekî ku zaroktiya xwe bijîn ava kir û piştevaniya wan dike.

05:50

Navenda El-Herayêr a ji aliyê Yekitiya Jinên Tûnisê ve hatiye vekirin ji bo jinên Tûnisî derfetên kar û fêrbûna pîşeyê ava dike.

19:23

Kombûna Jinan a Zenûbiya komkujiyên li herêmên peravên Sûriyeyê şermezar kirin û ji bo hesabpirsînê jî daxwaza avakirina komîteyeke lêkolînê kir.

17:39

Nazê Nayîf Qewala ku di sala 2017’an de ji aliyê pêşmergeyên Roj ve hatibû şehîdxistin, di 8’emîn salvegera şehadeta xwe de ji aliyê endamên TAJÊ ve li ser gora xwe hat bibîranîn.

17:17

Li wargeha penaberan a Mexmûrê pêşbirkên 17’emîn Mîhrîcana Çand û Werzîşê yên 4’ê Nîsanê didomin. Di çarçoveya pêşbirkan de dinavbera xwendekarên dibistana amedeyî de pêşbirkek ya zanistî hat lîstin.

14:02

Navenda Çavdêriya Mafên Mirovan a Sûriyeyê (SOHR) ragihand ku di 24 saetên dawî de li 3 komkujî li Tertûs, Laziqiyê û Hemayê hatin kirin û di encamê de 158 kes hatin qetilkirin.

11:38

Zextên Talîbanê li dijî jinan, her diçe zêde dibin bi serdegirtina malan re êdî dest bi danîna ser cilên bi reng û malzemeyên kozmetîk ên jinan kirin. Jin li dijî van pêkanînan peyama ‘Em ê fikrê mêrsalar û olperestiyê ji holê rakin” dan.

10:18

Dayika Aştiyê Sakîne Arat a ku demek dirêj di nav têkoşîna azadiya Gelê Kurd de cih girt jiyana xwe ji dest da.

10:06

Hevseroka beşa xwendina Lîsans û Zanistên Civakî ya Zanîngeha Rojava Jiyan Seyid Silo qala girîngiya zanîngehên alternatîf kir û got: "Ji bo civakek demokratîk û zanistî hewceyî bi avakirina zanîngehan hebûn.”

07:11

Li Amedê amadekariyên Newroza 2025’an didomin. Berdevka Komîteya Amadekar a Newrozê Gulşen Ozer, hemû kesan vexwend qada Newrozê û got: “Ev Newrozeke dîrokî ye. Em ê li dora agirê azadiyê bibin yek.”

05:00

Dayikeke Kurd ku bi kiras û xiftanê xwe yê Kurdewar xemilandî ye, li Bendava Tişrînê ya bi roj û şevên berxwedanê navê xwe li dîrokê dinivîsîne, bi dilekî germ û tijî hezkirin dayikeke Ereb pêşwazî dike.