rojane

15:40

Komeleya Mafên Mirov a Kurdistanê, ragihand ku di meha Adarê de 2 ji wan jin 8 welatiyên Kurd li Îran û Rojhilatê Kurdistanê hatine darvekirin.

14:37

Li Pakistanê berdana bi şertê ji bo bidawîkirina çalakiyan, ji aliyê endama Yekitiya Belûc a girtî Mehrang Belûc û girtiyên din ve hat redkirin. Li welat çalakiyên welatiyên Belûc li dijî zext û tundiyê didomin.

13:51

Nivîskara Îranî Mehregan Namavar a ku bi nasnameya xwe ya muxalîf tê naskirin bi êrîşê re rû bi rû ma. Nivîskara ku bi giranî birîndar bû rewşa wê giran e.

13:47

Di çalakiyên şermezarkirinê yên bi daxwaza dîtina windayan û darizandina kiryaran de, ji bo rûbirûbûna û aştiya civakî bang li hikûmetê hat kirin.

13:39

Komîsyona Lêpirsînê ya Neteweyî di serdana xwe ya duyemîn a qadê de 340 bûyerên binpêkirina mafên sivîlan li navçeya Hayfan a li başûrê Taîzê ku giredayê Ezzat Al-Ahkum e belge kir û diyar kir ku bi dehan kes mexdûr bûne.

13:02

Dayikên Şemiyê di hefteya 1045'an de li Qada Galatasarayê ya ku ji hêla polîsan ve hatî dorpêçkirin li aqûbeta Talat Turkoglu pirsîn û gotin: "Çi hat serê hezkiriyên me yên hatin binçavkirin? Em carek din banga pêkanîna edaletê dikin."

12:16

Hate ragihandin ku di erdheja li Myanmarê de 3 hezar û 354 kesan jiyana xwe ji dest dane û 4 hezar û 850 jî birîndar bûne, her wiha 220 kes jî winda ne.

12:14

Bi wesîleya rojbûna Rêberê Gelê Kurd Abdullah Ocalan di navbera 4-10’ê Nîsanê de bi beşdarbûna bi sedan sazî û koman li pênc parzemînan û li dehan bajaran çalakiya 3’yemîn Rojên Xwendina Pirtûkên Abdullah Ocalan a Cîhanî hate lidarxistin.

11:38

Rojnamevan û endama Tora Dengên Aştiyê ya Jinên Yemenê Mecîda Hemûd Muhemed Talêb diyar kir ku li Yemenê jin ji bo ku rol bilîzin têdikoşin û wiha got: "Pêdiviya jinan bi piştgiriyek berfireh û bi bandor heye."

11:13

Hêzên Ewlekariya Hundirîn (Jin) a Bakûr û Rojhilatê Suriyeyê, bi desteka YPJ’ê li dijî hewldanên şaneyên DAIŞ’ê yên kampa Roj, dest bi operasyonek kirin.

11:08

Li gorî rapora meha Adarê ya MKG’ê 54 car mafên rojnamegeran hatine binpêkirin. Di raporê de bal hat kişandin ku binçavkirin, girtin, êrîşên fîzîkî û sansurên dijîtal zêde bûne.

10:39

Bertekên jinan li dijî cezayê darvekirinê zêde dibin. Jinên Başûrê Kurdistanê bi çalakiyên cur be cur û peyamên xwe diyar kirin ku ew ji bo azadkirina çalakgerên weke Werîşe Mûradî û Pexşan Ezîzî têdikoşin.

10:36

Jinên Êzidî bi coşeke mezin 4’ê Nîsanê rojbûna Rêberê Gelê Kurd Abdullah Ocalan pîroz kirin, anîn ziman ku rojbûna Ocalan rojbûn û ronahiya rêya wan e, her wiha ji bo azadıya fîzîkî a ocelan ew ê têbıkoşın.

09:33

Jinên ku beşdarî şahiya rojbûna Rêberê Gelê Kurd Abdullah Ocalan a li bajarê Qamişloyê bûn diyar kirin ku wê 4'ê Nîsanê bikin roja azadiyê û gotin: "Rojbûna Rêber Apo rojbûna mirovahiyê ye."

09:15

Di pîrozbahiya 4’ê Nîsanê ya li taxên Şêxmeqsûd û Eşrefiyê de, azadiya fizîkî ya Rêberê Gelê Kurd Abdullah Ocalan hat xwestin.

08:03

Şandeyek jinan a ku ji Nemsayê cara yekemîn derbasî Bakur û Rojhilatê Sûriyeyê bû, ji akademîsen nivîskar, siyasetmedar û rojnamevanan pêk tê, serdana Kongra Star a Rojava kir.

07:55

Analîsta siyasî Îman Ebû Asaf daxuyaniyên Îsraîlê yên li ser Durziyan nirxand, diyar kir ku daxuyanî aloziya li başûrê Sûriyeyê zêdetir dikin û got: “Armanc ne parastina Durziyan, hewl dide wan ji bo berjewendiyên xwe bi kar bîne.”

07:21

Fermandar û şervanên YPJ'ê yên 12’emîn salvegera damezrandina YPJ’ê pîroz kirin gotin: “YPJ bû sembolek ku hemû jinên cîhanê xwe li vê yekê bigire. Bi bingeh, bi pîvan destpê kir, li ser asta cîhanê mirov dikare bêje modela xwe qezenc kir.”

22:29

Li Wargeha Penaberan a Mexmûrê, 4’ê Nîsanê rojbûna Rêberê Gelê Kurd Abdullah Ocalan bi coşek mezin hat pîroz kirin. Xwendekar û gelê wargehê yên bi cil û bergên xwe yên Kurdî berê xwe dan qada şahiyê, daxwaza azadiya fîzîkî ya Abdullah Ocalan kirin.

21:24

Rojbûna Rêberê Gelê Kurd Abdullah Ocalan li gundê wî Amarayê ku lê ji dayik bûye bi girseyî bi dirûşma “Bijî Serok Apo” hat pîrozkirin.