rojane

16:53

Hevdîtinên komîteya dîplomasî ya TAJÊ ya li Bexdayê didomin. Di çarçoveya van hevdîtinan de semîner hat dayîn, wêneyên fermanê hatin pêşandan û ji bo şehîdên fermanê gul avêtin Çemê Dîcleyê.

16:01

ÎHD û Xizmên Windayan di çalakiya xwe ya vê hefteyê de ji bo Muhyettîn Taştekîn ê ku di 5’ê Tebaxa 1993’an de li baxçeyê mala xwe hatî qetilkirin banga ronîkirina kiriyan kirin.

15:44

Xebatkarên jin ên Şaredariya Gel a Şengalê li Parka Dayê Erzan ji bo zarokan perwerdeya avjeniyê didin. Zarok jî bi kêfxweşiyeke mezin tevlî perwerdeya avjeniyê dibin.

14:37

DAKB'ê bi boneya salvegera Fermana 74'emîn a li dijî Êzidiyan ya di 3'yê Tebaxa 2014'an de pêk hat, daxuyanî da û got “Çeteyên DAIŞ'ê bi taybetî jinên Êzîdî kir hedef. Bêdengiya dewletan hevkariya vî sûcê li dijî mirovahiyê ye.”

13:51

Dayikên Şemiyê di çalakiya xwe ya 1062'an de, li eqûbeta Murat Aslan ku piştî binçavkirinê mirî hate dîtin pirsîn û gotin, "Kesên ku Murat winda kirin hîn jî nehatine darizandin. Em daxwaza lêpirsînek bi bandor dikin û bêcezatiya 31 salan bi dawî bikin."

13:35

Fermandariya Gişti a YPJ’ê bi boneya 11’emîn salvegera Fermana 74’an a 3’ê Tebaxa 2014’an daxuyanî da û got: “Weke YPJ wê tekoşîna rizgarkirina jinên Şengalê erka me ya sereke be û di hemû kêliyên têkoşînê de emê li gel civaka Êzîdî amade bin.”

13:28

Yekitiya Jinên Êzidî bi boneya salvegera Fermana 3’yê Tebaxê daxuyanî da û xwest hêzên navneteweyî fermanê nas bikin û hesab ji berpirsên wê bipirsin.

13:02

Binpêkirinên li dijî rojnamegerên Filistînî her diçe zêdetir dibin. Rojnameger Marwa Muslim a ku piştî êrîşa hewayî ya Îsraîlê agahî jê tunebû piştî sê hefteyan cenazeyê wê hat dîtin.

12:49

Celladê Nugra Selman, Hecac Tikrîtî hat girtin. Qethe Elî Mehmûd şahida sûcên li girtîgeha Nugra Selman wiha dibêje: “Zilm li jinan dikir. Ew zilm nayê tarîfkirin, em çiqas behsa êşê bikin kêm e. Em hesab dixwazin.”

12:29

Di rapora meha Tîrmehê ya MKG'ê ya li ser binpêkirinên mafên rojnamegerên jin de hat destnîşankirin ku 24 rojnameger tên darizandin û 5 rojnameger jî girtî ne.

12:02

Sê ciwanên Êzidî ji bo bîranîna Şengalê ji Geliyê Kersê ya Şengalê dest bi meşê kirin. Ciwanên ku li ser maşa bi seatan dewam kir gihiştin Sûka Kevin a navenda Şengalê dê heya gundê Koço bimeşin.

09:46

Bi mebesta 11’emîn salvegera fermana 74'an a li ser Şengalê û wek bersîvek ji vê fermanê re, kovara Nîsan hat derxistin. Ev kovar di encama têkoşîn û berxwedana 11 salan a jinên Êzidî de derket holê.

09:02

Aktivîsta ekolojiyê Suheyla Dogan, bal kişand ku li Tirkiyeyê qadên xwezayî û jiyanê pêşkêşî sermayeyê hatine kirin û bang li her kesî kir ku ji bo jiyana ekolojîk têbikoşin.

08:48

Di bin dirûşma “Azadiya fizîkî ya Rêber Apo, azadiya civakê ye, werin em bi hev re jiyana azad, çandeke azad û civakek komînal ava bikin” Kongra Star û TEV- ÇAND’ê konserek da.

08:46

Ji 13’ê Tîrmehê ve heta niha li ser bajarê Suweyda yê Sûriyeyê, ji aliyê rêveberiya demkî ya di destê Heyet Tahrîr el-Şam a cîhadîst de ye dorpêçeke berfireh a mirovî û aborî heye. Li ser civaka Durzî polîtîkayek birçîhiştin û qirkirinê tê meşandin.

08:38

Serpêhatiya Lale nîşan dide ku jin heta ku dikarin xizmetê bikin, li ba civakê bi nirx in loma jî di jiyanê de her dem têdikoşin.

08:26

Beşdarên jin ên perwerda Weqfa Zimanê Kurdî ya li Reqayê, destnîşan kirin ku ziman ji bo nifşên pêşerojê gelek girîng e û banga tevlîbûnê li hemû jinên Bakur û Rojhilatê Sûriyeyê kirin.

08:15

Êzidî dibêjin: "Avabûn û rastiya cîhanê pir li dûr negere cîhan pir nêzî te ye. Ji bo famkirina vê rastiyê famkirina hêkê bes e." Jinên Êzidî 11 salan bi sekna xwe, li Şengalê pêşî li ronasensê vekirin, li qadên berxwedanê di refên pêş de cihê xwe girtin.

08:12

Dayîka Sarê ku di dema Komkujiya Şengalê de li wir bûye, destnîşan kir ku 9 rojan li çiya mane, li çiya gelek kes ji ber tîbûn û birçîbûnê mirine, gelek kes jî ji neçariyê zarokên xwe li pey xwe hiştine û meşiyane.

16:02

Neteweyên Yekbûyî (NY) diyar kir ku Îsraîlê li Xezeyê herî kêm hezar û 373 Fîlîstiniyên li benda alîkariya mirovî bûn, kuşt.