rojane

14:11

Li Tahranê çalakvanek jin a bi navê Muthere Gûneyî ji ber nerazîbûn nîşanî êrîşên Îsraîlê da hate binçavkirin û cezayê girtîgehê li 5 jinên din jî hate birîn.

14:01

Ji ber sedemên pêvajoyên şer û pevçûn, xizanî û tundiyê jin ji rojavayê Efrîqayê ber bi Ewropayê ve koç dikin. Li gorî NY’yê, hejmara jinên di riyên koçkirinê de jiyana xwe ji dest didin zêde bûye.

12:46

Di daxuyaniya ku bi mebesta sêyemîn salvegera teqandina Meclîsa Gel a Sinûnê hat dayîn de, hat destnîşankirin ku ew ê heta dawiyê li pey doz û şehîdên xwe bin.

12:38

Civaknas Sosen Raxeş têkildarî pevçûnên di navbera Îran û Îsraîlê de nirxandin kir û got: “Tekane tişta em tê de îsrar dikin, bidawîbûna şerê hilwşîner e. Serkeftina şer nabe, zêdetir gel ji ber şeran zirarê dibînin.”

11:00

SOHR’ê ragihand ku li Sûriyeyê di 24 saetên dawî de bi kêmanî 13 kes di nav de jinek hatine kuştin.

10:31

Hejmara nû ya kovara Jinê bi manşeta “Qada cemaweriyê, bêdengî û bêîteatî: Hebûna polîtîk a jinan” derket.

08:48

Di demeke ku aloziyên di navbera Îsraîl û Îranê de bi êrîşên hevbeş zêde dibin, senaryoyên cuda der barê hedefa êrîşan û encamên gengaz de tên nîqaşkirin.

08:24

Damezrînera Înîsiyatîfa "Astengdarî destpêkek e" Mona Amqî diyar kir ku hewl dide mafên bingehîn ên astengdarên li Sûriyeyê mîsoger bike.

20:53

Çalakvanên çalakiya nobetê ya li wargeha penaberan a Mexmûrê ev nêzî du sal in ji bo mîsogerkirina azadiya fîzîkî ya Rêberê Gelê Kurd Abdullah di çalakiyê de ne. Çalakî ji aliyê koma 136’emîn ve hat dewirgirtin.

15:47

Hate ragihandin ku hejmara kesên di êrîşa artêşa Îsraîlê ya ji 7’ê Cotmeha 2023’an heta niha li dijî Zîvala Xezayê de jiyana xwe ji dest dane, di nava 24 saetan de 90 kes zêde bûye, gihîştiye 55 hezar û 297’an.

15:20

Xizmên Windayan ji bo Mehmet Emîn Ayhan û Hamît Pamûk ên ku li Amedê hatin qetilkirin û dosyaya wan wek kiryarnediyar man, daxwaza edaletê kirin.

15:01

“Înîsiyatîfa Jinan a Pêwistiya Min bi Aştiyê heye” bi şandina kartan ji bo girtiyên siyasî yên li girtîgehan û jinên ku xwe diparêzin, daxwazên xwe yên ji bo avakirina aştiyê anîn ziman.

14:55

Hate diyarkirin ku di êrîşa Îsraîlê li dijî paytext Tehrana Îranê pêkanî de, di avahiyek li taxa Çamran de 20 jê zarok 60 kesan jiyana xwe ji dest dane.

14:44

Federasyona Rojnamegerên Navnetewî, kampanyaya di televîzyona ‘El -Huviye’ ya girêdayî Husiyan de li hember rojnemvanên jin ên Yemenê hatiye destpêkirin, şermezar kir û got ku ev şermeke mezin e.

14:41

Dayikên Şemiyê di çalakiya xwe ya vê hefteyê de li aqûbeta Nurettîn Çur ê li Amedê hat windakirin pirsîn, gotin: "Em bi biryar in, em ê daxwaza xwe ya ji bo ronîkirina sûcên li dijî mirovahiyê bidomînin."

14:37

Piştî ku Îsraîlê êrîşê hinek saziyên leşkerî yên li Îranê kir, fikarên aktivîstên mafên mirovan û saziyên navneteweyî derbarê girtiyên siyasî bi taybetî jinên girtî yên li Îranê de zêde bûn.

13:09

Saziyên civakî yên Şirnexê têkildarî destdirêjiya li hemberî zarokan daxuyaniyeke hevpar dan û xwestin kiryar bên cezakirin. Saziyan banga beşdariyê meşê li gel kirin.

12:34

Şerê ku Îsraîlê bi êrîşên ku bi navê ‘Operasyona Şêrê Bilind dibe’ da destpêkirin, berdewam dike û Îran ji bersiva van êrîşan dide.

12:31

Serlêdanên ji bo “Xelatên Rojnamegeriya Jinan a Gurbetellî Ersoz” ên ku ji aliyê MKG'ê ve tê organîzekirin di 17'ê Hezîranê de dest pê dikin.

11:53

Îran tengava Hurmuzê ku wek dilê hilgirtina LNG û petrola kûrewî tê qebûlkirin û bandorê li hemû cîhanê dike, girt.