rojane

21:17

Çalakiya Nobetê ya li wargeha penaberan a Mexmûrê ku ji bo mîsogerkirina azadiya fîzîkî ya Rêberê Gelê Kurd Abdullah Ocalan hatibû destpêkirin, bi dewirgirtina koma 147’emîn di roja xwe ya 753’an de didome.

16:34

Jinên ku ji bo Belucên hatin girtin û windakirin meşiyan, li bendê ne raya giştî ya dinyayê dengê wan bibihîse.

16:28

Rapora dawî ya NY, raxist berçavan ku Talîban bazar û wesayîtên giştî li jinên ku çarşev li xwe nekirine, qedexe kiriye.

15:55

Meclisa Kombûna Jinan a Zenûbiya ya Reqayê, bi sernavê “Bi rêxistinbûna jinan civak hevgirtî dibe” bi armanca têkoşîna li dijî tundiya li ser tevahî jinan û berxwedana li dijî kirinên li dijî mafê jinan, kampanyayek da destpêkirin.

15:52

Gelê Tebu ya li Lîbyayê, di Roja Cîhanî ya Gelên Xwecihî de li dijî gotinên nefretê têdikoşîn. Mebruka Huseyîn ya ji gelê Tebu got "Divê li dijî kesên nijadperastiyê dikin tedbîrên bandorker bên girtin” û daxwaza parastina ziman û çanda xwe kir.

15:19

Partiya Yekitiya Demokratîk (PYD) li bajarê Şedadê civînek taybet ji bo jinan li dar xist, di civînê de geşedanên dawî yên siyasî hatin gotûbêjkirin.

14:19

Li gorî rapora NY, li Yemenê gelek jin ji ber şer û xizaniyê ji bo bijîn neçar mane li kolanan bermahiyan kom bikin. Astengkirina alîkariyan ji aliyê Hûsiyan ve krîzê hê kûrtir dike.

12:37

Hat ragihandin ku ji bo berdana Sara Gohari, ku ji aliyê dewleta Îranê ve hatiye girtin, kefaleta 500 milyon tûmenî hatiye xwestin.

12:31

Li Zîvala Xezayê ku Îsraîl birçîbûnê wekî çekek şer bi kar tîne, ji duh ve zarok jî di nav wan de 16 Filistînî ji ber nebesiya xwarinê mirine.

11:18

Rojek piştî eşkerekirina plana Îsraîlê ya ji bo dagirkirina bajarê Xezeyê, li Tel Avîvê bi deh hezaran kes bi daxwaza bidawîkirina şer û berdana dîlgirtiyan meşiyan.

10:59

Hejmara 128’an a kovara Jinê manşeta “Berxwedana jinê ya kujerê kastîk” derket.

09:31

Efganistan, welatek pir etnîk e û di dîrokê de rastî êrîş û mudaxeleya welatên biyanî hatiye. Gelo îro dijminê hindir û derve, hewl didin cûdabûna etnîkî geş bikin û gel perçe bikin?

09:25

Endama Akademiya Jineolojiyê Sara Botan a ku têkildarî Fermana 74’an û têkoşîna jinên Êzidî axivî, bal kişand li ser girîngiya parastina jinan û got ku divê jin xwe birexistin bikin.

08:52

Aktîvîstên jin ên Sûriyeyê, destnîşan kirin ku jin di cihên biryardayînê de ne xwedî hebûnek rastîn in û ev jî daxwazên ji bo kotaya jinan dike hewcedariyek.

08:43

Jinên bajarê Dêrazorê destnîşan kirin ku tiştê ku îro diqewime nakokiyek herêmî tenê nîn e û gotin: “An em ê li hember pevçûnan yekgirtî bisekinin, an jî em ê tiştê ku ji welatekî birîndar maye winda bikin.”

08:38

Jinên bajarê Qamişloya Bakur û Rojhilatê Sûriyeyê diyar kirin ku ew dixwazin di Sûriyeya xwedî pergaleke demokratîk û wekhev de bijîn.

08:19

Hevseroka Desteya Karûbarên Civakî ya Kantona Firatê Felek Yusif der barê girîngiya rêxistinkirin û aktîfkirina komîn û meclîsên jinan de got ku bi saya wan li kolan û gundan, kes nikare neheqî, tundî û destdirêjiyê bike.

20:14

Zîvala Xezayê, di roja 673’emîn a êrişan de bi biryara Îsraîlê ya kontrolkirina tevahî bajarê Xezayê, bi gefekî nû re rû bi rû ye. Ev biryar, wê bibe sedem ku bi deh hezaran niştecihan ji cih û warên xwe bibin.

17:33

Di encama êrîşa komên çekdar ên girêdayî Rêveberiya Demkî ya Sûriyeyê ya li dijî herêma Bisêra ya Dêrazorê de, yek jê zarok 4 sivîl birîndar bûn.

17:29

Aktîvîst Leyla Huseyînzade, da zanîn rayederên Îranê ji bo bêdenkirina girtiyên siyasî polîtîkaya tacîz û darvekirinê zêdekiriye û wiha got: "Ev nêzîkatî ji ber tirsa rayedaran a ji rêxistinbûna hêzên muxalîf e.”