rojane

14:37

Wezareta Tenduristiyê ya Filistînê li Xezeyê ragihand ku di 24 saetên dawî de li nexweşxaneyên Xezeyê 123 kes mirine û 437 kes jî birîndar bûne.

13:31

Cenazeyên 22 Êzidiyên di Fermana 3’yê Tebaxê de hatibûn qetilkirin, bi merasîmekê radestî malbatên wan hatin kirin.

13:25

Endamên DEM Partiyê yên di komîsyona li Meclisê de cih digirin, gotin: “Dê komîsyon li nav û saziyên hatine diyarkirin guhdarî bike. Piştre jî dê komîsyon têkildarî sererastkirinên yasayî ku entegrasyona demokratîk jî di nav de ye, xebatan bike.”

13:20

Li Tunisê bangên ji bo sererastkirina Qanûna Rewşa Sivîl zêde dibin da ku rewşa heyî ya jinan nîşan bide. Lê belê ev guhertin divê bingeha qanûnê têk nebe.

13:12

Li rojhilatê Derayê komeke çekdaran êrişî karwanê alîkariyan kir ku ber Siwêdayê ve diçû û 7 kes revandin.

12:45

Neteweyên Yekbûyî diyar kir ku Yemen li ber xelaya ku heta niha mînakên wê tune ve diçe, bang kir ku ji bo pêşî li felaketa herî xirab a di dîroka nûjen de were girtin, li qada navneteweyî çalakiyên lezgîn werin destpêkirin.

12:22

Li gorî daneyên Komîteya Parastina Rojnamevanan (CPJ), ji êrîşên Îsraîlê yên ku di 7’ê Cotmeha 2023’an de dest pê kirin heta niha herî kêm 192 rojnamevanan jiyana xwe ji dest dane.

11:38

Kooperatîf, bi taybetî yên ku balê dikşînin ser hêzdarkirina jinan, di nava krîzên ku welatên Rojhilata Navîn dikşînin de amûrên bi bandor in ji bo pêşxistina demokrasî û aştiyê.

10:54

Di parlamentoya Iraqê de rêjeya jinan di sala 2021’an de ji sedî 29 bû, ji ber feraseta mêr, eşîr û partiyan nikaribûn bibin dengê jinan. Jin niha jî nikarin ji bo jinan kar bikin.

10:40

Jinên Rojhilatê Kurdistanê ku gotin serhildana “Jin, Jiyan, Azadî” dengê jinên li Rojhilat kirine yek, destnîşan kirin ku mêrên gundan jî di bin bandora vê serhildanê de mane.

10:29

Beşdarên xwepêşandana ya li Suweydayê tekez kirin ku ji bo rawestandina binpêkirinên li dijî sivîlan û destpêkirina lêpirsînek serbixwe li ser komkujiyên hatine kirin, destwerdana navneteweyî pêwîst e.

08:46

Galeriya Şeqayeq a Navenda Hunerê ya li Kabîlê ku jinên Efgan lê perwerde didîtin, çend roj piştî vebûna navendê rastî êrîşa Yekîneyên Fermana Başiyê (Emr-i Bil Maruf) hat. Jin dibêjin ku ew ê dev ji hunerê û têkoşîna xwe bernedin.

08:41

Jinên ji Reqayê daxwaz kirin ku berpirsiyarên komkujiyên li dijî sivîlên li peravên Laziqiye û Suweydayê ji aliyê civaka navneteweyî ve werin darizandin. Jinan peyama "Gelê Sûriyeyê yek gel e; tu hêz nikare me ji hev veqetîne" dan.

08:35

Lêgerîna rastiyê berdewam dike. Xwedawenda dayîkê, di lêgerîna xwe ya rastiyê de, bi zelaliya hişê xwe tovên azadî û hêviyê di jiyanê de çand. Ew di heman demê de dayîka civakê ye, vê yekê vediguherîne çavkaniyek jiyanê…

08:22

Jinên karker û xwendekarên Zanîngeha Rojava yên bajarê Til Temirê piştgirî dan Kampanyaya “Ez dixwazim bi Abdullah Ocalan re hevdîtinê bikim” û gotin “Bi saya wî em xwe diparêzin. Em ê rexnedayîna 26 salan bidin wî.”

21:42

Serokwekîla Koma DEM Partiyê Gulistan Kiliç Koçyîgît ya di komîsyonê de axivî, wiha got: “Em di wê baweriyê de ne ku ev pirsgirêk bi îradeya Meclîsê, siyaset û îradeya hevpar a gel were çareserkirin.”

19:17

Piştî lêkolîna testa DNA ya 22 qurbaniyên Êzidî ya ya li Bexda ku di fermana 3’yê Tebaxa 2014’an de ji aliyê DAIŞ’ê ve di gorên komî de hatibû qetilkirin, cenazeye wan gihişte Navenda Lêkolînê ya li Mûsilê.

16:11

Gulistan Kiliç Koçyîgît, wiha got: “Ji bo sepanên dij-demokratîk ên di serdema pevçûnan de di pêvajoya aştiyê de veguherin sepanên demokratîk, gelek girîng û pêwîstiyeke mezin e ku xebatên çareseriya demokratîk û veguherîna demokratîk bên destpêkirin.”

15:50

Kampanyaya “Sêşema na ji darvekirinê re” li 49 girtîgehên li Rojhilat û Îranê di hefteya 81’emîn de didome. Girtiyan balkişandin li ser zêdebûna cezayên darvekirinê û bang li malbatên girtiyan kirin ku cezayên darvekirinê yên li ser zarokên xwe ragihînin.

14:48

Komîsyona Hevgirtina Neteweyî, Xwişk-Biratî û Demokrasiyê ku di çarçoveya pêvajoya çareseriya pirsgirêka Kurd de hatiye avakirin, cara 3’yemîn civiya.