rojane

13:57

Dayikên Şemiyê di çalakiya xwe ya vê hefteyê de ragihandin ku adalet bêyî eşkerekirina rastiyê nayê bidestxistin. Avakirina Komîsyonên Heqiqetê pêviyeke ku divê neye bipaşxistin e.

13:55

Sendîkaya Rojnamevanên Sûdanê bertek nîşanî biryara Wezareta Turîzm û Enformasyonê ya dûrxistina ji kar a Lîna Yaqûb da û diyar kir ku biryar derbeke li dijî mafê gel ê xwegihandina agahiyan e.

13:16

Înisiyatîfa Mala Penaberan bi Jineolojiyê re li Îskenderiyeyê panelek li dar xist. Di panele de bal hat kişandin ser edaleta jinan a di warê xwezayê û li ser rola wan a domdar a di warê pêşxistinê de nîqaş hatin kirin.

12:07

Li Helebce 2’yemîn Mihrîcana Wêje û Helbestên Jinan hate lidarxistin. Piştî pêşkêşiya huneran xelatên rêzdariyê pêşkêşî jinên nivîskar û helbestvanan hatin kirin.

11:36

Rêxistina Kongra Star û Kombûna Jinan a Zenûbiya li bajarê Hesekê konferansa "Hevgirtina jinan bingeha avakirina edalet û demokrasiyê ye li Sûriyeya ne navendî û yekgirtî" li dar xistin.

11:28

Di konferansa ku bi beşdariya akademîsyen û aktivîstên mafên mirovan û siyasetmedaran ji aliyê Koordînasyona Jinan a Guherîna Bingehîn ve li ser zagona malbatê li Rabatê hat lidarxistin de rola parlamentoyê hat nîqaşkirin.

09:29

Bi fermana serokê Talîbanê Molla Heybetullah Ahundzade, li çend bajarên Efganistanê, înetnet an bi temamî yan jî bi qismî hat birîn. Ev biryar di navbera welatî, xwendekarên dibistanan û yên zanîngehê de bû sedema fikaran.

09:13

Rênas Cebar ku tevî nebûna çavên xwe zêdetirî salekê di warê ragihandinê de xebitî û niha jî karê dirûtinê dike, got ku “Tu astengiyeke tenduristî an fîzîkî nabe hinceta astengkirina pêşketina karên min.”

08:20

Şêwirmend û derûnnasa Navenda Şehîd Amara Fadiya El-Ewed balkişand ser xwekuştinên ku di demên dawî de li herêmê çêdibin, got ku bi dayîna mafan dikarin kuştinan kêm bikin û banga “bi destên hev bigirin” li jinan kir.

20:43

Komeleya Mafên Mirovan a Îranê diyar kir ku girtiyeke li Girtîgeha Qerçakê Cemîla Ezîzî, bi guman jiyana xwe ji dest daye. Hate diyarkirin ku Ezîzî ji nexweşiyên giran dikişand û dermankirina wê hatibû astengkirin.

19:56

Nûçegîhana JINNEWS’ê Şehrîban Aslan ku nûçeya ‘Malbata ku zaroka wan hat revandin: Ewlehiya canê me tuneye’ çêkir, ji aliyê gumanbarê ku zarok revand ve bi mirinê hat tehdîdkirin.

15:31

Bi dorpêça berdewam a li ser Zîvala Xezayê, 800 hezar Filistînî bi karesateke mirovî re rû bi rû ne.

14:43

Dewleta Tirk a dagirker îro li gundên Sikêro û Elî Bacelî yên Girê Spî ku ji 2019ˊan ve dagirkirî ye, zêdetirî 20 kes revandin.

14:39

Li herêma Darfûr a Sûdanê li dijî kampa penaberan a bi navê Abû Çok êrîşeke bi balafirên bêmirov hat kirin û di encamê de 75 kes mirin.

13:59

Beşdarên komxebatekê li ser aboriya kesk û dorhêlê, piştrast kirin ku jinan ne tenê bi destpêkirina projeyan, di heman demê de bi nûjenkirina çareseriyên jîngehê yên domdar jî, şiyana berbiçav a beşdarbûna di vê pêvajoyê de nîşan dane.

12:42

Li Sûriyeyê ji ber teqîna mayînan 2 jê zarok û 1 jê jin 4 kesan jiyana xwe ji dest dan.

12:26

Îranê bi sûcdariyê “piştgirîkirina rejîma siyonîst” û “propagandaya li dijî Komara Îslamî ya Îranê li ser medyaya civakî” bi giştî 6 sal cezayê zindanê li çalakvan Mehnoş Abdullahî birî.

12:12

Rewşa tenduristiyê ya Sumeye Reşîdî, girtiya siyasî ya li Girtîgeha Qerçekê, roj bi roj xirabtir dibe. Malbata wê diyar dike ku rayedar hewl didin nexweşiya wê ya ku ji ber rakirine nexweşxaneyê weke “hewldana xwekuştinê” nîşan bidin.

11:32

Kêmasiya navendên dermankirina derûnî û tirsa ‘reşkirina’ malbatan li Libyayê dibe sedem ku jinên nexweşiyên derûnî nikaribin derman bibin û ev yek gelek caran dibe sedema serpêhatiyên ku dawiya wan mirin e.

10:51

Jinên Taîzê yên daketin qadan ji bo Avtehan El-Meşherî daxwaza edaletê kirin.