rojane

16:45

Mamosteyên li bajarên Idlib û Helebê ya Sûriyeyê, li dijî paşguhkirina berdewam û şert û mercên jiyanê yên xirab ên rû bi rû tên, dest bi grev kirin û dersdayinê rawestandin.

14:32

Tora Bîjîşkên Sûdanê, ragihand ku Hêzên Piştgiriya Lezgîn (RSF) di rojên dawî de ji kolan û taxên El-Faşêr a paytexta parêzgeha Darfûrê, bi sedan cenaze kom kiriye û hinek ji wan di gorên komî de veşartiye û hinek jî şewitandiye.

13:40

Yekem mihrîcana zeytûnan li gundê Hermûte yê girêdayî navçeya Koye hat lidarxistin. Li gund salane bi sedan ton zeytûn tên hilberandin û jin pêşengiya amadekirina zeytûnan dikin.

13:23

Li gorî îstatîstîkên fermi, li Îranê di 10 salên dawî de rêjeya bûyerên xwekuştinê nêzî ji sedî 70’ê zêde bûn. Li gorî daneyan, li seranserê welat Parêzgeha Îlamê xwedî rêjeya xwekuştinê ya herî bilind e.

12:18

Di bazarek tije çîrokên jinan de, tayên ku ketine nava hev, êşa bêdengnebûyî û çîroka bi sebrê hatiye nexişandin vedibêjin. Bazara ku bi banga Yekîtiya Jinên Filistînê hatiye avakirin, ne tenê berhemên destan, wateya hebûnê jî pêşan dide.

12:09

Li bajarên Sûriyeyê ku di bin kontrola HTŞ’ê ya cîhadîst de ye, jinek û zarokek keç a 17 salî hat revandin.

10:54

Rojnamevanên jin ên Bakur û Rojhilatê Sûriyeyê, di konferansa Yekîtiya Ragihandina Jin (YRJ) de dan zanîn ku tevî zor, zehmetî û êrîşan jî rojnamevanên jin dibin dengê gel û şopdarên riya rastiyê ne.

10:43

Hejmara 141’an a kovara Jinê bi manşeta “Dayikên Aştiyê: Berxwedan û Bîr” derket.

10:32

Li paytexta Îtalyayê Romayê ji bo bîranîna endama Akademiya Jineolojiyê û rojnameger Nagihan Akarselê, Mihrîcana Dengên Arkaîk hate lidarxistin.

10:27

Siyasetmedar û çalakvan Geşe Dara Hefîd got: “Pêşdenebirina pêvajoya aştiyê, dewleta Tirk ber bi paşketina aborî, siyasî û civakî ve dibe. Tevî vê jî Tirkiye gavên pêwîst ne avêtiye.”

10:09

Li gundê Kamb ê Sistan-Belûcistanê, jinên ku malên wan hatine hilweşandin, bi zarokên xwe re li ber ofîsa parêzgarê parêzgeha Çabaharê kom bûn û xwepêşandan kirin. Jinan daxwaza rawestandina hilweşandinê kirin.

09:05

Şahida 65 salan Saziye Azîz a Efganistanî, behsa berxwedan û têkoşîna jiyanê ya ku ji serdema Zahir Şah heta Talîbanê didome ve kir û da zanîn ku ji sala 1978’an ve heta niha jinên Efgan di bin navê îslam û şerîetê de tên mexdûrkirin.

08:05

Malzemeyên ku jin ji bo bedewiyê li gundewarên Sidî Buzîd, bi kar tînin di bazaran de ne tên dîtin ne jî tên firotin. Berhemên ku xwedî kevneşopî û çanda kevnar in hê jî bi destên jinan bi hine, rûn û teniyê tên çêkirin û dibin sembolên dîrokî.

07:18

Li bajarê Hecîn ê Kantona Dêrezorê, li cihê ku bêhna axê tevlî hewaya dîrokî bûye, Aziye El-Ukla ya 100 salî dijî. Ew hê jî hînbûyîneke ku ji ciwaniya xwe ve neterikandiye didomîne. Axê bi hezkirin, sebir û înad diçîne.

19:28

Ofîsa Jinê ya Meclisa Sûriya Demokratîk, bi sernavê "Ji nenavendîbûne ber bi makezagonek neteweyî ya berfireh ve" rûniştinek diyalogê li dar xist. Beşdaran, balkişandin ser pêdiviya pergalek nenavendî ku mafên jinan diparêze.

19:24

Rêberê Gelê Kurd Abdullah Ocalan, di peyama xwe ya ji bo meşa Kolnê de, wiha got: “Hêviya ku tevî hemû hewldanên me her tim nivî hat hiştin, îro bi vê gavavêtina me ya Aştî û Civaka Demokratîk, ji nû ve şîn dibe."

19:19

Komîsyona Jinan a Encûmena Parastina Neteweyî ya Îranê, ragihand ku ji destpêka salê ve 23 jin li girtîgeha Karçakê jiyana xwe ji dest dane û jinên ku li berxwe didin jî bi gef û heqaretan re rû bi rû dimînin.

17:10

Heyeta Lêkolîna Rastiyan a Mafên Mirovan a Neteweyên Yekbûyî, di rapora xwe de, ragihand ku kiryarên bûyerên bi navê "cînayetên namûs” û “cînayetên jinan” tên binavkirin, li welat ji darizandin û cezakirinê bêpar in.

17:04

4’emîn konferansa YRJ’ê ya ku bi dirûşma “Bi mezinkirina YRJ’ê em ê bibin dengê şoreşa jinê” hat lidarxistin piştî hilbijartina 31 endamên meclisa YRJ’ê, bi encamnameyê bi dawî bû.

14:53

Îffet Mutaş a aqûbeta birayê xwe Alî Tekdag ê piştî di sala 1994’an de li Amedê hate binçavkirin, hate windakirin pirsî, wiha got: “Em heqê xwe ji kujeran re nehêlim. Dema ez diçim Farqînê bang dikim û dibêjim; Elî tu li ku yî?.”