rojane

17:41

Şêniyên bajarê Qamişlo daketin qadan, êrîşên cîhadîstên HTŞ’ê û çeteyên girêdayî dewleta tirk yên li dijî taxên Şêx Meqsûd, Eşrefiyê Benî Zêd şermezar kirin û piştgiriya xwe ya ji bo gelê Şêx Meqsûd û Eşrefiyê anîn ziman.

16:51

Meclisa Gel a Şêx Meqsûd bang li tevahiya şêniyên taxê kir ku dakevin kolanan û berê xwe bidin Nexweşxaneya Şehîd Xalid Fecir.

15:32

Karwanê seferberiyê bexwedana Şêx Meqsûd û Eşrefiyê gihaşt deriyê Dêr Hafirê yê kantona Tebqayê.

15:27

Kongra Star şehîdên Komkujiya Parîsê bi bîr anîn û berxwedana dîrokî ya li ku taxên Helebê siav kir.

15:15

Di xwepêşandana li Suweyda hat lidarxistin de, jinan xwestin aqûbeta zarokên wan ên bi zorê hatin revandin û bi mehane xeber jê nagrin, eşkere bikin û zarokên wan jî di nav de hemû girtî tavilê berdin.

15:11

Xizmên Windayan û Komeleya Mafê Mirovan (ÎHD) a Şaxa Amedê çalakiya “Bila winda bên dîtin, kiryar bên darizandin” di hefteya 883'yemîn de berdewam kir.

14:56

Xelkê Şengalê li dijî êrîşên çeteyên HTŞ’ê û çeteyên girêdayî dewleta Tirk a dagirker a li ser taxên Şêx Meqsûd û Eşrefiyê meşiyan.

14:42

Komeleya Rojnamegerên Jin a Mezopotamyayê (MKG) di daxuyaniyekê de ku di 10'ê Çile, Roja Rojnamegerên Dixebitin de hat weşandin, diyar kir ku rojnamegerî di bin zextek giran de ye, bi taybetî jî rojnamegerên jin hedef digirin.

14:38

Hêzên Ewlekariya Hundirîn a Taxa Şêx Meqsûd, îdîayên komên çeteyan ku dibêjin di bin nexweşxaneyê de tunel hene, derewandin û xwest ku şandeyên bê alî werin û rewşa nexweşxaneyê ji nêz ve bibînin.

14:24

Xwepêşandanên li Îran û Rojhilatê Kurdistanê di roja xwe ya 14’an de didome, bijîşkekê ragihand ku tenê di 6 nexweşxaneyan de, herî kêm 217 xwepêşanderan jiyana xwe ji dest dane.

14:18

Çeteyên girêdayî HTŞ’ê ya cîhadîst û dewleta Tirk a dagirker, li gel êrişên bi tang, top û dronan, bombeyên gazê avêtin hundirên Nexweşxaneya Şehîd Xalid Fecir.

13:50

Di xwepêşandanên li Îranê ev 14 roje didome de, êrîşên dewleta Îranê didomin. Di encama êrîşa Polîsan de jina bi navê Akram Pîrgozî hate qetilkirin.

13:42

Li gorî çavkaniyên li qada şer, li asîmanê Şêx Meqsûdê balefirên bê mirov (SÎHA)’yên Tirk difirin.

13:40

Dayîkên Şemiyê di hefteya 1085'emîn a çalakiyên xwe de ji bo Komkujiya Basayê daxwaza edaletê kirin û xwestin berpirsiyar bên darizandin.

13:28

YPJ’ê fedaiyên parastina taxa Şêx Meqsûdê Dilbirîn, Faraşîn, Denîz, Rojbîn û Hawar bi bîr anîn û got: “Bi qasî ku fedaiyên vî gelî yên mîna Dilbirîn, Faraşîn, Denîz, Rojbîn û Hawar hebin, wê serkeftin her ya gelê me yê serfiraz be.”

12:35

Çalakvana siyasî Ronahî Hisên şehîdên komkujiya Parîsê bi bîr anî û diyar kir ku rê û xeta wan temsîla heqîqetek bêdawî ye.

12:33

Li Heleba ku êrîşên çeteyan didomin, endamên Hêzên Ewlekariya Hundirîn a Şêx Meqsud li hemberî êrîşên komên çeteyan çalakiyên fedayî kirin. Di çalakiyê de gelek endamên çeteyan hatin kuştin.

12:24

Bi sedan ji şêniyên bajarê Kobanê bi pêşengiya ciwanên kantonê meşiyan. Gel û ciwanan gotin; emê ji bo parastina rûmeta gelê xwe têbikoşin.

12:12

Besê Şamarî diyar kir ku xwepêşandanên li Îran û Rojhilatê Kurdistanê berdewamiya şoreşa ‘Jin, Jiyan, Azadî’ ye û got: “Xwepêşandan çiqas zû bi vê dirûşmê bit eşe bibe wê ewqas bi wate bibe.”

11:39

Tora Jinên Pêşerojê Dihûnîn careke din li hemberî hovîtiya şerê faşîzma dewlet û çeteyan, “berxwedana jin û gelên Kurdistanê ji tevahiya cîhanê re wek nimûneyeke rûmetê” nîşan da û banga parastina Rojava û Rojhilatê kir.