rojane

14:53

Raporên NY’ê binpêkirinên cidî yên li Sûdanê belge kir. Di raporê de bûyerên mîna kuştinên bêserûber, hedefgirtina sivîlan û navendên tenduristiyê, bikaranîna birçîbûnê ya mîna çekek şer û tundiya zayendî hatin tomarkirin.

14:52

Nasnameya 11 jinên Kurd ên di dema xwepêşandanên li Îran û Rojhilatê Kurdistanê ji aliyê rejîma Îranê ve hatin girtin, eşkere bûn.

14:47

Tora Mafê Mirovan a Kurdistanê, ragihand ku nasnameya 20 jê zarok 240 xwepêşanderên Kurd ên di xwepêşandanan de ji aliyê rejîma Îranê ve hatîn qetilkirin, hate piştrastkirin.

13:50

Lêkolînek nû nîşan dide ku şerê 11 sal in didome di civaka Yemenê de rê li ber hilweşîna tenduristiya ruhî vekiriye. Nêzî 7 milyon kes bi travma û xirabûna psîkolojîk re têdikoşin.

13:46

Koordînasyona KJK’ê, di salvegera komploya li dijî Rêberê Gelê Kurd Abdullah Ocalan daxuyanî da û got: “Bidawîkirina polîtîkayên komplo û komkujiyan a di sala 28’emîn de, bi azadiya fîzîkî ya Rêber Apo re pêkan e.”

13:33

Şaxa ÎHD'ê ya Amedê û xizmên windayan di hefteya 888’emîn a çalakiya xwe ya “Bila windakirî bên dîtin, faîl bên darizandin” de daxwazkirin Mehmet Mehdî Akdenîz ê di 20'ê Sibata 1994'an de li navçeya Pasûrê, li gundê Qeraormanê hatibû windakirin were dîtin

13:29

Dayikên Şemiyê, di çalakiya xwe ya 1090'emîn de li Qada Galatasarayê li hev civiyan û aqûbeta Ridvan Karakoç ê di sala 1994'an de hatiye windakirin û qetilkirin pirsîn.

12:53

Tora Jinan a Qiloçê Afrîkayê SIHA, cezayên recmê yên li du jinên li herêmên Rîşîrîş û Xartum Bahriyê hatine birîn, şermezar kir û diyar kir ku ev yek pêkanînên cudakar ên li dijî jinan ên di Qanûna Cezayê ya Sûdanê de radixe ber çavan.

12:52

Aktîvîsta sivîl Meryem Derîs ku di serdegirtina mala xwe ta li Kazerunê de hate binçavkirin, birin cihekî nediyar û derbarê sûcên li dijî wê de tu agahî nehat dayîn.

12:33

Li hember êrîşên vê dawiyê li ser Rojavayê Kurdistanê pêk hatin, gelê Kurd li her çar aliyên Kurdistan û tevahiya cîhanê bû yek. Parêzer Çirû Şiwanî wiha got: “Yekîtiya gelê Kurd niha nasnameya rast a gelê Kurd e.”

11:53

HRANA'yê di rapora xwe ya der barê Îran û Rojhilatê de, ragihand ku di 48 rojan de 219 jê zarok 6 hezar û 509 xwepêşandar hatine qetilkirin.

11:45

Di komxebateke civakî ya li Tûnisê de hat diyarkirin ku rewşa jinên Tûnisê, hê jî xirab e û zagon di warê başkirina rewşa jinan û kêmkirina xizanî û mêtinkariyê de serkeftî nîn in, tevî ku jin bênavber têdikoşin jî pêşketin çênabe.

11:43

Li Rabata paytexta aborî ya Mexribê, bi hevkariya "Komeleya Têkoşîna ji bo Wekhevî û Hemwelatîbûnê" û Yekîtiya Rojnamevanên Neteweyî ya Mexribê, der barê rola medyayê de komxebatek hat lidarxistin.

11:21

Konseya Jinan ji parastina civakî bigre heta aboriyê, ji siyasetê bigre heta rêxistinbûnê di qadeke berfireh de xebatên xwe dimeşîne, ji bo parastina maf û bihêzkirina jinan, projeyên piralî dimeşîne.

10:52

Komîteya Yekîtiya Neteweyî ya Jinên Kurd a Rojavayê Kurdistanê bang kir ku konferansek neteweyî ya Kurd were lidarxistin, bal kişand ser girîngiya parastina nasname û destkeftiyên neteweyî û rola pêşeng a jinên Kurd.

10:14

Rola jinên Kurd di berxwedana neteweyî, vegera civakê û têkoşîna azadiya jinan de, nîşan da ku azadî encax bi beşdariya wekhev a jinan pêkan e.

10:02

Girtiya nexweş Besra Erol a 66 salî ya berdana wê hatibû taloqkirin, ji Girtîgeha Xarpêtê derket.

09:39

Endama Fermandariya Giştî ya YPJ’ê Rohilat Efrîn, got: “Ji bo me ya girîng ew e ku her çar parçeyên Kurdistanê di nav yekitiyê de Rojava biparêzin. Tenê bi vî rengî azadiya gelê Kurd dikare pêk bê. Heta ku perçebûn û înkar berdewam bike, ev ne pêkan e.” 

07:56

Hunermenda Mexrîbî Hayat Xafrî, ji bo ku zarokên Mexrîbî pêkhateyên nasnameya çandî nas bikin û ji teknolojiya ku bûye wek tiryak dûr bikevin, li taxên bajêr zarokan bi rêya şanoyê perwerde dike.

07:42

Rêberê Gelê Kurd Abdullah Ocalan ê di Girava Îmraliyê de girtî ye; di van 27 salan de tu carî dest ji îsrara muzakereyên aştiyê berneda. Hevseroka DBP’a wane Gonul Uzunay, bal kişand ser paradîgmaya Abdullah Ocalan, got ku komplo têk çûye.