rojane

07:22

Rêvebera Mala Jinê Hedla Ebdilwehab destnîşan kir ku zewicandina zarokan û pirjinî li Çiyayê Kizwanan zêde bûye, ji bo pêşî li vê yekê bigirin, dest bi nasandina Zagona Malbatê kirine.

23:40

Tevgera Azadiya Jinên Êzidî (TAJÊ) li navenda Şengalê, êrîşên li ser taxên Şêxmeqsûd, Eşrefiyê û Benî Zêd ên Helebê bi daxuyaniyeke şermazerkirin û piştewaniya xwe ji jinên Heleb û Rojhilatê Kurdîstanê da diyar kirin.

23:05

Platforma Yekîtiya Jinên Kurd ên Ewropayê êrîşên li ser taxên Şêx Meqsûd û Eşrefiye yên li Helebê û êrîşên rejîma Îranê li dijî xwepêşandaran şermezar kir û destnîşan kir ku van êrîşan îradeya gel hedef digre.

23:00

Hesabên Tirkî, Kurdî û Îngilîzî yên JINNEWS û Ajansa Mezopotamya yên li ser platforma X’ê, ji aliyê X’ê ve hatin astengkirin.

22:59

Di encama êrîşên cîhadîstên Heyet Tehrîr el-Şam (HTŞ) ya li dijî taxên Kurdan ên li Helebê de piraniya wan jin û zarok 13 welatî hatin qetilkirin û 64 kes jî birîndar bûn.

21:31

Li navenda Şengalê ji aliyê Tevgera Azadiya Jinên Êzidî (TAJÊ) di 13’emîn salvegera xwe de her sê jinên şoreşger bi semînereke hatin bibîr anîn.

19:00

Li Wargeha Penaberan a Mexmûrê, bi pêşengiya Meclîsa Îştar salvegera 13’emîn a qetlîama Parîsê ya 9’ê çile yê ku sê pêşengên jinên Kurd hatibûn qetil kirin bi semînerek hatin bîbîr anîn.

18:02

Li Amedê di meşa ku bi pêşengtiya Platforma Saziyên Demokratîk hate lidarxistin de, êrîşên li dijî taxên Eşrefiyê û Şêx Meqsûd ên Helebê hatin şermezar kirin. Di meşê de wiha hate gotin: “Heta ku çeteyên HTŞ'ê paş ve vekişin, em ê li ser piyan bin.”

16:53

Îro piştî banga 7 partî û 11 rêxistinên jinan ên li Kurdistanê û bi piştgiriya saziyên din ên siyasî û sivîl, li piraniya bajarên Kurdistanê grevek giştî hate ragihandin û tevahî bazaran hatin girtin.

16:01

Bi dehan kesên ji bajarê Suweydayê yê Sûriyeyê, bi armanca şermezar kirina bombebarankirina sivîlên li taxên Şêx Meqsûd û Eşrefiye yên Helebê li hev civiayan û piştgirî dan gelê Kurd.

15:46

Li gelek bajarên Bakurê Kurdistanê û yên Tirkiyeyê bi çalakî û daxuyaniyan êrişên çeteyan ên li ser taxên Şêxmeqsûd, Eşrefiye û Benî Zêd ên Helebê hatin şermezarkirin û banga piştgiriyê hate kirin.

15:28

Komîteya dîplomatîk a Kongra Star, ji Komîseriya Bilind a Neteweyên Yekbûyî, Konseya Ewlekariyê ya NY’ê, Ofîsa Nûnertiya Taybet a Sûriyeyê ya Neteweyê Yekbûyî û CPT’yÊ re çar peyam şandin.

15:02

Li Îranê 555 mamosteyan, ji bo desteka bi xwepêşandanên gel re daxuyaniyek hevpar weşandin. Mamosteyan, bang li hemû hevpîşeyên xwe kirin ku li kêleka daxwazên gel ên azadî, edalet û jiyanek bi rûmete bisekinin.

14:59

Hêzên Ewlekriya Hundirîn-Helebê û Meclisa Giştî ya Taxa Şêxmeqsûd û Eşrefiyê, êrîşan şermezar kirin û destnîşan kirin ku armanca êrîşan çewîsandina gel û bi gefa çekê bi darê zorê neçarkirina gel a koçberiyê ye.

14:29

Çavkaniyên herêmî, ragihandin ku binçavkirina xwepêşanderên li Rojhilat û Îranê zêde dibe û xwepêşander sewqî navendên binçavkirinê yên nediyar tên kirin.

14:24

Bi sedan ji şêniyên kantona Firatê ji bo 13’emîn salvegera komkujiya Parîsê û yekemîn salvegera berxwedana Tişrînê meşiyan. Meşvanan berxwedana gelê Şêx Meqsûd û Eşrefiyê silav kirin.

14:22

Ji pêşengên Tevgera Kesk Zehra Rahnavard, ji bo malbatên kesên di xwepêşandanên dawî de jiyana xwe ji dest dane sersaxî xwest û got: “Em hemû bi hev re ne û em ê bi hev re ji zilmê derbasî demokrasiyê bibin.”

14:09

Piştî çewsandina xwepêşandanan, hejmara binçavkirina jinan, xwendekarên zanîngehê û xwendekarên Dibistana Amedeyî zêde dibe. Çavkaniyên mafên mirovan, ragihandin ku li dijî Mehsa Basir Tevana tundî hatiye bikaranîn û piştre hatiye binçavkirin.

14:04

Li Efganistanê, şîdeta nava malbatê ya li dijî jinan, bi faktorên çandî û aborî her diçe kûrtir dibe. Zordariya li ser Golsar Mohammadû, nîşan dide ku bi hatina Talîbanê re jin bê parastin mane.

13:37

Îro li Bajarê Mehabadê, li ser banga partiyên Kurd û li dijî tepeserkirina berfireh a Komara Îslamî, greva giştî hat ragihandin û bazar girtî man. Tevî hemû gefên hêzên dewletê û hebûna giran a leşkerî û leşkerên bi cilên sivîl jî, grev didome.