rojane

21:00

Bi nêzîkbûna 25’ê Mijdarê Roja Navneteweyî ya Têkoşîna li dijî Tundiya li dijî Jinan re, li Helebê ji bo mêran dewreyek perwerdehiyê ya sê rojî hate destpêkirin.

15:08

Şaxa ÎHD’ê û Xizmên Windayan, di hefteya 875’an de hatin ba hev û aqûbeta Hakî Kaya yê ku di 1996’an de hat binçakirin û windakirin pirsîn.

14:59

Dayîkên Şemiyê ku cara hezar û 77’an e li Qada Galatasarayê tên ba hev û banga edaletê dikin gotin: “31 sal in aqubeta Nazim Gulmez di tarîtiyê de maye û kiryar bi bêcezatiyê hatin parastin.”

14:50

Di çarçoveya dehemîn Mihrîcana Fîlman a Mafên Mirovan a Navnetewî ku li paytexta Tûnisê hat lidarxistin de, Komeleya Perwerde û Entegresyona Çandî ya Tûnîsê bi sernavê ‘Pergala mafê mirovan di rastiya heyî de’ civîna çapemeniyê li dar xist.

14:48

Li bajarê El Faşêr ê rojavayê Sûdanê, piştî Hêzên Piştgiriya Lezgîn kontrol girtin destên xwe, zêdetirî 100 hezar kesan ji welat koç kirin. Neteweyên Yekbûyî, di mijara binpêkirinên li hemberî sivîlan û kûrbûna krîza mirovî li welat hişyarî da.

11:44

Leşkerên Îranê, li Zahedanê li gel tîmên şaredariyê li ser herêma Keşaverz û cadeyên wilayetê yên 42 û 44 de girt û gelek avahiyên welatiyên Baluc hilweşandin.

10:53

Berdevkê UNICEF’ê yê Xezayê diyar kir ku li Xezayê tevî agirbestê jî krîza mirovî didome zanîn ku yek ji pirsgirêkên li peşiya xebatên mirovî pirsgirêka zarokên winda ne. Ofîsa Koordînasyona Karên Mirovî ya NY (OCHA) rewşê wek ‘felaket’ bi nav kir.

10:35

Ji ber krîza mirovî û hilweşîna pergala tenduristiyê, Rêxistina Tenduristiya Cîhanê li Yemenê li dijî zêdebûna mirina pitikan hişyarî da. Rêxistinê diyar kir ku kêmxwarinî û kêmasiya zêde ya xizmetên tenduristiyê rewşek bi xeter e.

10:17

Platforma Çalakiyên Hevbeş a Tevger û Rêxistinên Jinan li Bakur û Rojhilatê Sûriyeyê ragihand di demekê ku Sûriye di rewşên aloz ên siyasî, aborî û civakî de dijî de kampanyayek didin destpêkirin.

09:40

Jinên Kurd giya weke derman ji bo gelek nexweşiyan û tenduristiyeke baş bi kar tînin. Bexçeyê Yarî yek ji cihên ku giya û fêkî lî tên çandin e. Jinên Helebceyî diçin nava baxçe giya, sebze û fêkiyên xwezayî û paqij berhev dikin.

08:16

Îman El-Qudsî ya Yemenî di navbera zoriyên aborî, nêrîna civakê û pêdiviya nasînê ya kesên guhên wan nabihîsin de maye û bi zimanê îşaretê riya xwe dîtiye. Qudsî deriyên zanîgehan li xwendekarên nabihîsin vekir, kampanyayan li dar xist.

08:10

Jinên Êzidî ji şahiya salvegera 10’emîn a rizgarkirina Şengalê pêyama, “Heke em Êzidî bibin yek, çawa ku 10 sal berê Êzidî bûn yek û axa xwe ji destê dijmin derxistin û serkeftin, wê îro jî wisa biserkevin” dan.

07:51

Jinên Lîbyayî ji bo jinên Sûdanî yên ji ber pevçûnan bêwar mane û koçî welatê wan kirine, peyama “Berxwedêr bin û bizanin ku li Lîbyayê xwişkên we hene ku li kêleka we sekinîne. Me bi dilên vekirî hûn li axa xwe pêşwazî kirin” dan.

07:26

Hevseroka Heyva Sor a Kurd ya Bakur û Rojhilatê Sûriyeyê Hediya Abdullah ragihand ku pêşengeha ji bo zarokên penceşêrî tê lidarxistin û got ku tiştên ku zarokên nexweş çêkirine, di pêşangehê de wek diyarî bên belavkirin.

15:13

Li gorî daneyên NY’ê, piştî zêdetirî du salan şerê li Xezayê, bi piraniya zarokan re êrîşkarî û nexweşiyên xewê çêbûne. Ji ber vê rewşê pispor daxwaza piştgiriyek demdirêj û domdar dikin.

15:06

10’emîn salvegera rizgarkirina Şengalê li navenda Şengalê bi coşekî mezin hat pîrozkirin. Di axaftinên şahiyê de hat gotin ku Şengal bi berxwedan û şerê xwe hatiye naskirin û hat diyarkirin ku Şengal Şengala şehîdan û qehreman e.

14:38

Li Tûnisê rojnameger û nûnerên civaka sivîl, xebatên rawestandina Nawaatê ji bo mehekê, şermezar kirin, gotin ku biryar siyasî ye û azadiya çapemeniyê hedef digre.

13:49

Hêzên paramîlîter ên Tirk li Efrîn malbatek hedef girtin. Kesek hat kuştin û jinek bi giranî birîndar bû.

12:41

Pirtûka “Çîrokên Jinên di Zindanê de” ku ji 11 çîrokên jinên girtî yên zindanê pêk tê, roja 15’ê Mijdarê li ÇandAmedê bi rojeke îmzeyê re digihîje ber deste xwendevanan.

11:47

Aktivîsta sivîl û şampiyona gureşê Masume Suleymanî, di vîdyoya li ser hesabê xwe yê medyaya dîjîtal de behsa zextên saziyên ewlekariyê cezayên ku girtine û gefên li tên xwarin kir û got “Ez ji gelê Îranê bi şeref dixwazim bibin dengê min”