Navenda Nûçeyan – Tora Çalakvanên Efrînê ragihand ku li bajarê Efrînê ya Bakur û Rojhilatê Sûriyê jinek ji aliyê çeteyên girêdayî artêşa Tirk a dagirker ve hat qetilkirin.

Toreya Çalakvanên Efrînê ya li Bakur û Rojhilatê Sûriyê, piştrast kir ku îro danê sibehe komeke çeteyên dewleta Tirk a dagirker ên bi pere li gundekî navçeya Raco ya bajarê Efrînê jineke 40 salî qetil kirine.

Toreya Çalakvanên Efrînê ragihand ku jina binavê Aufa Şêx Ehmed a 40 salî piştî talankirina pereyên di destê xwe de bi amûrekî birîne tûj hatiye qetilkirin û da zanîn ku çeteyan ji bo veşartina şopên sûcê mala jina hat qetilkirin şewitandine.