BAHARÎN LEHÎB

Kabîl- Piştî ku Afganistan ji aliyê Talîbanê ve hat desteserkirin, welat bi komkujî û binpêkirina mafên jinan ket rojevê. Afganistan niha ji bo jinan bûye cihê qedexeyan û jiyana wan di ewlehiyê de nîn e.

Li gorî nûçeyên ku di çapemeniyê de derketine, bûyerên qetilkirina jinan li welat her diçe zêdetir dibin û gelek ji wan bûyeran jî nayên bihîstin.

Daneyên tundiyê di meha Tebaxê de li Afganistanê wiha ye:

*24’ê Tîrmehê: Li navçeya Sîahgerd a Perwanê, Johargola 40 salî hat qetilkirin.

*25’ê Tîrmehê: Nîlûfer a 18 salî li taxa Molaghlam a navenda Bamyanê bi guman jiyana xwe ji dest da. Mirina wê weke ‘xwekujî’ hat qeydkirin.

*29’ê Tîrmehê: Haydeh a 16 salî li bajarê Maimene Feryabê di encama gulebaranê de jiyana xwe ji dest da. Ev bûyer jî wekî ‘xwekujî’ hat qeydkirin.

*31’ê Tîrmehê: Li navçeya Kohistanat Sarpolê jina bi navê Hatîce ya 25 salî ji aliyê mêrê ku pêrê cewicî bû  hat qetilkirin.

*1’ê Tebaxê: Fatimaya 40 salî li mala xwe ya li taxa Daikandî ya Kajranê hat qetilkirin.

*3'ê Tebaxê: Masoumeh a 21 salî li taxa Khajaghar a Takharê ji aliyê kesên nasnameya wan nediyar ve bi amûreke tûj hat qetilkirin.

*5’ê Tebaxê: Li Kunduzê mamosteyeke jin di mala xwe de rastî îşkenceyê hat û hat qetilkirin. Di dema îşkenceyê de guh, ziman û poza wê hatibûn texrîbkirin.

*10’ê Tebaxê: Li navçeya Siahgerd a Parwanê jina bi navê Rozgol bi guman jiyana xwe ji dest da.

*18'ê Tebaxê: Niazkhal ê 45 salî li navçeya Sayad Sarpolê di mala xwe de ji aliyê çekdaran ve hat qetilkirin.

*18'ê Tebaxê: Li navçeya Naziyan a Nangarharê ciwanek û jinek hatin qetilkirin. Hat hînbûn ku her du jî ji aliyê mamê jina ciwan ve hatine qetilkirin.

*20'ê Tebaxê: YouTuber Hawa Sedat li qada 18'an a Kabîlê ji aliyê kesên nasnameya wan nediyar ve hat qetilkirin.