FATÎMA REŞAD

Aden – Yekîtiya Jinên Yemenê, bi hevkariya Weqfa Pêşketina domdar re li bajarê Lahîc bi beşdariya jinan semînerek hate li dar xist.

Di semînera ku ji derveyî nûnerên saziyên hiqûqî, perwerde û ewlehiyê, rêxistinên civaka sivîl jî têde cih girtin de, bal kişand ser zêdebûna tundiya dijîtal li dijî jinan û zarokên keç. Armanca semînerê, li dijî cûrên tundiyê avakirina hişyariyê û bi bîrxistina girîngiya bernameyên ji bo têkoşîna li dijî tundiya ser jinê hatin amadekirin.

‘Jin di qada dijîtal de tên hedefgirtin’

Dîrektora Beşa Rewşa Jinan a Enstitûya Pêşxistina Domdar Dr. Nejwîn el- Şeyh, di semînerê de diyar kir ku semîner di demek ku dinya bi lez dijîtal bûye de hatiye lidarxistin û tundiya dijîtal li dijî jin û zarokên keç zêde bûye û got: “Tundiya dijîtal li ser telefonê, bi binpêkirinên wek şantaj, tacîz, zext û mahremiyetê re didome, di encamê de bi sînordarkirina azadiya jinan re ewlehiya derûnî û civakî tê hedefgirtin.” 

Tundiya dijîtal: Diyardeyek ku gefê li mehremiyeta jinan dixwe

Parêzvana mafan Întisar Kard got: “Jinên ku dibin hedefa êrîşên dijîtal, jiyana wan tevlîhev dibe û îmaja wan a di civakê de zirerê dibîne. Belavbûna înternet û platforêmên medyaya dijîtal, rê li ber her roj binpêkirinên mahremyeta jinan vedike, hinek kesên niyet xirab jî ev qad ji bo şantaja elektronîk ji bo xirabbûnê bikar tînin.”

Di dawiya semîrenê de, hinek pêşniyar hatin kirin. Di nava van pêşniyaran de bihêzkirina piştevaniya civakî, parastina mafan bi awayê herî çalak û modern ku her cûrê tundiya dijî jinan red dike, rûmet û hemû mafê jinan misoger dike cih girt.

Di demên dawî de hate diyarkirin ku jinên Lahîcî, girîgiya beşdariya xebatên têkoşîna li dijî tundiyê de be vekirî fêm kirine. Jin îro beşdarî atolyeyên perwerdeyan dibin, di çalakiyên jinan de rola aktîv girtine, aliyên erênî yên xebatên jinan hewl dan bê dîtin. Li kêleka wê hewl da ku saziyên jinan, di mijara xizmetê de sûdên wê yên şênber derbixin pêş.