Navenda Nûçeyan – Konseya Koordînasyina Sendîkayên Mamosteyên Îranê, di rapora xwe de ragihand ku biryara veguherandina cezayê girtîgehê ya 3 mehan a der barê endama sendîkayê Toran Silêmanî Babadî ya li Şûşê dijî ya ji aliyê Dadgeha Şoreşê ya Şûşê ve hatiye dayîn, ji bo cezayê pere hatiye bicîhanîn û piştî dayîna cezayê pere, doz hatiye girtin.

Toran Silêmanî Babadî, bi teblîxatek ji bo Yekîneya Lêpirsînê ya 5’emîn a Dozgeriya Giştî û Şoreşê ya Şûşê hatibû gazîkirin û danişîna lêpirsînê di heman mehê de li wir hatibû li dar xistin. Endama sendîkayê, parastina xwe ya têkildarî sûcdariya "propagandaya li dijî Komara Îslamî ya Îranê" pêşkêş kiribû û di dawiya danişînê de bi kefaleta 200 milyon tûmenî hatibû berdan.