dosya

09:09

Nûçegihana jin tv Ferîde Zede behsa rola ragihandinê di berxwedana Efrînê de kir û wiha got: "Bi kamerayên xwe me kêlî bi kêlî berxwedana Efrînê dişopand. Ji bo derxistina rastiyê gelek hevalên me şehîd bûn. Me hewl dida em dîmenên bi bandor bikşînin da ku her kes hovîtiya Tirkiyeyê bibîne û sînorek jê re were dayîn."

08:09

Rêvebera Aboriya Jinan a Kongreya Star Armanc Mihemed der barê kar û xebatên Aboriya Jinan de wiha got: "Armanca me ji projeyan ew e ku em rêxistinbûn û aboriya jinan bi dest û keda wan ava bikin."

08:43

Êrîşên li ser Efrînê ne tenê êrîşeke li ser bajarê Rojavayê Kurdistanê bû, êrîşek li ser paradîgmaya neteweya demokratîk a xwe dispêre xeta azadiya jinan û nirxên civaka exlaqî û polîtîk bû.

08:01

Endama Meclisa Jin a Edaleta Civakî ya Herêma Cizîrê Welae El- Elî der barê kar û xebatên Edaleta jinê de da zanîn ku jin adil in û got: "Cudahiya Edaleta Jin, ji Meclisa Edaleta Civakî ya giştî ew e ku serxwebûna xwe diparêze û bi taybetî ji bo jinan kar dike."

09:05

Li bajarê jinan ê bi xemil û xêz Efrînê pêvajoyên Şoreşê Şoreşa Rojava ya li Kobanê dest pê kir, mîna agirê azadiyê di demên pir kin de belavî Rojavayê Kurdistanê û tevahî Kurdistanê bû. Şoreşa Rojava ya bi pêşengiya jinên Kurd dest pê kir û veguherî Şoreşa Jinê, ji tevahî gelê Kurd, jinên cîhanê û ji tevahî mirovahiyê re bû çavkaniya hêviyê.

08:00

"HPC-JIN parastina maf, hebûn û rastiya jinê dike" Rêvebera Hêzên Parastina Cewherî ya Jinê Hediye Abdullah kar û xebatên Hêzên Parastina Cewherî nirxand û got: “Beriya bi hezaran salan di destpêka mirovahiyê de jinan civak, zarok û axa xwe diparastin. Îro jî HPC-JIN erka wan jinan digrin ser milên xwe, civak û axa xwe diparêzin."

08:36

Dîroka dûr û nêz a Kurdistanê şahidiya gelek berxwedaniyên bedew û bêhempa ya li dijî dagirkerî û faşîzma ku li ser hatiye ferzkirin kiriye. Ji dîroka nêz, ji Dimdimê heya Geliyê Zîlan, ji Dêrsimê, heya Şêngalê, ji Rojavayê Kurdistanê, Efrînê û berxwedaniya niha ya li dijî tunebûna ku li ser hebûna gelê Kurd tê ferzkirin... Efrîn jî yek ji wan berxwedaniyên dîrokî ye ku mirov dikare di dîroka wê de kurtedîroka tevahî Kurdistanê bibîne.

07:46

Endama Têkilî û Tifaqên Demokratîk a Kongreya Star Rûken Ehmed kar û xebatên dîplomasiyê nirxand û got: "Dîplomasiya Kongreya Star xebatên girîng di aliyê danasîna şoreşa Rojava û piştgiriya ji bo Rojava da meşandin."

08:18

Berdevka Komîteya Civakî ya Kongreya Star Gulistan Elî der barê kar û xebatên komîteyê de wiha got: "Komîteya civakî dema hat damezrandin tiştên ku di nava civakê de li pişt perdeyê mane û nehatine dîtin dît û xist rojeva xwe."

08:23

Berdevka Komîteya Perwerdeyê ya Kongreya Star Koçer Hisên kar û xebatên perwerdeyê nirxand û got: "Perwerde qadeke esasî ye, guhertin û veguhertina mêjî çêdike."

09:07

Endama Koordînasyona Kongreya Star a Rojava Rihan Loqo kar û xebatên Kongreya Star nirxand û got: "Kongreya Star bi rengekî berfireh, hezkirineke mezin û moreleke xurt li tevahî bajar û welatan kar û xebatên xwe dimeşîne û bi çanda neteweya demokratîk dijî."

09:41

Berdevka Kongreya Star a Rojava Remziye Mihemed rêxitinbûna Yekitiya Star nirxand û da zanîn ku ew ruxmê zexta rejîma Beasê dev ji israra xwe ya rêxistinbûnê bernedane û got: "Pêşengên Yekitiya Star ji dayikên gerîla û şehîdan pêk dihatin û îro jî bi saya Yekitiya Star em bûn Kongreya Star."

08:06

Yekitiya Star bû bingeha rêxistinbûna jinên Kurd ên li Rojavayê Kurdistanê û bi şoreşa Rojavayê Kurdistanê re xwe berfireh kir û bi navê Kongreya Star hemû jinên ji pêkhateyên cuda di hundirê xwe de hembêz kir.

08:44

34 can bi bombeyên ku ji ezman bariyan hatin qetilkirin… Şîna jinên ku parçeyên zarokên xwe yên di 28’ê Kanûnê de hatin qetilkirin xistin tûrikan û oxirê bêdawîtiyê kirin, qet xîlas nabe. Li gundê ku ev 10 sal in edalet pêk nayê, lorîk gihîştin asîman. Dayikek ji Roboskê her du destên xwe dirêjî wêneyê 34 kesên ku hatin qetilkirin dike, ji “edaleta” ku pêk nayê re serî radike. Jinên ku 10 sal in cilên reş li xwe dikin her roj bi heman êşê şiyar dibin.

08:42

Pêvajoya hiqûqî ya der barê Komkujiya Roboskê ya ku 34 kesan jiyana xwe ji dest dabûn mexdûriyetek duyemîn bi malbatan da jiyîn. Piştî serlêdana ku li dadgeha herêmî hat kirin bi hinceta “mebest nîn e” bi neşopandinê bi encam bû, serlêdana ji bo Dadgeha Mafên Mirovan a Ewropayê bi hinceta ku riyên qanûnê bi dawî nebûne nehat qebûlkirin. Yek ji parêzerên dozê Kerem Altiparmak diyar kir ku dosya cara dawî ji nû ve ji Dadgeha Destûra Bingehîn re hatiye şandin, bal kişand ku di vê pêvajoyê de tu berpirsyar nehatine darizandin.

09:56

Dayika Mihemed Encu Heybet Encu yek ji 34 kesên di Komkujiya Roboskê de jiyana xwe ji dest da ye; yek ji jinên yekemîn e ku berê xwe da qada komkujî lê hatibû kirin. Heybet Encu bi gotinên; “Em du saetan li ser wê riya bi berf meşiyan û me xwe gihand zarokên xwe. Xwedê şahidê min e, tiştê ku min wê rojê dît, ev deh sal in ji hişê min dernakevin” behsa wê rojê dike û dayikên din jî li benda hatina edaletê ne.

08:58

Dem li ser Komkujiya Roboskî ya ku 34 Kurd di nav de gelek zarok jî hatin qetilkirin re 10 sal derbas bû, malbat bi salan e ji ber pêknehatina 'edaletê' têkoşîna xwe ya hiqûqî didomînin. Malbatên ku gotin, “Ne deh sal, sed sal jî derbas bibe, agirê di hundirê me de qet nayê vemirandin ” ji AKP’ê re banga rû bi rû bûne kirin.

08:00

Di salên ku huner hê nû ketibû nava civakê de, ji bo jinan ketina qada hunerê gelek zor bû. Ji ber wê yekê dema ku Eyşe Şanê dest bi gotina stranan kir, rastî zextên mezin hat. Hunermend Eyşe Şan ku ji ber deng û hunera xwe bi navê “Keybanûya bê tac” tê naskirin; zext û tenêtiya ku di jiyanê de dît, bi stranên xwe vegot.

08:11

Dengê folkolra Soranî: Dayikî Cemal Xwediyê dengê folklore soranî dengbêj Şîrîn Îbrahîm Yaqûb ji ber xweşikbûna xwe di nava hunerê de weke Dayikî Cemal hatiye nasîn.

07:57

Xweseriya dengê Nesrîn Şêrwan Ji koçeriya zozanên Botanê berbi radioya Bexdayê ve dengê Nesrîn Şêrwan bûye çavkaniyek dewlemend a kilasîkên kurdewariyê.