civak/jiyan

15:26

Dayikên Şemiyê, bersûcên karsazên Kurd pirsîn û gotin: “Çend sal derbas bibin, bila bibin emê dev ji daxwaza xwe ya edaletê ya ji bo windahiyên xwe bernedin.”

14:10

Nadiyê jinan (kluba jinan) armanc dike ku statuya jinan bi hevrêziya saziyên civaka sivîl re bi awayekî giştî pêk bîne û bi saziyên femînîst re bi awayekî taybet di warê hiqûqî, perwerde, medya û tenduristiyê de jinan perwerde bike.

13:39

Dengê hawara zarokan, şîna jinan ku dighîşt asîman, xaniyên şewitandî-hilweşandî, dûmana ku ji nava xirbeyan bilind dibû… Sohbet Ay a ku bi darê zorê neçar ma gundê xwe yê ku hatibû şewitandin terk bike, dibêje ku ew tenê dikaribû du salan ji gundê xwe dûr bimîne. Sohbeta ku mala xwe jî nû ve ava kiriye û wê rojê qet ji bîr nekiriye dibejê "Careke din tu kes nikare me ji vir derxe."

12:56

Ma we qet çavên xwe bi şerê ku bi salan domiyaye û we fêm nekiriye ji bo çi ye vekiriye? Bêguman, jiyan bi xwe ji bo jinan qada şer e, ew mijareke cuda ye. Lê belê, jina ku li qadên cengê tê dorpêçkirin û mafên wê nayên naskirin gelo xwedî kîjan hestan e? Jinên Yemenê bifikirin. Jinên dîl ên Yemenê. Jinên ku wekî dîl jî nayên hesibandin!

08:20

Komîn civakê digihîjîne hev û jiyana komînal bi xwe bi pêş dixe. Bi avakirina komînan re civakê xwe birêxistin kir, pirsgirêkên xwe çareser kirin û bi ruhê wekheviya jiyanê bi hev re kar û xebatê dikin.

09:40

Krîza aborî ku bi pêvajoya pandemiyê re kûrtir dibe, hem hilberîner hem jî xerîdaran bi neyînî bi bandor dike. Jinên li sûkê pêdiviyên xwe dikirin, dibêjin ku bihayê her tiştî li gorî berê zêde bûye û bi gotinên "Mirov nikare nan bîne mala xwe" bertek nîşan didin

12:48

Navenda Filistînê ya Mafên Mirovan kuştina keça 16 salî ya bi navê Wisam El-Cercîr bi destê bavê wê şermezar kir û da zanîn ku rayedarên ewlehiyê cenazeyê Wisal El-Cercîr li bakurê Xezayê dîtine. Wisal di dema êrîşa Israîlêya li ser herêmê de ji hêla bavê xwe ve hate kuştin û definkirin. Bûyera ku beriya 16 rojan çêbû piştî ku eşkere bû û cenaze hat dîtin, rakirin beşa Tiba Edlî.

13:37

Her dem di medyaya herêmî û malperên medyaya civakî yên li Iraqê de bûyerên trajîk ên destdirêjî û kuştina zarokan hene. Zarok ji aliyê kesên mirovên wan an cîranên xwe ve tên kuştin û rastî destdirêjiyê tên.

13:11

Li Paytexta Îran Tahranê 14 hezar zarok li kolanan dijîn û 4 hezar zarokên wê jî jiyana xwe li ser komkirina çopê didomîne.

07:58

Endama Komîteya Perwerdeyê ya Rêxistina Kongreya Star a Kantona Hesekê Koçer Hisên diyar kir ku heta Rêberê Gelê Kurd Abdullah Ocalan li Îmraliyê dîlgirtî be dê dewleta tirk êrîşên xwe yên li dijî gelê Kurd bidomîne.

14:43

Seroka Rêxistina Neteweyî ya Amazonên Lîbyayê û nivîskar, Xedîca Biskirî dibêje ku navê rêxistinê ji efsaneya wan jinên şerker ên li herêma Berqa ya Lîbyayê ye. Ew jinên şerker li welatê xwe dad û wekheviyê damezirandibûn her wiha li gorî efsaneyê, wan jinan bi Îskenderê Makedonî re şer kirine.

07:59

Zeynê Îso zaroktî, ciwantî û pîrbûna xwe li Serêkaniyê derbas kiriye, rêwîtiya koçberiya xwe ya bi êş vegot û daxwaz kir ku ger beriya Serêkaniyê azad bibîne, jiyana xwe ji dest bide, bila cenazeyê wê li ser axa wê veşêrin.

12:43

Têkçûna zagonên navneteweyî di parastina sivîlan de li bakurê Sûriyeyê cesaret da fraksiyonên leşkerî û bû sedem ku zagonên navneteweyî binpê bikin. Ji wan binpêkirinan yek jî leşkeriya zarokan e. Ji ber rewşa şer, koçberî û xizaniyê, ev diyarde her diçe zêde dibe.

08:45

Nehla bi Erebî tê wateya hezkirina cara yekem a her tiştî… Nehla li Şengalê xwe ji nû ve bi jiyanê ve girê daye. Ger ew bikaribe vegere demên borî dê bixwaze ku her tişt wekî cewherê xwe pak û mehsûm wekî di dema zaroktiya wê de be. Tiştên ku jiyaye giraniya xwe di çavên wê de diyar dikin, wekî ku bixwaze wî barê giran demek zûtir dayne.

09:34

Mercên pandemiya gerdûnî ji zêdeyî salek e ku pirsgirêkên cidî ji bo zewac û têkiliyan çêkiriye. Statîstîkên ku di sala dawî de hatine çêkirin jî nîşan didin ku hejmara hevberdanê zêde bûye. Şêwirmenda Zewac û Têkiliyan Duygu Esman diyar kir ku tundiya li ser jinan zêde bûye û destnîşan dike ku guhnedan û paşguhkirina tundîtiya "bêdeng" di vê demê de xala herî xirab e.

08:24

Şîrîn Xelîfa destnîşan dike ku polîtîkaya tirsandina rojnamevanan ku dagirkeriya Israîlê li ser wan dimeşîne feyde nake ji ber ku ew erkên xwe yên niştimanî pêk tînin û dibêje: “Hêvî dikim ku tevahî hevalên min sax û selamet bin.”

13:53

Nivîskara pirtûka “Xwarin şîfaya hest e” Nisrîn Teraf dibêje ku dema mirov xwe bi ramanên baş û tendurist têr bike, wê demê dikare xwe rehet bike, ji ber ku rêbaza xwarin û ramanên neyînî bandore li tenduristiya fizîkî jî dikin.

08:28

Bi derbasbûna demsala havînê re koçberên kampa Waşûkanî ji ber qutkirina av, cereyan û paşguhkirina rêxistinên mirovî jiyana wan ber bi xeterê ve diçe. Koçberên ku bi van zehmetiyan re rû bi rû dimînin dibêjin qutkirina avê şerekî qirkirinê ye, jiyana koçberan hedef digre.

08:16

Ev nêzî salekê ye Weqfa Jina Azad a Sûriyeyê amadekariyên vekirina nexweşxaneya bi navê Arî li taxa Qenat El- Siwês a bajarê Qamişlo- Bakur û Rojhlatê Sûriyeyê dike. Rêvebera beşa tenduristiyê ya Weqfa Jina Azad Melîke Hesaf armanca vekirina wê anî ziman ku ew dixwazin alîkariya jin, zarok û şêniyan bikin.

08:21

Semîra Şukrî xwedî li çand, ziman, kevneşopiyên civaka xwe der tê, kosteka neviya xwe Evrîm qetand û da zanîn ku ev çandeke pir kevn e divê were parastin û domandin, ji ber temsîla çanda dayikbûnê dike.