çand û hûner

13:28

Pêşkêşkirina şanoyeke ku di nava xwe de gelek şanoyan dihewîne, dê di 22'yê Çileyê de li deverên ku nehatibû pêşkêşkirin jî were pêşkêşkirin û heya 28'ê Çileyê bidome. Bi armanca çareserkirina pirsgirêka tundûtûjiya li dijî jinan dê li 6 bajarên Cezayîrê were pêşkêşkirin.

08:16

Nivîskar û Helbestvan Nêrgiz Ismayîl xwedî berhemên bi nirx e di qada nivîskariyê de her wiha herî dawî jî pirtûkek nû bi navê “Gustîlka pencereyê” li ser çîrokên wêjeya şoreşê çap kiriye û di demek nêz de dê belav bike. Nêrgiz dibêje: "Min rastiyên xwe di pênûsê de didît wê bersiva hemû nakokiyên di serê min de dida. Dema ez çîrokê dinivîsînim hestek wisa ji dil dijîm, ji bo wê di nivîsandina çîrokê de ez li zindîbûnê, li jiyan, hêvî û li rastiyê digerim."

09:46

Nivîskar Lamiya El-Xelûfî ya bi çîrokên ku dinivîsîne balê dikşîne ser rewşa jinan a ji ber paşverûtiyên civakî dibêje: “Divê tabûyên li ser azadiya jinan werin şikandin lewre tabûyên ku jinan dorpêç kirine, dibin astengî, wan ji aliyê rewşenbîrî ve qels dihêlin û azadiya wan sînordar dikin.”

11:27

Heyanî rojan me ya îro jî li gelek deveran ji bo çêkirina nan tenûr têne bikaranîn. Selala El-Hemed a 72 salî demdirêje tenûran çêdike wiha dibêje: "Veguhestina mîrateya çanda me ya kevnare ji bo nifşan erka jinan e ji ber ku jin nûnertiya dema niha û dîrokê dikin."

08:05

Pispora derûnî ya Yekitiya Komîteyên Jinên Filistînî Fîda Muhana ji ajansa me re diyar kir ku piştî hunera neqişandina Filistînî ket lîsteya mîrateyên çandî yên cîhanê, fikra însiyatîfa "Keçên Welatê Me" derket pêş û di 5'ê Çileyê de li parêzgeha El Wusta hat destpêkirin, di çarçoveya projeya piştgiriya derûnî ya ji bo jin û zarokan de.

09:57

Têkildarî rola dayikê û piştgiriya wê ji bo zewaca keça xwe ya biçûk, wê got: "Ramana Cîran bi Rengan ji nêz ve bi hewldanek ji bo çareserkirina bêhevsengiya ku em pê diêşin ve girêdayî ye û yek ji van qeyranên herî diyar zewaca di temenê biçûk de ku li herêmê, bi taybetî li gund û parêzgehên Misrê bi berfirehî belav bûye.”

09:28

Komeleya Jinan a Rosa, di çarçoveya projeya “Merîdyenên Binevşî” de, pêşandana fîlmê ku tenê fîlmên derhênerên jin tê de cih digrin organîze kir. Piraniya fîlmên ku di pêşandana du rojan berdewam bike de cih digrin ji çîrokên jinan pêk tên, armanca jinan ew e ku bi hunerê tundiya li ser jinan bidin xuyakirin.

09:12

Li ser sedema hilbijartina "Cîran bi Rengan" wek navekî ji bo şanoyê û çi cihêtiya wê ji yên din heye, Seroka Lijneya Rêveber a Weqfa Parêzerên Jin ên Misrê ji bo Mafên Jinan Heba Adel, wiha dibêje: "Hilbijartina navê "Cîran bi Rengan" wekî îfadeya rastiya civakê ya cuda hat. Reng û cewherên cîranan hene û her mal xwedî çîrok û qeyranan e lê dibe ku em pê nehesin.”

08:11

Jinên Efrînî yên piştî êriş û dagirkeriya dewleta Tirk a faşîst ya li ser Efrînê berê xwe dane Şehbayê bi cilên xwe yên gelerî çanda xwe diparêzin û dibêjin; “Pêwîste em çanda xwe ji qirkirin û dagirkirinê biparêzin û di heman demê de fêrî nifşên nû bikin."

08:18

Hêvîdar Belek a ku bi salan e hînî hunera çêkirina çîniyê bûye gelek berhem hildiberîne, armanc dike ku atolyeyek veke. Hêvîdar Belek, anî ziman ku hilberîn wê motîve dike û da zanîn ku huner bi mirov bêhnê dide girtin.

12:41

Seroka Lijneya Rêveber a Weqfa Hiqûqnasên Jin ên Misirê ya ji bo Mafên Jinan Heba Adel wiha got: "Pêşkêşkirina dozên civakî di dîmenên temsîlî de gelek hewldanên li ser berpirsyarên xebatê kêm kir û wiha domand: "Di bingehê de, em van ramanan dipejirînin û hewl didin wan nêzî hişê welatiyên civaka xwe bikin, hewl didin ku ji bo guhertina rastî û ramanên bi salan di hişê gelek kesan de serdest bûne bixebitin.”

08:38

Nivîsandina helbestê hunera hestan e. Ji bo helbestvanan nêrîna bi çavekî tazî têrê nake. Divê nivîskar bikaribin pişt dîwaran, pişt sînoran, di nav tarîtiyê de jî tiştê ku dixwazin bibînin û hîs bikin. Jixwe cudabûna hunera helbestan ji vir tê. Divê mêzekirina bûyer û madeyan a helbastvan ji her kesê cudatir be. Helbet tenê dîtin jî têrê nake ji peyvan re çêkirina kiras, neqişkirin û xemilandin jî rûyê helbestê yê din e. Helbest hunereke wisa ye ku rengê xwe ji hezkirin, aştî û hêviyê digre. Helbestvanî di kêliyên herî bêhêvî de bi israr vekirina deriyê ber bi ronahiyê ve ye.

08:51

Zîlan Hasret Yildiz, defjeneke wekî ku çavên xwe di hembêza hunerê de vekiribe. Bavê wê dengbêjek e, bi salan ked daye çand û muzîka Kurdî. Zîlan ji zarokatiya xwe ve bi saya dengê bavê xwe û bi tembûra birayê xwe, bi muzîk û hunerê xwe têr dike. Her çiqas di zarokatiya xwe de muzîkê nas kiribe jî li navenda jiyana wê bicihbûna muzîkê hinek dem digre. Zîlan, piştî ku ji Samî Hosseînî perwerdeya defê dibîne beşdarî Civata Ahenga Ahûra dibe, xwe di destpêka riyeke pir cuda de dibîne. Bi demê re feraseta wê ya muzîk û hunerê dewlemendtir dibe.

07:59

Nivîskar û rojnamegera Cezayîrî Nadia Aksous destnîşan kir ku nivîsandin û têkoşîn du aliyên heman tiştî ne û got ku divê têkoşîna jinan bênavber bidome.

09:30

“Dêra Ermeniyan a Sor” ku tê gotin di sedsala 10’an de hatiye çêkirin, di bin xetera hilweşandinê de ye. Dêra ku divê bê parastin, tevî xisara ku dibîne û xezînegeran jî li ser piyan maye.

08:11

Tevgera Hîlala Zêrîn a herêma Efrînê ji bo zindîkirina çanda dayikan ji zarokên Efrînê re deriyên xwe yên hunerî vekirine û zarokan perwerde dike, yek ji wan perwerdeyan perwerdeya pêşkêşkirina şanoyan e.

15:16

Li Şengalê pîrozbahiya sersalê bi coşa Cejna Batizmê dest pê kir û rojan li pey xwe hişt. Êzidî îsal jî xatirxwestina sala borî û derbasbûna sala nû bi Cejna Batîzmê pîroz dikin.

14:28

Fîlma Dying to Divorce (Olumune Boşanmak) ku di nava 5 salan de li Tirkiyeyê temam bû, ji bo xelata Oscarê namzed e.

09:21

Rojnameger Dilbirîn Turgut bi helbestên ku di girtîgehê de nivîsandibû, pirtûka helbestan a bi navê “DIL-BIRÎN” nivîsî. Dilbirîn Turgut a ku rojên derbasbûyî pirtûka ku nivîsandiye hat weşandin, di helbestên xwe de cih da pêvajoya greva 5 mehan a di girtîgehê de û behsa bîranînên xwe yên li girtîgehê kiriye.

08:48

Rêveberiya Hîlala Zêrîn Rûken Mihemed der barê xebatên salekê yên Hîlala Zêrîn nirxandin kir û got: “Ji bo wekheviya gelan û mayîndekirina çand û hunera Neteweya Demokratîk em hemû neteweyan di nava Tevgera Hîlala Zêrîn de perwerde dikin bi rengekî ku êdî ew bi xwe bikaribin xwe îfade bikin. Em dixwazin di her aliyan de çand û reseniya hemû neteweyên herêmê biparêzin, me dîrokê jî ji helandinê parast da ku her di hafîzeya civakê de bimîne.”