rojane

13:48

Rojnamegera jin a bi navê Fatma El- Kurirî ji ber topbaranên li Xezayê krîza dil derbas kir û jiyana xwe ji dest da. Her wiha rojnameger Ahmed Abu Sharia jî di êrişa li ser başûrê Xezayê de jiyana xwe ji dest da.

13:19

Li gorî daneyên kûrewî yên Fona Nufusê ya Neteweyên Yekbûyî, ji sedî 36 zarokên keç beriya 18 salî, ji sedî 10 jî beriya 15 salî tên zewicandin.

12:20

Berdevka Meclisa Jinan a DEM Partiyê Halîde Turkoglu diyarkir ku her roj 3 jin tên qetilkirin, destnîşan kir ku Wezareta Malbat û Xizmetên Civakî erkê xwe bi cih neaniye û di qetliaman de rola wan heye.

12:15

Meclisa Jinan a Partiya Yekitiya Demokratîk Efrîn-Şehbayê bi wesîleya nêzbûna 25'ê Mijdarê, li Şehbayê komxebatek li dar xist.

09:46

NY ragihand ku ji Lubnanê zêdeyî 540 hezar kes ji ber êrişên Îsrailê berê xwe dane Sûriyeyê.

09:12

Ajansa Nûçeyan ya Xwendekarên Îranê (ISNA) diyar kir ku berdevka daraza Îranê Asghar Jahangir ragihandiye ku ji ber der barê Ahu Deryayî de tu doz nehatiye vekirin hatiye berdan û radestî malbata xwe hatiye kirin.

08:39

Li gor daneyan li Misirê ji sedî 90 jin rastî êrişa zayendî tên, jinan diyar kirin ku ew êdî nikarin derkevin kolanan û xwestin tevdîrên pêwîst bên girtin.

08:28

Jinên ku li Navenda Bihêzkirina Jinan a Idlibê dimînin, diyar kirin ku sedema sereke ya şîdetê kodên paşverû yên civakî ne û gotin ku divê têkoşîna bi şîdetê re tenê bi aktorek bi sînor nemîne, bi hewldana hevpar a civakê were kirin.

05:32

Endama TJA’yê Hacer Ozdemîr diyar kir ku desthilatdarî bîrdoziya mêr-dewletê xwedî dike ji ber vê yekê êrişên li ser jinan jî bîrdozî ne û got ku AKP-MHP jinan dike hedef loma divê gavên radîkal û bi cesaret bên avêtin.

05:05

Endama Meclisa Perwerde û Akademiyên Jinan ên Bakur û Rojhilatê Sûriyeyê Ahîn Elî bi nêzbûna 25’ê Mijdarê Roja Têkoşîna li Dijî Tundiya li ser Jinan nêrîna xwe anî ziman û tekez kir ku Mijdar, heyva bilindkirina têkoşîna li dijî tundiya li ser jinan e.

21:12

Li gorî rapora mîsyona navbera wezaretên der barê parastina jinan de (mîprof) di 2023’an de 93 jin hatine qetilkirin û 319 jin bi hewldana qetilkirinê re hatine rû hev.

15:28

Bi boneya 25'ê Mijdarê roja cîhanî Ya Tekoşîna Li dijî tundiya Li Ser Jinê, li Şehbayê mêr herikîn qadan û meşek li dar xistin. Mêrên beşdarî meşÊ bûn gotin: “Em ê bi felsefeya Jin Jiyan Azadî dawî li tundiyê bînin."

14:55

Yekîneya Jinên Netewên Yekbûyî, di daxuyaniya dayî de diyarkir ku mafê jiyanê yê jinan hatiye binpêkirin, da zanîn ku di sala 2023’an de 51 hezar û 100 jin bi tundiya mêr hatine qetilkirin û tundiya şer zêde bûye.

14:19

Şaxa ÎHD’a Amedê “Rapora Binpêkirina Mafên Zarokan” eşkere kir. Li gora raporê di nava salekê de li bakurê Kurdistanê mafê jiyanê yê 36 zarokan hatiye binpêkirin.

13:57

Hejmara kesên ku jî 7’ê Cotmeha 2023’an vir ve di êrişên Îsrailê li ser Zîvala Xezayê de jiyana xwe ji dest dane, di nava 24 saetan de 50 zêde bû û gihîşt 43 hezar û 972’an.

13:32

Komeleya Nivîskarên Îranê bang li azadîxwaz û çalakvanên mafên mirovan kir ku li dijî kiryarên rejîma Îranê helwest nîşandin.

13:30

Li Amedê di dema xebatên lêgerînê de wêne û dîmenên bi sedan muhîmata di gova malbata Narîn Guranê de hatibûn dîtin derketin holê.

12:49

Bi boneya nêzbûna 25’ê Mijdarê Roja Têkoşîna li dijî Tundiya li ser Jinan Kongra Star a kantona Hesekê dewreyek perwerdeyê ji mêran re vekir.

12:39

Kongra Star di çarçoveya "Bi felsefeya Jin Jiyan Azadî xwe biparêze" de li kolanên Zirganê û malên wê, broşurên têkildarî tundiya li ser jinê belavkirin.

11:51

Danişîna doza rojnamegerên ku di sala 2022’an de li Amedê di çaroveya lêpirsîna der barê wan de hatibû vekirin bi operasyonê hatibûn binçavkirin û girtin, taloqî 15’ê Gulana 2025’an hat kirin.