rojane

12:42

Hate zanîn ku di êrişên 24 saetên dawîn ên Îsraîlê yên li ser Xezayê de 136 Filistînî hatine kuştin.

11:44

Çalakvanên Îranî di Kongreya NADA de axivîn û tekez kirin ku jin di xeta berxwedana herêmî de yekgirtî ne û gotin, "Bi bandora serhildana Jin Jiyan Azadî, jinên Îranî niha bi perspektîfek vekirîtir û gerdûnî nêzî têkoşînê dibin."

11:08

SOHR’ê diyar kir ku li Sûriyeyê di 24 saetên dawîn de yek jê zarok, 11 kes hatine kuştin.

11:06

Kongreya 1’emîn a Hevgirtina NADA ku duh li Silêmaniyê destpê kir, di roja duyem de berdewame. Tê payîn îro di kongreyê de du panel were lidarxistin.

11:02

Duh xelkê wargeha penaberan a Mexmûrê li dijî girtina şandeya Meclisa Gel a Mexmûrê li Bexdayê, heta benda kontrolê ya Iraqê meşiyan û li wir konê çalakiyê vedan. Çalakî di roja xwe ya 2'yemîn de didome.

10:41

Jinên li Efganistanê di bin zexta Talîbanê de dijîn, tevî şîdet, girtîgeh û biçûkxistinê jî bêdeng namînin, bi berxwedana xwe, meşrûbûna rejîmê nas nakin.

08:55

Şirûq El-Cercawî ya ji Xezayê ku di nav kavilan de ji bo jiyanê têdikoşe dibêje: "Her perçeyek şîraniya ez difiroşim serkeftinek e, afirandina xewna bi destên xwe di nava kavilan de û xwedîkirina kurê xwe tiştên ku min bi dest xistine, bi nirx in."

08:19

Mamosteya Wargeha Penaberan a Mexmûrê Nûrê Sanri ya li ser girîngî û parastina Zimanê Kurdî axivî, destnîşan kir ku zimanê kê hebe, nasnameya wê jî diyar e û banga parastina ziman kir.

20:27

Di panela duyemîn ya 1’emîn Kongreya Hevgirtina NADA de, bal hate kişandina ser hewlên Rêber Apo yên ji bo azadiya jinê, zanista jineolojiyê û têkoşîna jinan ya ji bo wekheviyê.

19:33

Gelê Wargeha Mexmûrê dîl girtina şandeya Mexmûrê ji aliyê İraqê ve şermezar kirin û gotin "Kes nikare îradeya me dîl bigire." Şêniyên Mexmûrê heya serbest berdana şandeyê çalakiya konvedanê dan destpêkirin.

16:36

Esila Aylik ku ji sûcê ‘heqaret li serokkomar’ kiriye hatibû girtin û nexweşa girane di dadgeha ewil de hate berdan.

16:05

Kongreya Hevpeymaniya NADA bi panelan berdewame: Runiştina yekem hate lidarxistin.

15:23

Bijîjk Ayşe Ugurlu ku weke nûnera ATO’yê beşdarî protestoya Platforma Jinan a Enqerê bû, daxuyaniya çapemeniyê xwend, ji karê xwe hat avêtin.

15:17

Aktîvîsta TJA'yê Hacer Ozdemîr di kongreya NADA'yê de axivî û bal kişand ser banga Rêberê Gelê Kurd Abdullah Ocalan û diyar kir ku ev bang ji bo hemû gelên cîhanê hatiye kirin û got: “Rizgarkirina welatê me û rizgariya jinan bi hev ve girêdayî ye.”

14:42

Endama Komîteya Navendî ya PKK'ê Hêlîn Umît li Kongreya 12'emîn a PKK'ê axivî û diyar kir ku PKK ji dema destpa avakirina xwe ve di nava nêrîneke cîhanê ya diyar de şêwe girtiye û got: “Niha dema rastfêmkirin û pratîzekirina Rêbertiye ye.”

13:51

Di berdewamiya kongreya yekemîn a Koalîsyona NADA peyamên rêxistin û tevgerên jinan hate xwendin.

13:45

Artêşa Îsraîlê ragihand ku di êrîşa li dijî Zîvala Xezayê de rojnamegerek din kiriye hedef û qetil kiriye.

13:38

Şêniyên wargeha Penaberan a Mexmûrê li dijî girtina şandeya Meclisa Gel a Mexmûrê ji aliyê hêzên Iraqê ve meşek li dar xistin. Şêniyên mexmurê diyar kirin ku heta şandeya wan neyê berdan dê çalakiya rûniştinê bidomînin.

13:24

Girtiya Nexweş Fatma Ozbay hate berdan

13:02

Beşdarên 1’emîn Kongreya Koalîsyona NADA girîngiya hebûn û cudahiya cihêreng ji hêla pirrengiya nasname, etnîsîte û girêdanan ve di xizmetkirina rastiya jinan li Rojhilata Navîn û Afrîkayê de tekez kirin.