rojane

13:33

Meclîsa jin a Partiya Yekîtiya Demokratîk (PYD) di derbarê girîgî û rola jin di avakirina civakeke komunal de komxebat li darxist.

13:16

Li Goristana Xesfe ya Musilê gorek komî hate vekirin, tê texmînkirin ku di gora komî de hestiyên Êzidiyan hebin ku di sala 2014’an de ji aliyê çeteyên DAIŞ’ê ve hatibûn qetilkirin.

12:41

Meclîsa Jinan a DEM Partiyê, derbarê pesendkirina cezayê darvekirinê yê Şerîfe Muhammedî de daxuyanî da û got, "Bi bawerî, biryardarî û dirûşma 'Jin jiyan azadî', em ê bibin deng û nefesa Şerîfe Muhammedî."

12:06

Koordînasyona KJK’ê bi daxuyaniyekê da zanîn ku şewata daristanan ‘sîstematîk e’ banga “têkoşîna ekolojîk li her qadê bi rengekî rewa, bi bandor û girseyî bilind bikin” li gel kir.

11:17

Beşdarên xwepêşandana ku li Iraqê ji bo şermezarkirina qetilkirina jinan û serarastkirina Zagona Rewşa Kesane hat lidarxistin, tekez kirin ku li welatê dijîn ku zagonên parastina jinan tê de nîn in û bêdengî qetilkirina jinan zêde dike.

10:56

Hejmara nû ya Kovara Jinê bi manşeta "Roman: Nasname, Xizanî û Têkoşîna ji bo Hemwelatîbûna Wekhev" hate weşandin.

10:53

Hunermenda Xezayî Rola Dalloul bi deng, gîtara xwe di nava kavilan û wêrankirina bajarê xwe de hewl dide hêviya jiyanê careke din zindî bike.

10:11

Hevseroka Encumena Gelan a Demokratîk a Bakur û Rojhilatê Sûriyeyê, Sîham Qeryo tekez kir ku Xirîstiyanên li Bakur û Rojhilatê Sûriyeyê bi saya pergala neteweya demokratîk nasname û çanda xwe diparêzin.

09:25

Ferhûnde Habîbî û Yelda Ahmed di çaremîn salvegera rêveberiya Talîbanê de ji bo jinên Efgan peyamek şandin û gotin: “Tevî her tiştî jî jinên Efgan bêdeng neman û fam kirin ku riya azadiyê berxwedan û têkoşîna li dijî zextan e.”

08:52

Li Navenda Gurçikan a Koyê di şeş mehên borî ve hezar û 478 seansên tedawiya nexweşiyên gurçikan çêbûn lê ji ber kêmbûna amûran, barek gelek giran dikeve ser milên personelên navendê.

08:42

Rojnamevanên jin ên Bakur û Rojhilatê Sûriyeyê, tekez kirin ku ew di eşkerekirin û ragihandina rastiyê de roleke girîng dilîzin. Rojnamegeran gotin ku ew bi xebatên xwe hewl didin jiyana aştiyane û destkeftiyên şoreşê biparêzin.

08:14

Parêzer Rozîv Kino têkildarî hilbijartinên Meclîsa Gel a Sûriyeyê ku di meha Îlonê de werin lidarxistin got: “Hikumeta demkî ji ber ku teşhîr bû dixwaze bi hilbijartinan rojevê biguherîne heta niha zemîneke demokratîk û hiqûqî nehatiye avakirin.”

22:33

Li taxa Neşwa ya bajarê Hesekê zarokê bi navê Mihemed Salim El Îsa (3) bi kêrê hate qetilkirin. Lê sedem û kê ew qetil kiriye, heta niha ne diyar e.

22:29

Çeteyên girêdayî HTŞ’ê ya cîhadîst li gundewarê kantona Dêrazorê jinek û hevjînê wê ku rûspiyekî êla El Bû Salih (Begara) bû qetil kirin.

22:19

Çalakvanên Wargeha Penaberan a Mexmûrê bi biryardariyek xurt bi armanca mîsogerkirina azadiya fîzîkî ya Rêberê Gelê Kurd Abdullah Ocalan di çalakiya nobetê de ne. Çalakî bi dewirgirtina koma 148’emîn ve didome.

20:31

Neteweyên Yekbûyî di raporekê de diyar kir ku di sala 2024an de li herêmên şer êrîşên zayendî li gorî salên berê ji sedî 25 zêde bûne.

19:04

Koordînasyona Kongra Star, biryara erê kirina cezayê darvekirinê ya li dijî Şerîfe Mihemedî şermezar kir û banga “Em li dijî pergala mêr-dewlet, li dijî zayendperestiyê, olperestiyê ne dikin ku li dijî van kiryarên rejîma mele bibiryar bisekinin” kir.

18:48

Bi sedan niştecihên Suweydayê li Qada Karama kom bûn, daxwaza vekirina korîdorên mirovî û ji bo lêkolînkirina komkujî û binpêkirinên li dijî sivîlan şandina komîteyek kirin û gotin: “Divê ev sûc bê ceza nemînin.”

17:48

Rêxistina Tenduristiyê ya Cîhanê (WHO), ragihand ku şewba kolerayê li seranserê cîhanê bi lez belav dibe. Rêxistinê, ragihand ku îsal li 31 welatan zêdetirî 390 hezar bûyer û mirina 4 hezar 300 kesan hatiye tomarkirin.

15:27

ÎHD û Xizmên Windayan di çalakiya xwe ya hefteya 862’an de aqûbeta Mehmet Ertakê ku di 20'ê Tebaxa 1992'yan de li Şirnexê ji aliyê polîsan ve hatibû binçavkirin û êdî ji wê rojê heta niha tu agahî jê nehatiye girtin, pirsîn.