rojane

16:25

Hunermenda Parya Marandiz a li Tehranê dijî, ji aliyê Şaxa 23’emîn a Dadgeha Şoreşê ya Tehranê ve mehkûmê 3 sal cezayê girtîgehê û cezayê du salan qedexekirina fealiyetên medyaya dijîtal hat kirin.

16:16

Kampanyaya ‘Sêşema na ji darvekirinê re’, ji bo malbata Somaye Raşîdî ya li Girtîgeha Qerçekê jiyana xwe ji dest da hevgirtin nîşan da û bang li gelê Îranê kir ku li dijî van cezayên darvekirinê yên li dijî mirovahiyê dengê xwe bilind bikin.

15:47

Li paytexta Sûdan Hartumê, li gel belavbûna nexweşiyan, têkildarî rewşa tenduristiyê fikar zêde bûne. Sendîkayên Bijîşkên Sûdanê, diyar kirin ku bajar di rewşa şewbê de derbas dibe.

14:06

Li gelek deverên Mexribê, bi sedan ciwan sê roj in xwepêşandanan didomînin. Ev xwepêşandan ji aliyê hêzên ewlehiyê ve hatin astengkirin û belavkirin û bi dehan beşdar hatin binçavkirin.

14:04

Platforma Yekîtiya Neteweyî ya Jinên Kurd bi daxuyaniyekê ragihand ku wê 3’emîn Koferansa Neteweyî ya Jinên Kurd di navbera Kanûna 2025 û Çileya 2026’an de li Silêmaniyê were lidarxistin.

13:34

Talîban, her roj qedexeyên nû zêde dike. Talîban xetên optîk fiber qut kir, ev yek bû sedem ku li Efganistanê xizmetên telefon û înternetê bisekine.

13:25

Endamên Platforma Yekîtiya Neteweyî ya Jinên Kurd gotin: “Çareseriya hemû qeyranên siyasî, êrîşên dagirkerî û pêşîgirtina li kuştina jinan, di Yekîtiya Neteweyî ya Jinên Kurd de ye.”

10:50

Profesor Huda Rizq bal kişand ku berdewamiya girtina Rêberê Gelê Kurd Abdullah Ocalan, zirarê dide pêvajoyê û xwest dewleta Tirk cidî li ser meseleyê bisekine û ji bo guherîna rastîn merc werin avakirin.

10:34

Heyeta Jinan a Bakur û Rojhilatê Sûriyeyê li Zurîhê bi rêxistinên jinan re civiya û ji bo çareseriya demokratîk a li Sûriyeyê banga piştevaniya navneteweyî kir.

10:09

Sêyemîn Konferansa Neteweyî ya Jinên Kurd ku dê roja 4’ê Cotmehê li Silêmaniyê bihata lidarxistin, ji bo demek ne diyar hate paşxistin.

09:42

Krîza aborî ya ku ji sala 2014’an vir ve kûrtir dibe, bandorê li jiyana civakî ya li Başûrê Kurdistanê dike. Mamoste bi mehan e mûçeyên xwe wernagirin û gelek malbat nikarin zarokên xwe bişînin dibistanê; valahiya perwerdehiyê berfireh dibe.

09:06

Sosyolog Ezgî Sila Demîr, bi rêya bikaranîna hêza medyayê naverokên cuda dihilberîne. Ezgî pirsgirêkên civakî ji bo nîqaşên li ser bingeha zayendî vedike û naverokan dihilberîne, wiha dibêje: "Armanca min eşkerekirina pişt perdêya pirsgirêkan e."

08:11

Endama Meclîsa Jinan a PYD’ê Wehîde Xelîl rewşa jinan a niha li Sûriyeyê bi gotina “Hikumeteke ku bi hişmendiya DAIŞ’ê rêveberiyê bike, helbet wê xeter li ser jiyan û pêşeroja jinan hebe” nirxand.

21:20

19 girtiyên siyasî yên jin ên li Girtîgeha Qerçekê, li dijî mirina Somaye Raşîdî û şert û mercên dijî mirovahiyê ya girtîgehê, dest bi greva birçîbûnê ya 2 rojî bikin.

20:17

Piştî mirina Somaye Raşidî ya ji ber nebûna xizmetên tenduristiyê ya li Girtîgeha Qerçekê, Hamîda Erdalan û Mehdî Ferahî Şandiz ên li Girtîgeha Evînê, dest bi greva birçîbûnê kirin. Girtiyan, daxwaza berdana girtiyên nexweş dikin.

17:34

Platforma Saziyên Demokratîk, ji bo meşa ku wê 1’ê Cotmehê bi dirûşma "Em bi hêvî ber bi azadiyê ve dimeşin" ji Amedê heya Enqereyê were lidarxistin, banga tevlîbûnê kir.

17:32

150 girtiyên siyasî yên berê ya ji bo Somaye Raşîdî ku ji ber nehat dermankirinê li Girtîgeha Qerçekê jiyana xwe ji dest da daxuyanî dan, wiha gotim: "Mirina Somaye hişyariyek vekiriye; Heta ku bêdengî bidome, wê kesên din ên mîna wê jî bimirin.”

16:14

Beşdarên Yemenî di Konferansa Aştiyê ya Jinan a Cîhanê de, destnîşan kirin ku ew aktorên aştiyê ne. Beşdaran, balkişandin li ser rola jinan ya veguherandina herêmên pevçûnê ya ji bo navendên hêvî û aştiyê.

15:37

Li Sehil El Xab a Hemayê ku di bin kontrola HTŞ’ê ya cîhadîst de ye mezareke olî ya girêdayî civaka elewî hate şewitandin.

14:53

Hevseroka Yekîtiya Şaredariyên Bakur û Rojhilatê Sûriyê, Stêr Murad tekez kir ku pergala hevserokatiyê bingeha bidestxistina destkeftiyên li Bakur û Rojhilatê Sûriyê ye û got: “Em Rêveberiya Xweser wek modelek ji bo çareserkirina krîza Sûriyê dibînin.”