rojane

21:10

Tora Jinên Iraqê, li Bexdayê bi sernavê "Maf, Wekhevî û Bihêzkirina Jin û Zarokên Keç ên li Iraqê" konferansek neteweyî li dar xist. Beşdaran, pirsgirêkên jinan û rêyên çareseriyê ya xurtkirina rola wan di civak û pêşkeftinê de nîqaş kirin.

19:02

Meclisa Kombûna Jinan a Zenûbiya ya Dêrazorê, bi daxuyaniyekî êrişa li dijî navenda kombûnê ya li Dêrazorê şermezar kir û got: “Ev êrîş, xeleke nû ji hewldanên hêzên tarî yên ji bo belavkirina tirsê di nav jinan de û bêdengkirina dengên wan ên azad e.”

15:55

Greva birçîbûnê ya aktîvîsta sivîl Nasîm Gholamî Simyarî ya di serhildana şoreşgerî ya "Jin, Jiyan, Azadî" de hat girtin, di roja 6’emîn de didome. Hevalên wê yên qoxuşê, diyar kirin ku rewşa wê ya fîzîkî xirab dibe.

15:42

Di çarçoveya polîtîkayên zextên Komara Îslamî ya Îranê de, Wezareta Perwerdeyê giştînameyek bi sernavê "Di dibistanan de îfet û hîcab” weşand û li ser beden û şêwazên cil û bergên mamoste û xwendekaran daxwaza kontrolkirina nû kir.

14:57

Koordînasyona Kongra Star, daxuyaniyên heqaretê yên li dijî Rêberê Gelê Kurd Abdullah Ocalan û siyasetmedar Pervîn Buldan şermezar kir û diyar kir ku ev yek nêzîkatiyek dijmînane ye ku jin û gelên têkoşîna azadiyê didin hedef digre.

14:45

Dayîkên Şemiyê vê hefteyê bo cara 1073’yemîn li Qada Galatasarayê kom bûn. Dayîkan vê heftiyê, çarenûsa Fehmî Tosunê ku di binçav de hatiye windakirin pirsîn.

14:41

Bazara yekem a “Projeya Bihêzkirina Malbatan” li bajarê Aden ê Yemenê hat vekirin. Duh bi dawî bû- Beşdaran diyar kirin ku tevî zoriyên aborî jî jin bi hilberîn û bazarkirinê bi hêz bûne.

14:01

Kongra Star li bajarê Til Temirê, 33’emîn salvegera çalakiya Gulnaz Karataş (Bêrîtan Hêvî), bi semînerek ji bo jinên Ermen û Aşûrî bibîr anî.

13:34

Jin li Tûnisê di nava krîzên xerabtir de, pêşengiya têkoşîna ji bo edalet û wekheviyê dikin, li dijî hejariyê bang dikin û dibêjin “Em mafên jinan biparêzin”.

13:28

Rêberê Gelê Kurd Abdullah Ocalan di nameya ji konferansa Dayîkên Aştiyê re şandî de wiha got: “Banga me ya ji bo aştî û civakeke demokratîk ku me di 27'ê Sibatê de kir, erk û berpirsyariyekê dide tevgera jinan û dayîkên aştiyê. Serdemeke nû dest pê dike.”

13:07

Jinên li Ciwanroyê, anîn ziman ku ji ber zêdebûna bihayê her tiştî, nikarin zexîreyan bikirin û diyar kirin ku ew gelek zoriyan dikşînin, barê deynan giran bûye, standartên jiyana wan kem bûne û gotin: “Kirîna birincê jî êdê bûye luks.”

12:49

Berdana Ardil Çeşme ku li Girtîgeha Girtî ya Jinan a Erzînganê girtî ye, cara 3'emîn bi rengekî kêfî hate taloqkirin.

12:11

Xoşî Şivan a bi nexweşîna penceşêrê ket, tu car hêviya xwe winda nekir û piştî ku biser ket, pirtûka ‘Ji ezmûnê ber bi hêviyê ve’ nivîsand. Xoşî di pirtûkê de behsa ezmûna xwe ya serketina jinek dike.

12:05

Di civîneke hestiyar a di hefteya hunerê de li paytexta Iraq Bexdayê hat lidarxistin de, hunermenda Iraqî Kîfah Mecîd, projeya xwe ya bi navê “Arşîva êşa Iraqê” ku bîra welatekî ya bi şer, ambergo û êşan dagirtî vedibêje, pêşkêşkir.

11:14

Mexrib şahidiya zêdebûneke metirsîdar a tundî û kuştinên li dijî jinan dike. Ev kuştin, ku pir caran ji hêla hevjînan ve têne kirin, eşkere dikin ku tevî hebûna qanûnan, jin hê jî bê parastinek bibandor in.

10:33

2’yemîn a Dadgeha Bicîhanînê ya Cezayê Xurmabadê ya Îranê, gazî Ateş Şakeremî kir ku ji bo cezayê 38 qemçiyan ê lê hatiye birîn bicîh bîne, di nav 10 rojan de serî li dadgehê bide.

10:21

Piştî bidawîbûna agirbesta ku 48 saetan domiya, artêşa Pakistanê li ser bajarê Paktîka yê Efganistanê êrîşa hewayî kir. Di êrîşan de 12 sivîlên ku di navbera wan de 7 jin û zarokek hebûn hatin kuştin.

15:03

Koleja Teknîkî ya Pîşeyî ya Şerîetî ya li Tehranê, biryar da ku êdî xwendekarên jin ên pola yekem, nikarin di wargehê de bimînin û ev biryar bû sedema bertekan.

14:33

Buroya Hiqûqê ya Sedsalê diyar kir ku Abdullah Ocalan bal kişandiye ku pernsîba hêviyê pir girîng û bingehîn e û wiha gotiye: “Divê îro hiqûqa entegrasyona demokratîk were avakirin.”

14:30

Raporek nû ku ji hêla Komîsyona Plansaziya Bilind a Mexrîbê ve hatî weşandin, nîşan dide ku tevî pêşketinên qanûnî û sazûmanî, jin hîn jî pirsgirêkên mîna tundiya navmalî, aborî û dîjîtal, valahiyek bêkariyê ya bilind û belavbûna zewaca zarokan dijîn.