Di 9'ê Mijdarê de li paytexta Yemen Adenê, li yek ji cadeyên sereke yên Navçeya Xurmekesrê  êrîşeke terorî li dijî wesayîda rojnameger Reşa El-Herazî û hevjînê wê yê rojnameger çêbû û di êrîşê de Reşa El-Herazî jiyana xwe ji dest da hevjînê wê Mehmûd El-Atmî jî bi giranî birîndar bû. 

NÛR SURÎB

Yemen- Li Yemenê di encama êrîşeke terorî ku wesayîda rojnameger Raşa El-Harazî û hevjînê wê yê rojnameger Mehmûd El-Atmî hedef girtibû, rojnameger Raşa El-Herazî jiyana xwe ji dest da. Tekildarî vê mijarê çavkaniyeke taybet a ewlehiyê wiha ji ajansa me re ragihand: "Ev bûyer di 9'ê Mijdarê de qewimî û lêkolînên destpêkî diyar dikin ku ew êrîşeke terorî ye û plankirî ye û li qesta jiyana rojnameger û hevjînê wê kiriye. Her wiha teqemeniyeke asê di bin depoya sotemeniyê ya wesayîdê de hatibû bicihkirin û piştre jî ji dûr ve hatiye teqandin."

Rojnameger Reşa El-Herazî jiyana xwe ji dest da û hevjînê wê jî bi giranî birîndar bû

Her wiha çavkanî van agahiyan jî dide: "Di encama teqîna ku çêbû de rojnameger Reşa El-Herazî ku ducanî bû li cihê bûyerê jiyana xwe ji dest da û rojnameger Mehmûd El-Etmî jî ji ber birînên xwe yên giran ji bo dermankirinê, rakirin nexweşxaneyê. Her wiha kesên ku li kolanê bûn jî zirar dîtin û bi sivikahî birîndar bûn." 

Serokê Navenda Çapemeniya Çandî Wedad El-Bedawî wiha got: "Ev cara yekemîn e li Yemenê êrîşek wiha dibe loma ji bo me hemûyan bi êş e. Rojnameger Reşa El-Herazî bi teqînek hat hedefgirtin û bi bombekirina wesayîda wê û di encama teqînê de rojnameger Reşa El-Herazî ku ducanî bû jiyana xwe ji dest da û hevjînê wê bi giranî birîndar bû."

Ev erîş û sûcê hovane bû sedem ku sivîlên li Adenê şoq derbas bikin, rojnamegeran daxuyaniyên şermezarkirinê belav kirin û daxwaz ji rayedarên ewlehiyê kirin ku li hemberî van êrîşên terorîstî bisekinin. Vê bûyera ku metirsiyek mezin li ser jiyana sivîlan û rojnamegeran çêkir û hewce ye ku tedbîrên ji bo ewlehiyê zêdetir werin girtin.