Îzmîr– Jinên endamên Piştevaniya Mor ku li Îzmîr Alsancakê li dijî qeyrana aborî û lêçûnên jiyanê daxuyaniyek çapemeniyê dan, pankarta "Em nikarin debara xwe bikin, ne aborî, zam zêde bûye" vekirin.

Endama Piştevaniya Mor Denîz Uslu diyar kir ku li bajarên wekî Stenbol, Enqere û Îzmîrê li gorî par, ji sedî 52 her tişt bûye û wiha got: “Di 3 salên dawî de ji sedî 122 cereyana ku li xaniyan tê bikaranîn zêde bûye, ji sedî 79 di xwarinên bingehîn û di hilberînên hijyenîk wekî ped û tamponan ku divê em her mehê bi kar bînin ji sedî 18 baca ku tê girtin. Di navbera Çile û Tîrmehê de, di gazê de jî sedî 17 zêdebûn çebû. Ji bo maleke ji 4 kesî mesrefa xwarinê ya mehane 2 hezar û 926 TL ye, mûçeya herî kêm jî 2 hezar û 825 TL ye.” 

“Jin bêkar û bê ewle ne” 

Denîz Uslu, diyar kir ku deynên bacê yên şîrketên wekî Cengiz, Limak, Kolin, Makyolu hatine jêbirin û wiha berdewam kir: “Bila dewlet bibe sedema dewlemendbûna wan, ji sedî 17 heqdestê karkeran tenê hewcedariyên xwe yên bingehîn peyda dikin û ji sedî 18’ê jî bacê re were birîn. Em nikarin fatûre, aîdatên dibistanan pêdiviyên xwe yên bingehîn ên li marketan, kirêya xaniyên ku em ê tê de bijîn bidin. Rêjeya bêkariya jinan derket ji sedî 40 û rêjeya jinên ku ji pêşeroja xwe bêhêvî bûn ji sedî 171 zêde bû. Hûn şerm nakin dibêjin bêkarî li vî welatî ji ber jinan e ger ew nexebitin bêkarî nabe. Em ji derewan ew têr bûn. Bi milyonan jin di nava birçîbûn, bêkarî û bê ewlehiyê de ne. Yên ku dibêjin 'zarokên min birçî ne, ez bêkar im' an xayîn, an jî terorîst tên îlankirin."

Denîz Uslu bang li jinên tax, kargeh û malan kir ku xwe birêxistin bikin û diyar kir ku yên krîz afirandine divê hesabê bidin.