Silêmanî – Çalakiyên bi boneya 8’ê Adarê Roja Jinên Kedkar ên Cîhanê di domin. Divê çarçoveyê de duh bi şev li hola Tewar ya bajarê Silêmaniyê, bi pêşengiya Kongreya Star û Kampanyaya Piştgiriya Jinan ya ji bo Rojavayê Kurdistanê, şahiyek pîrozbahiyê hate lidarxistin.

Beriya ku şahî destpê bike, deqeyek rêz hate girtin û piştre şahî destpê kir. Di şahiyê de stran hatin pêşkêşkirin û 8’ê Adarê li jinan hate pîrozkirin.

Di şahiyê de peyama taybet ya Rêberê gelê Kurd Abdullah Ocalan a bi boneya 8’ê Adarê ji bo jinan şandî ji aliyê Çiro Şiwanî ve hate xwendin.

Dawiyê de jî bê navber dirûşmeya ‘Jin, Jiyan, Azadî’ hate qêrîn û li ber stranan govend hate gerandin.