Hesekê – Di çarçoveya hemleya azadî ji bo Rêber Abdulah Ocalan û çareserî ji pirsgirêka Kurd re, Kongra Star û TEV-ÇAND’ê bi dirûşma “Azadiya Rêber Apo ya fîzîkî azadiya civakê ye, werin em bi hev re jiyana azad, çandek azad û civakek komînal ava bikin” konserek li dar xistin. Hunermend Şehrîbana Kurdî û Sumeya Mihemed derketin ser dikê û stran gotin.

Piştî deqeyek rêzgirtinê, endama Koordînasyona Kongra Star a Kantona Hesekê Xalîde Botî tekez kir ku pêvajoya herêm tê de derbas dibe, pêwistiya wê bi azadiya fîzîkî ya Ocalan heye û wiha anî ziman: “Azadiya fîzîkî ya Rêber Apo erkeke wijdanî ye û gere her kes berpirsyar be. Rêber Ocalan ji bo aştî û demokrasiyê bang kir û em ê wê bangê pêk bînin. Projeya ku Rêber Apo da pêşiya me, xwe li ser aştî, demokrasî û azadiya jinan ava dike. Li bakur û Rojhilatê Sûriyeyê ev proje hatiye rûniştandin lê em dibînin ku pêwistiya Sûriyeyê tevahî bi vê projeyê heye û yên ku pêşengiya wê bikin jin in. Em ranawestin em ê her dem li kolanan bin heya Rêber Ocalan azad bikin.”

Her wiha hunermend Sumeya Mihemed û Şehrîbana Kurdî çend stranan pêşkêş kirin.

Konser bi gerandina dîlanê bi dawî bû.