Mexmûr – Çalakiya Nobetê a ku li Wargeha Penaberan a Şehîd Rustem Cûdî (Mexmûr) di 20'ê Tirmeha sala 2023'an de bi armanca mîsogerkirina azadiya fîzîkî ya Rêberê Gelê Kurd Abdullah Ocalan hatibû destpêkirin, bi dewirgirtina koma 122’emîn didome. Beriya ku çalakî were dewirgirtin ji bo cangoriyên azadiya Kurdistanê deqeyek rêz hat girtin. Piştî rêzgirtinê li ser navê koma 121’emîn Taybet Mijînî axivî.

Taybet Mijînî, di destpêka axaftina xwe de 4’ê Nîsanê Rojbûna Rêberê Gelê Kurd Abdullah Ocalan pîroz kir û wiha got: “Em wek gelê wargeha Mexmûrê yekane armanca me azadiya fîzîkî ya Rêber Apo ye û em ê heta dawiyê têkoşîna xwe bidomînin. Em bang li tevahî gelê Kurd û gelê azadîxwaz dikin ku ji bo mîsogerkirina azadiya fîzîkî ya Rêber Apo erk û berpirsyartiyên xwe pêkbînin. Azadiya Rêber Apo azadiya tevahî mirovahiyê ye.”

Merasîm bi dewirgirtina koma 122’emîn û bi dirûşmeyên ‘Bijî Serok Apo’ û ‘Bê Serok jiyan nabe’ dawî bû.