Amed- Şaredariya Bajarê Mezin a Amedê, ji bo jinên rastî tundiyê hatine qanûnî bikin, bi Baroya Amedê re protokol îmze kir.

Ji bo protokolê li Şaredariya Bajarê Mezin ya Amedê merasîma îmzeyê hat lidarxistin. Di merasîmê de hevşaredarên Şaredariya Bajarê  Mezin a Amedê Serra Bucak û Dogan Hatun, endamên Komîsyona jinan a meclisa şaredariyê, serokê baroya Amedê Nahît Eren û endamên Navenda Mafên Jinan jî amade bûn.

Hevşaredara bajarê Mezin a Amedê Serra Bucak di merasîma îmzeyê de axivî û diyar kir ku tundiya li dijî jinan her roja diçe zêde dibe û got: “Ev protokol, ji bo tundiya li ser jinan bê rawestandin, hişyariya tundiyê bê kirin û alîkariya hiqûqî û zagonî ji bo jinên ku rastî tundiyê tên bê kirin girîng e. Ev protokol protokoleke ku bi şaredariyên parêzgehên din ên Tirkiyeyê re hatiye îmzekirin. Lê belê weke bajarekî ku ev demeke dirêj e di qada jinan de xebatên xwe dimeşîne, di qada jinan de xwe birêxistin dike û li ser tundiya li ser jinan lêkolînan dimeşîne. Di protokolê de xebateke taybet a Amedê heye. Di vî warî de bi desteka hiqûqî ya baroyê û piştgirî û alîkariyên bajarê mezin ên der barê alîkariya hiqûqî ya jinên rastî tundiyê tên, me ev protokol eşkere kir.  Li vir hûrguliyek girîng heye ku di peymanên li bajarên din de zayenda parêzerên ku dê alîkariya hiqûqî bigrin nehat diyarkirin, di protokola me de xalek heye ku divê jinên dê alîkariya hiqûqî bigrin bi qanûnek werin parastin; divê ev pêvajoya hiqûqî ji aliyê parêzerên jin ve bê meşandin û em girîngiyê didin vê." 

'Dê perwerde werin dayîn'

Sera Bucak diyar kir ku wek Şaredariya Bajarê Mezin di çarçoveya vê protokolê de ew ê ji bo xebatkaran hinek xizmetên perwerdeyê bibînin û wiha got: “Ev jî dê perwerdeyeke ku hem sazî, hem jî pêkhateyên me yên li ser têkoşîna li dijî tundiya li ser jinan û têkoşîna li dijî tundiyê xurt bike, derbikeve holê. Bila protokola me di warê kêmkirina tundiya li ser jinan û kuştina wan de bibe sedema xebatek girîng. Em ê li ser vê bingehê têbikoşin û encamê bigrin."

Serokê Baroya Amedê Nahît Eren bal kişand ser girîngiya protokolê û destnîşan kir ku di azadiya lêgerîna mafan de bicihanîna darazê û edaletê pirsgirêkeke girîng a aborî ye bal kişand ser pêwîstiya piştevaniya bi jinan re.

Di protokole de xizmet hatin rêzkirin

Di protokolê de ev made cih digrin:

“Di protokolê de hat destnîşankirin ku tundiya li ser jinan binpêkirineke berfireh a mafên mirovan e û hat gotin ku amarên herî geşbîn ên cudakarî û tundiya li ser jinan ew e ku li cîhanê ji her 3 jinan yek rastî tundî û cudakariyê hatiye. Tê bibîrxistin ku Peymana Têkoşîna li Dijî Cudahiya Li Dijî Jinan (CEDAW) ji bo rakirina cihêkariya li dijî jinan û misogerkirina wekheviya di navbera jin û mêran de, dewletên alîgir mecbûr dike ku hemû tedbîrên pêwîst bigrin, di nav de cihêkariya pozîtîf di 20'ê Kanûna 1993'an de li ser Tundiya li Ser Jinan ya di 20'ê Kanûna 1993'an de bal hat kişandin ser Danezana Pêşîlêgirtinê, xala 10'an a Destûra Bingehîn û Peymana Pêşîgirtin û Têkoşîna li Dijî Tundiya Li Ser Jinan û Tundiya Malbatê ya Konseya Ewropayê.

'Divê li dijî cudakariyê têkoşîn hebe’

Di Protokolê de ku balê dikşîne ser cihêkariya zayendî “Girêdana hevpar a van hemû pîvanên navneteweyî ev e; Kokên 'Cudakariya li ser bingeha zayendî' ku çavkaniya sereke ya tundiya li ser jinan e, di warê civakî de pir kûr e û bi vê hişmendiyê divê di hemû qadên jiyanê de li dijî cihêkariyê têkoşîn hebe û jin bi awayekî cuda û taybet di nava civakê de bên destekkirin.

Şaredariya Bajarê Mezin dê hinek xizmetên xwe pêk bîne

Bi protokola ku hatiye îmzekirin de hinek xizmetên alîkariya hiqûqî dê ji çavkaniyên Şaredariya Bajarê Mezin a Amedê bên girtin. Jinên mexdûrên tundiyê ji bo desteka hiqûqî bi dest bixin dê bikaribin serî li Şaredariya Bajarê Mezin û Baroya Amedê bidin. Serlêdanên jinan piştî lêkolînê dê bên diyarkirin ku şert û mercên ji aliyê Navenda Alîkariya Hiqûqî ya Baroya Amedê ve hatine diyarkirin pêk tînin an na.

Baroya Amedê dê di çarçoveya protokolê de perwerdeyê bide xebatkarên Şaredariya Bajarê Mezin.