Navenda Nûçeyan - Koordînasyona Kongra Star girêdayî girtina sê siyasetmendarên Rêxistina Jina Azad a Kurdistanê (RJAK) ê yên bi boneya salvegera fermanê çubûn Şengalê û dema vedigeriyan di ketina Hewlêr de ji aliyê asayişa Partiya Demokrat a Kurdistanê (PDK) ê ve hatin girtin daxuyaniyeke nivîskî weşand da. 

“Girtina siyasetmendaran astengkirina xebata yekîtiya netewiye” 

koordînasyonê girtina sê nûnerên PYD’ê bibîrxist û got: “Li gel van êrişan PDK hewldanên pêkanîna yekitiya Kurdan asteng dike. Beriya 3 mehan asayîşa PDK`ê nûnerên Partiya Yekitiya Demokratîk (PYD) û nûnerê Rêveberiya Xweser ê li Başûrê Kurdistanê girtin. Piştî gelek bangewaziyan û daxuyaniyên tund, her du endamên PYD`ê serbest hatin berdan lê çaranûsa nûnerê Rêveberiya Xweser Cîhad Hesen heta niha ne diyar e. Di çarçoveya hewldanên astengkirina yekitiyê û derxistina şerekî kurdî-kurdî de, PDK’ê sê siyasetmedarên RJAK`ê  Xewla Mihemed Hisên, Ciwana Ebdulheqî û Seyrana Ehmed Hesen ên tevlî bîranîna salvegera 7’an a qirkirina Êzidiyan bûn, paşê jî dema vedigeriyan cihê xwe li Hewlêrê girtin û heta niha tu agahî der barê çaranûsa her sê siyasetmedaran de nehatiye dayîn. PDK berpirsa jiyana her sê jinên siyasetmedar ên ku du ji wan dayîk in.”