Şengal – Îro li Şengalê jinên Êzidî ji bo bersiv bidin ji banga Rêber Apo ya ronesansê û fermanê komxebata ronesansê pêk tînin. Komxebata Ronesansa Jinên Êzidî, ji aliyê Tevgera Azadiya Jinên Êzidî (TAJÊ) ve bi dirûşma ‘Bi rêxistin û têkoşînê em ê bibin pêşengên civaka demokratîk û azad’ tê lidarxistin.

Komxebat bi tevlibûna nêzî sed delegeyan saet 9:30’an de bi deqeyek rêzgirtin destpê kir. Piştre axaftina vekirinê ji aliyê berdevka dîplomasiya TAJÊ Sûham Şingalî ve hat kirin.

Sûham Şingalî diyar kir ku ev 11 sala in jinên Êzidî bi fikir û ramanên Rêberê Gelê Kurd Abdullah Ocalan li ber xwe didin û wiha got: “Em di vê komxebatê de ji Şengalê heta Îmraliyê silavên xwe ji Rêber Apo re dişînin. Yê ku bû sedem Êzidî li ser axa xwe bimînin û xwe birêxistin bikin, Rêber Apo bû. Ev 11 sal in jinên Êzidî li ber xwe didin û di vê pêvajoyê de Rêber Apo barê pêşengtiyê da ser milê jinê. Rêber Apo ji me sekneke xurt û mezin dixwaze. Baweriya ku Rêber Apo dide jinê û civaka Êzidî em ê heta dawî xwedî li vê baweriyê derkevin û xwedî li erka xwe derkevin.”

‘Jinên Êzidî azadiya Rêber Apo wek azadiya xwe dibînin’

Sûham Şingalî destnîşan kir ku di nav 11 salan de yên pêşengiya esasî kirine jin bûne û wiha pê de çû: “Yên ku dê pêşengtî ji pêvajoyê re bikin, jinên Êzidî ne ku navenda wê Şengal e. Em bi biryardarî dibêjin armanca me ya yekemîn azadiya fîzîkî ya Rêber Apo ye û em dixwazin Rêber Apo bibînin. Heta dawî em ê bibin perçeyeke esasî yê azadiya fîzîkî ya Rêber Apo. Em jinên Êzidî azadiya Rêber Apo wek azadiya xwe dibînin. Dubare em vê komxebatê li Rêber Apo û hemû jinan pîroz dikin.”

Piştî axaftina vekirinê li sînevîzyona ku ji peyama Rêberê Gelê Kurd Abdullah Ocalan a ku ji bo jin û civaka Êzidî şandibû hatiye amadekirin, hat temaşekirin.

Dê di komxebatê de 3 semîner dê werin lidarxistin.

Semînera Yekemîn: Sosyolojiya jinên Êzidî

*Di dîrokê de jinên Êzidî

*Bandora feraseta zayendparêziyê ya li ser jin û civakê

Semînera Duyemîn: Bandora fermanan a li ser jinên Êzidî

*Ferman û piştî fermanan rewşa jinên Êzîdî

*Bandora koçberî û jiyana li kampan

*Piştî fermanê jinan çawa xwe birêxistin kirin û parastin

Semînera Sêyemîn: Di ronesansa civaka Êzidî de rola jinên Êzidî

* Emê banga aştî û civaka demokratîk çawa fêm bikin

*-Banga aştî û civaka demokratîk  û rola jinên Êzidî

Her wiha dê di komxebatê de peyamên ku ji derveyî Şengalê hatine jî, werin xwendin.