Kabîl– Jinên Afgan ên li gel hemû zoriyên Talîbanan jî welatê xwe bernedane cesaretek mezin nîşan didin û li kolanan doza mafê xwe dikin. 18’ê Îlonê Talîbanan Wezareta Karên Jinê girt û li şûna wê “Wezareta Pêşîgirtina Bêexlaqiyê ”vekir. Ev nêzîkatiya Talîbanê di nava jinên Afgan de bû sedema nerazîbûnan. 

“Te axa min a pak girt, xwendina min negire”

Li paytexta Afganistan Kabîlê bi dehan jin li hev kom bûn, bi dovîzên li ser helwestên xwe diyarkirî nivîsandî girtin destê xwe û meşiyan. Jinan di meşê de diruşmên weke “Te axa min a pak girt, xwendina min negire” bilind kirin. Jinan mafê xwe yê xwendin, kar û azadiyê xwestin û daxwaz kirin ku di zagona bingehîn de jin di nava siyasetê de cihê xwe bigirin.

Jinên çalakger xwestin Wezareta Karên Jinê ji nû ve bê çalak kirin û gotin, "Jiholêrakirina jinê tê wateya jiholêrakirina mirovahiyê."