Navenda Nûçeyan – Amerîkayê roja Sêşemê yekem car li ser tundiya zayendî ku di dema şer de pêk hatibû, sepandin pêkanî. Daxuyanî ji aliyê  Serokê Amerîkayê Joe Biden ve hat.

Joe Biden di di daxuyaniya nîvîskî de got: “Ev pêkanîn li dijî aktorên binpêkirina mafên mirovan dikin dîrokî ye.” Joe Biden di daxuyaniya xwe de bi bîr xist ku di Mijdara borî de, hikûmetê ji bo "hêzkirina bikaranîna sîstemên darayî, dîplomatîk û hiqûqî ji bo têkoşîna li dijî tundiya zayendî ya bi pevçûnan re" belavokek derxistiye û got:

"Teqezên îro ên li ser bingeha vê dorhêlê ne û amaje bi du armancên siyasî û leşkerî yên Sûdana Başûr dikin ku çavdêriya destavêtin û qetilkirina sivîlan di dema şerê navxweyî de kirine û du terorîstên DAIŞ’ê destavêtin û îşkenceya hovane li ser jin û keçên êzîdî berpirs hatin dîtin."

Berpirsiyarê sûcên li dijî Êzidiyan e

Biryara DYE di çarçoveya roja navneteweyî ya ji bo rakirina tundiya zayendî ya di pevçûnên ku ji 19’ê Hezîrana 2015’an ve ji aliyê Neteweyên Yekbûyî ve tên organîzekirin de hatiye girtin. Li gor biryarê, Wezareta Xezînedariya Amerîkayê toleyên aborî li ser du karbidestên Sûdana Başûr sepand ku “desthilatdariya xwe ya siyasî û leşkerî bi kar tînin û tundûtûjiya zayendî li dijî welatiyên Sûdana Başûr dikin”. Hate ragihandin ku çeteyên DAIŞ'ê yên ku di çarçoveya sepandinê de ne, Arkan Aahmed Abbas El Matutî bi navê kod Ebû Serhan û Newaf Ehmed Elwan El Reşîdî bi nasnav Ebû Faris in. Endamên DAIŞ’ê ji "tundiya zayendî" ya li dijî Êzîdiyan, revandin û kolekirina jin û keçên êzîdî berpirsyar in.

Li gorî daneyên Wezareta Karên Derve ya DYE zêdetirî 2 hezar û 700 zarok û jin hîn winda ne, ku piraniya wan Êzidî ne.