Navenda Nûçeyan - Kampanyaya îmzeyan ya Însiyatîfa Gel a Bakur û Rojhilatê Sûriyeyê û Însiyatîfa Ji bo Azadiya Rêber Abdullah Ocalan a Sûriyeyê di 22`yê Çileyê de ji bo azadiya Rêberê Gelê Kurd Abdullah Ocalan dabûn destpêkirin, berdewam dike.

Di kampanyaya îmzayan ya bi dirûşmeya ‘Gelên Bakur û Rojhilatê Sûriyê banga bidawîkirina tecrîda li ser Rêberê Gelê Kurd Abdullah Ocalan û pêkanîna azadiya wî ya fîzîkî dikin” de, heta niha zêdetirî 892 hezar îmze hatin komkirin.

Encamên kampanyayê hat parvekirin

Hat ragihandin ku li kantonên Efrîn û Şehbayê Însiyatîfa Gel derdora 30 hezar û 460 îmze berhev kirine. Di daxuyaniya der barê kampanya îmzeyan hat dayîn de hat diyarkirin ku li seranserê Tebqayê zêdeyî 100 hezar îmze hatin komkirin. Li Reqa û gundewarên wê zêdetirî 170 hezar îmze, li herêma rojavayê Dêrezorê 5 hezar û 841 îmze û li herêma rojhilat jî zêdeyî 520 îmze hatin avêtin.

Hevserokê Meclisa Kantonê Kobanê Mistefa Îto diyar kir ku zêdetirî 51 hezar îmze hatine komkirin û diyar kir ku pêngav didome. Berdevka Komîteya Azadiya Rêber Abdullah Ocalan a Minbicê Asya El Hisên jî ragihand ku heta niha zêdetirî 120 hezar îmze li Minbicê hatine îmzekirin.

Li seranserê Kantona Hesekê jî 200 hezar, li Kantona Qamişlo jî zêdetirî 215 hezar kes ki bo azadiya fizîkî ya Rêberê Gelê Kurd Abdullah Ocalan îmze avêtin. Kampanya dê heta 15’ê Şibata 24'emîn salvegera Komploya Navneteweyî berdewam bike.