Îtalya – Peyamên piştgiriya ji bo jinên li hember çeteyên girêdayî dewleta Tirk têdikoşin, berdewam dikin. Ji Rete Jin a Îtalyayê peyamek piştgiriyê ji bo jinan hat.

Jinên li Bakur û Rojhilatê Sûriyê, li hember çeteyên girêdayî dewleta Tirk liberxwe didin. Piştgiriya  ji bo jinên berxwedêr jî, her ku diçe zêdetir dibe. Jin ji gelek deverên dinyayê peyamên piştgiriyê dişînin. Yek ji van jinan jî, Laura Quagliuolo ya ji Rete Jin Îtalya ye. Laura, ji bo ku piştgiriya xwe ya bi jinên berxwedêr re, peyamek şand.

‘Em gelek tişt ji şoreşa jinê fêr bûn’

Laura bibîr xist ku jin li hember êrîşên çeteyên girêdayî dewleta Tirk  têkoşîna xwe didomînin û wiha got: “Hevalên hêja, em dizanin ku ev ji bo we demeke pir dijwar e û erîşên dewleta faşist a Tirk her ku diçe girantir dibin. Em jî dizanin ku hêza we mezin e û hûn dizanin ku hûn ê çawa liber xwe bidin. Em li Îtaliyayê gelek tişt ji şoreşa jinê fêr bûn û her roj jî fêr dibin.”

‘Em ê bi hemû derfetên xwe şoreşê biparêzin’

Laura ragihand ku ew ê piştgiriya xwe ya bi jinan re bidomînin û wiha got: “Em ê bi hemû derfetên xwe şoreşê biparêzin. Hûn ne bi tena serê xwe ne. Bi hevaltî û hembêzkirina mezin. Serkeftin.”