Navenda Nûçeyan- Hevşaredara bajarê Mezin ya Amedê Serra Bucak, hevşaredara Sûrê Fatma Gulan Onkol, endamên meclîsa jinan, sekretera giştî yê Şaredariya bajarê mezin ya Aemdê Zerîn Turk, seroka daîreya xizmeta malbat û jinan Ozden Gurbuz li Mardîn Kapi bi jinan re hatin ba hev.

‘Pêwîstiya me bi fikir û rexneyên we hene’

Di hevdînina li Navneda Jiyanç ya Jinan ya Mardîn Kapî de hejmarek zêde jin bejdar bûn. Di hevdîtînê de hevşaredara Sûrê Fatma Gulan Onkol axivî û diyarkir ku ev 8 sale rû bi rûyî texrîbata qeyûmin, ev texrîbat belavî jin û hemû bajar bûye. Ji ber vê yekê pêwîstî bi xebatên bi hêz heye û wiha got: “Ji ber wê yekê em ji bo daxwazên we li vêderêne, jin ji bo xwe çi dixwazin? Şaredarî dikarin çibikin? Ji bo em vana hemû bi hevre rûnin û bi axivin em hatin. Hê zêdetir em dixwazin guh bidin we. Pêwîstiya me bi fikir, rexne û piştevaniya we heye.”

Jinan daxwazên xwe anîn ziman

Ji jinên bejdarî hevdîtinê bûne, xwestin hejmara dewreyên perwerdê yên ku li Navenda Jiyanê ya Jinan zêde bibin. Jinan bal kişandin ser pirsgirêkên ku li taxan jiyan dikin, derbarê çareserkirina pirsgirêkên weke çop, gihandin û bazarên taxê de daxwazên xwe anîn ziman. Jinan xwestin di nava malên ku lê jiya dikin de ‘licihê xwe vegerandin’ were pêkanîn. Xwestin ku li dijî bikaranîna madeyên hişber têkoşîn werin kirin.

Hevşaredaran daxwazên jinan yek bi yek not girtin, bi armanca pêkanîna daxwazên wan diyarkirin ku wê kapasîteya Navenda Jiyanê ya Jinan zêde bikin.