Hat hînbûn ku 8 girtiyên jin ên li Girtîgeha Girtî ya Jinan a Amedê dimînin  ketine  nexweşiya Covid-19, parêzeran diyar kirin ku yên nîşanên nexweşiya virûsê nîşan didin test nayên çêkirin. Adile Işık,  a dayika yek ji girtiyan Filiz Işık’e  got, "Keça min got ku vîrus ji ber serdegirtinên gardiyanan ên her roj li ser qawîşan belav bûye" û diyar kir ku jiyana bi sedan girtiyan di nava xetereyê de ye. 

MEDİNE MAMEDOGLU

Amed - Hate hînbûn ku 8 girtiyên jin ên di beşa B-11 a Girtîgeha Jinan a Girtî ya Amedê de dimînin bi nexweşiya korona vîrûsê ketine. Hê agahiya nasnameya jinên girtiyên bi vîrosê ketine nehatine zanîn. Dema malbatên ku ji hêla rêveberiya girtîgehê ve digeriyan agahdar bûn ku girtî bi vîrusê ketine û ji ber vê yekê ew hatine qarantîna kirin, hate gotin ku malbat di vê pêvajoyê de nikarin xwe bigihînin girtiyan. Parêzerên ku me xwe gihandiyê û li ser mijarê hevpeyivîn pêre kir agahiya girtiyên ku bi vîrusê ketine par kir û da zanîn ku derman nadin wan û girtiyên ku nîşanên virûsê pêre hene testa wan nayê çêkirin. 

Testa girtiyên nîşanên nexweşiya virûsê pêre peyîdabûne nayên çêkirin

Hate hînbûn ku girtiyên li malbatên xwe digerin agahî dan ku vîrus ji ber serdegirtinên domdar ên gardiyanan belav bûye. Parêzerên endamên Komeleya Mafan (İHD) û Komeleya Hiqûqnasên Azadîxwaz duh serdana girtîgehê kirin. Parêzeran agahî parve kirin ku testa 8 girtiyên jin ên li beşa B-11 erênî ye û girtiyên li beşa B-12 nîşanên vîrosê nîşan didin. Parêzeran diyar kir ku girtiyên erênî dibin hîn jî nehatine rakirin nexweşxanê û yên ku nîşanên nexweşiya virûsê pêre derketin jî test ne hatiyê çekirin. Agahiya nasnameya 8 girtiyên jin ên ku piştî testên  wan pozitîf derketin ketine karantînayê hêj ne diyar in.

Vîrus ji hêla gardiyanan ve hatiye belav kirin

Malbatên ku pêvajoyê bi nerehetî dişopînin, nikarin ji girtiyan xeber bistînin. Dayika  Filiz Işik a girtî Adil Işik, diyar kir ku keça wê di têlefona xweya dawîn de got ku rewşa wan pir xirab e. Adile diyar kir ku li girtîgehê li dijî vîrusê tu tedbîr nehatin girtin û wiha axivî, “Keça min par hat girtin. Ew 8 mehi girtiye. Ji ber vîrusê me gelek caran banga berdana wan kir. Naha ew ji mirinê re hatine hiştin. Cara dawîn ku keça min têlefon kir, wê got ku hemî hevalên wê yên li qawîşek bi vê nexweşiyê ketine. Ew di karantînayê de ne. Yên hatine karantîna kirin jî nekarin bi malbatên xwe re têlefon bikin. Keça min Filiz got vîrus ji gardiyanan derbasî qawîşa wan bûye. Wê got ku dibe vîrus ji ber serdegirtina gardiyanan a her roj belavî qawîşên din jî bibe.” 

"Em zarokên xwe terkî mirinê nekin " 

Adile Işık, hem ji bo keça xwe Filiz û hem jî ji bo hemû girtiyên dinê banga xwedîderketinê kri û wima got: “Li wê derê, bi keça min re, jiyana bi sedan mirovan di xeterê de ye. Ew baş li wan nanerîn, xwarinek baş nadin wan. Bi rewşa wan ya nexweş re, ne baş nêzî wan dibin. Pêdivî heye ku ew bêne rakirin nexweşxaneyê û girtiyên din bên azad kirin. Divê malbat çi ji destê wan tê bikin. Zarokên xwe terkî mirinê nekin.”