Tebqa – Însiyatîfa Gel a ji bo Azadiya Rêberê Gelê Kurd Abdullah Ocalan û Dayikên Aştiyê li goristana şehîdan a kantona Tebqayê bi dirûşma "Bi giyanê berxwedana gelên azad em ê tecrîdê bişikînin û azadiya fîzîkî ya Rêber Abdullah Ocalan pêk bînin" dest bi greva birçîbûnê kir. 

Di roja yekemîn a çalakiyê de nûnerên Rêveberiya Sivîl a kantona Tebqayê, nivîsgeh û komîteyan, şênî, endamên tevgerên jinan û ciwan hazir bûn. Di çalakiyê de endamê Însiyatîfa Sûriyeyê Yasir El Kirdî, endama Însiyatîfa Sûriyeyê Şeze El Hisên axivîn û destpêkirina çalakiyê ji bo piştgiriya çalagerên di girtîgehên dewleta Tirk de, ragihand.

Şeze El Hisên wiha got: "Pêngavê 10`ê Cotmehê dest pê kir. Li seranserî cîhanê deng veda. Gelek rewşenbîr, çalakvan, siyasetmedar û kesên bi fikrên Rêber Abdullah Ocalan bawer, tev lê bûn." Şeze diyar kir ku pêngav berdewam e, heta ku azadiya fîzîkî ya Rêber Abdullah Ocalan pêk were û wiha domand: “Rêbertî got şoreşa ku jin tev lê nebe, dê bi bin bikeve. Ji ber wê, em dê li ser fikr û felsefeya wî tê bikoşin."

Di çalakiyê de sînevîzyonek têkildarî berxwedana girtiyan a di zindanan de hate pêşandan.