Navenda Nûçeyan – Li taxa Seyîtlerê ji ber lehiya ku şeva borî barana zêde li Êlihê bariya, xaniyekî kerpîç hilweşiya. Lalihan Guner a 54 salî dema bi 5 zarokên xwe re li ber deriyê mala xwe bi ber avê ketin. Li ser agahdarkirina ekîbên lêgerîn û xilaskirinê sewqî herêmê kirin. 3 kesên birîndar duh bi şev hatin rizgarkirin, dayika zarokan Lalihan Guner a 54 salî li nexweşxaneya ku rakirin jiyana xwe ji dest da.

Cenazeyên sê xwişk û bira hatin dîtin

Di lêgerîna ku danê sibehê dewam kir de, cenazeyê yek ji birayên Îsrafîl Guner ê 5 salî ku li ber lehiyê ketibû hatibû dîtin. Piştre cenazeyê Asenat Guner ê 1 salî û yê 9 salî ku navê wî nehat zanîn hatin dîtin. Cenazeyên zarokan ji bo otopsiyê birin morga Nexweşxaneya Perwerde û Lêkolînê ya Êlihê.

Hejmara kesên ji ber lehiya ku piştî barana bi bandor li Êlihê bariya jiyana xwe ji dest dan gihîşt 4’an.