Navenda Nûçeyan- Di 2'yê Hezîranê de pêşenga karûbar û pêşketina civaka afrîner a Siwîsreyê Êvlîn Boryah di 80 saliya xwe de jiyana xwe ji dest da.

Êvlînê gundê Tunisê yê parêzgeha El-fiyûm veguhestibû cihekî seyranê, ji bo geştiyarên ji hemû aliyên Misrê û cîhanê. Her wiha dibistanek damezirandibû ku niştecihên herêmê fêrî karên dest ên çêkirina tiştan bi heriyê (kûzan) bibin û her malek ji gund pêdiviyên xwe ji pêşangeha salane ya gund ku li cîhanê bi navdar bûye digre.

10 sal piştî hatina wê ya gund, wê pêşangeha yekem a hilberînên xwe yên seramîk saz kir û ev pêşangeha ku wê saz kiribû bû sedem ku girîngiya gund bi kesên berpirsyarên Misrê bide xuyakirin, vê yekê hişt ku av û kehrebeyê bigihîjînin gund. 

Di destpêka sala 1960'î de beriya ku ew were Misrê û bi helbestvanê Misrê Seyid Hicab re bizewice wê li Swîsreyê bawernameya zanîngeha hunerî standibû.