ekolojî

10:34

Bajarê Helebceyê di sala 1988’an de ji aliyê rejîma Baasê ve hat kîmyabarankirin, ev yek bû sedema qirêjbûna jîngehê. Niha jî hemwelatiyên vî bajarî bi belavkirina hişyarî û zêdekirina şînahiyê, hewl didin jîngeha xwe biparêzin.

08:23

Çiyayê Cîloyê ku cemedên wê ji ber krîza avhewayê li gor salên berê zûtir dihele, piştî gera seyranê ya di demên dawî de bi çopa tê qirêj kirin.

09:49

Dilxwaza Platforma Hawirdorê ya Mugla Halîme Şaman bal kişand ser têkoşîna hevpar a li dijî qirkirina ekolojîk ku li Tirkiye û Kurdistanê tê meşandin û got: “Ên çavên wan têr nabin derdê wan sermaye ye li her derê ne divê em pêşî li vê yekê bigrin.”

09:55

Jina Lubnanî Cesîka Hekîm bi hezkirina çandiniyê û axê berê xwe daye navçeya xwe, li ser banan û di nava qutiyan de sebze û nebatan çandine.

12:53

Ji ber bahoza Remal li peravên Bangladeşê û Rojhilatê Hindastinê, di nav de zarokek ku hebû herî kêm 16 kesan jiyana xwe ji dest dan. Zêdeyî milyonek kes ji malên xwe hatin tehliyekirin.

10:12

Li Silêmaniyê dijî xirakirina xwezayê, bi beşdariya hejmarek zêde ya kesayet, dostên jîngehê, rojnamevan û rewşenbîran, ji bo parastina jîngeha bajarê Silêmaniyê, bi taybetî çiyayê Giwêj kampanya hat destpêkirin.

09:39

Lêkolîner û pispora endezyariya jîngehê ya li akademiya xwendina bilind Menal Kamil der barê guherînên avhewayê û xeteriyên ku ew bi xwe re ava dike axivî û li hemberî jîngehê banga hişyariyê kir.

08:14

Siyasetên dewleta Tirk ên qutkirina avê, têkelkirina ava kanalîzasyonê û bermahiyên kîmyewî bi ava Çemê Ceqceq re hevsengiya ekolojiya heremê û tendirustiya gelên wê dixe xeterê. Pispor teqez dikin ku divê rêxistinên mirovî destwerdanê bikin.

11:37

Sererastkirina qanûnî ya nû ku destûrê dide li qadên weke çavkaniya enerjiya venûker hatine raginandin plana îmarê bê kirin, ket meriyetê.

08:17

Berpirsa beşa Jineolojî ya Zanîngeha Rojava Zozan Mihemed a beşdarî komxebata ‘Gavên jinan li ser şopa çeman’ bûbû bal kişand ser qeyranên ekolojîk yên bi pirsgirêka avê re rû dide û got: “Ji bo çareserkirina pirsgirêka avê dê proje bên pêşxistin.”

14:29

Platforma Jin a Ekolojiyê û beşa Jineolojî ya Zanîngeha Rojava komxebata ‘Gavên jinan li ser şopa çeman’ bi dirûşma “Aveke azad jiyaneke azad” li bajarê Qamişlo lidarxistin.

08:25

Cîgira hevserokên Yekitiya Şaredariyên Kantona Cizîrê Bêrîvan Omer a ku beşdarî Yekemîn Konferansa Ekolojî ya li Qamişlo hat lidarxistin bû, bal kişand pirsgirêkên ekolojîk û destnîşan kir ku ev konferans dê ji bo parastina jîngehê bibe nexşeyek.

13:46

Li eyaleta Awûstralya Rojava ya Awûstralyayê, nêzî 160 balînayê ku li ber peravê ketin 26 balîna mirin.

08:34

Guldexwîn a ku li quntara Çiyayê Dorşînê mezin dibe, bi îhtişama xwe re hemû kesan efsûn dike.

09:57

Qonaxa 3’yemîn a valakirina ava bermahiya radyoaktîf a Santrala Nukleer Dai-içi ya li Fukuşîmayê ku di tisûnamiya Japonyayê de ziyan dît, wê sibê dest pê bike.

11:26

Pispor û çalakvana jîngehê Bêrîvan Şasuar diyar kir ku jin dostên xwezayê ne rola wan di parastina jîngeha ku tê de dijîn heye û divê yên ku dibin sedema qirêjbûna jîngehê werin cezakirin.

12:37

Li Tunusê aktivîstên hawirdorê, bandora nerênî ya guherîna avhewayê li ser jinan tesbît kirin û ji bo van bandoran kêm bikin hewldanên xwe yên şexsî û kolektîf berdewam dikin.

09:13

Rawda Al-Qafraj, bal kişand ser guherîna avhewayê ya li Tûnisê, diyar kir ku ev yek zêdetir li ser jinan bandorên neyînî çêdike û got: “Ji ber germahiya zêde ya demsalan, çavkaniyên debarê yên jinan tune dibin.”

09:33

Jinên ekolojîst, diyar kirin di Geliyê Godernê ku bi bendava li navçeya Farqînê ya Amedê tê çêkirin sûcê mirovahiyê tê pêkanîn û anîn ziman ku tehrîbat ji polîtîkayên şer cuda nîne.

09:53

Bi boneya nêzîkbûna cejna Newrozê, îro Komîteya Jîngehê ya Dibistana Hittîn û Komeleya Keziyên Kesk a Jîngehê li bajarê Qamişloyê bi daxuyaniyekê banga parastina jîngehê kirin û xwestin ji bo pêxistina agir plastîkên ku derdorê qirêj dikin neşewitînin.