rojane

15:23

Rêxistina Serbixwe ya Jinan diyar kir ku li Başûrê Kurdistanê her cûre cihêkarî û bêrêzî li hember jinan tê kirin. Rêxistinê li dijî her cure tundî û cihêkariyê banga têkoşînê kir.

15:09

Di nava 24 saetên dawî de li Xezeyê ku di bin dorpêça Îsraîlê de ye, 3 kesan ji birçînan jiyana xwe ji dest dan. Hejmara kesên ji birçîna jiyana xwe ji dest dane derket 266’an.

15:00

Netewên Yekbûyî eşkere kir ku di sala 2024’an de 383 xebatkarên alîkariya mirovî hatine kuştin.

14:36

Beşdarên kampanyaya 'Sêşema ji darvekirinê re na', di hefteya 82'yan de çalakiyê xwe bang li welatiyan kirin ku hemû rê û rêbazên berdest bikar bînin da ku nerazîbûna xwe li dijî siyaseta cezayê darvekirinê nîşan bidin.

12:46

Bi fetwaya Ayetullah Xumeynî ya 19’ê Tebaxa 1979’an, Rojhilatê Kurdistanê ket serdemeke aloz û çarenûsî. Jinên şahidiya komkujiyên wê demê kirine dibêjin ew ê heta roja dawiya jiyana xwe daxwaza edaletê bikin.

12:34

Di çaremîn salvegera hatina Talîbanê de, li Efganistanê li dijî jinan astengî û şîdeta ji aliyên komên Talîbanê ve zêdetir dibe. Parêzvanên mafên mirovan, diyar dikin ku di vê pêvajoyê de Talîbanê nêzî 100 ferman weşandine û mafan binpê kirine.

10:51

Berdevka Komîteya Azadiya Girtiyên Siyasî Şîva Mehbubî, destnîşan kir ku Şerîfe, Pexşan û Werîşe ji bo mirovahî û mafên mirovan xebatên bêhempa kirine û wiha got: “Divê rejîm bibîne ku xwepêşandan li derveyî girtîgehan in û nikare wan paşguh bike.”

09:34

Jinên koçber ên Sûdanî ku ji ber şer koç kiribûn û piştî aramiyek bi sînor dîsa vegeriyan welatê xwe, bi projeyên ku jin pêşengiya wan dikin, jiyanê ji nû ve diafirînin.

08:42

Rêvebera Saziya Zimanê Kurdî ya li Kobanê Ronîda Elî tekez kir ku ji bo mîsogerkirina mafên gelê Kurd di destûra nû ya Sûriyeyê de, girîng e ku nasname û zimanê wan ê dayîkê, her wiha mafên hemû pêkhateyan werin naskirin.

08:32

Tevgera Azadiya Jinên Êzidî (TAJÊ) ji ber erêkirina cezayê darvekirinê yê Şerîfe Muhammedî daxuyaniyek weşand û banga xurtkirina têkoşîn û berxwedana li dijî polîtîkayên darvekirinê kir.

08:22

Navenda Dara Zanebûnê ya pêşketin û fêrkirina zarokan ku li Qamişloyê hatiye vekirin, bi 3 zimanan perwerdehiyê dide zarokan da ku bi riya bernameyên perwerdeyî û şahiyên nûjen jêhatiyên zarokan baştir bike û şiyanên wan bipêş bixe.

20:09

Hat ragihandin ku di 24 saetên dawî de li Xezayê, ku ji ber êrîş û dorpêça Îsraîlê birçîbûn lê heye, pênc Filistîniyên din ku du ji wan zarok in, ji birça jiyana xwe ji dest dane.

19:17

Parlamenterên jin ên Kurd li dijî pesendkirina cezayê darvekirinê yê Şerîfe Muhammedî de daxuyanî dan û bang li civaka navneteweyî kirin ku ji bo parastina mafê jiyanê yê hemû jinên di bin gefê de tevbigerin.

16:05

Meclîsa Kombûna Jinan a Zenûbiya ya kantona Reqayê diyar kir ku li Xezayê jin û zarok di bin şertên giran ên mirovî de ne. Ji bo rakirina dorpêçê û bê astengî gihandina alîkariyên mirovî bang li civaka navnetewî kirin.

15:59

Du zarokên li parêzgeha Beyda ya Yemenê dema ku pez diçêrandin, di teqîna mayînekê de mirin.

15:52

Li Fakulteya Hunerên Bedew a Zanîngeha Şamê bikaranîna "modelên tazî" hate qedexekirin. Rexnegir dibêjin ku rêziknameyên wiha ne tenê kalîteya perwerdeyê, lê di heman demê de pêşeroja hunerê li Sûriyeyê jî dixe xeterê.

15:46

Li bajarê El Faşer ê Sûdanê ji ber şerên ku didome, bi hezaran kes rû birûyî birçîbûnê bûne. NY banga demildest a gihandina alîkariya mirovî ji bo herêmê kir.

14:50

Girtiya 31 salan, Gulten Akgul serbest hat berdan.

14:47

Komeleya Bihêzkirin û Hişyarîkirina Jinan li Suweydayê ji bo jinan civîna desteka derûnî lidar xist. Jinên ku zehmetiyên kişandine anîn ziman, gotin ku divê ji bo jinan perwerdeya xwe parastinê bê dayîn.

14:26

Li ser rêya Şamê û Suweydayê ya Sûriyeyê 12 kesên ku piraniya wan jin û zarok in, li herêma di bin Heyet Tehrîr El-Şam a cîhadîst de ye hatine revandin.