rojane

16:08

Kombûna Jinan a Zenûbiya, ragihand ku kampanyaya wan a civakî ya bi şîara “Bi rêxistinbûna jinan hevgirtina civakê çêdibe” bi dawî bûye û hat gotin ku gihîştine bi hezaran jinan û li ser rola wan a pêşeng a di civakê de nîqaş kirine.

15:30

Li gorî rapora Meclîsa ÎSÎG’ê ya meha Tebaxê, herî kêm 194 karker li Tirkiyeyê jiyana xwe ji dest dan. Ji karkerên jiyana xwe ji dest dane 13 jê zarok, 19 jê jin û 6 jî penaber in.

15:02

Save the Children, di rapora xwe de diyar kir ku li herêmên ji erdheja Efganistanê bandorbûnê nêzî 37 hezar zarokên di bin 5 salî de û 10 hezar jinên ducanî û şîrdêr bi xeteriya kêmbûna xurekê ya cidî re rû bi rû ne.

14:56

Berdevkê Platforma Ekolojiyê ya Şirnexê Adnan Şenbayram ku di dawiya nobeta li Bestayê de axivî, diyar kir ku ew ê têkoşîna xwe mezin bikin û got: “Heta xweza azad dibe dê berxwedana me jî bidome.”

14:51

Beriya civîna Komîteya Wezîran a Konseya Ewropayê, Partiya Çep a Ewropayê û Konseya Sendîkayên Herêma Dundee ya Skoçyayê name şandin û daxwaza azadiya fizîkî ya Abdullah Ocalan kirin.

14:16

Meclîsa Jinan a Rêveberiya Xweser bi dirûşma ‘Em bi hevre jiyanê ava dikin, hêvî ava dibe, na ji întiharê re’, di çarçoveya roja pêşîlêgirtina întîharên dinyayê de ragihand ku ew piştgiriyê didin hewldanên mirovî yên navnetewî.

11:59

Li gorî rapora Sendîkaya Rojnamevanên Filistînî, di êrişên Îsraîlê ku ji 7’ê Cotmeha 2023’yan heya niha didome de 31 rojnamegerên jin hatine qetilkirin.

11:33

Ji ber dorpêça Îsraîlê, şêniyên Xezayê ji birçîbûnê dimirin. Di 24 saetên dawî de 5 Filistîniyên din, ji ber birçîbûn û kêmbûna xurekê mirin.

11:21

Kongra Star ji bo daxwaza azadiya fîzîkî ya Rêberê Gelê Kurd Abdullah Ocalan û piştgiriya hemleya “Ez dixwazim hevdîtin bi Rêber Apo re pêk bînim” şevbêrkek hunerî li dar xist.

11:00

PAJK’ê bi daxuyaniyek Emîne Erciyes, Ekîn Amara Toldar û Zîn Zagros bibîr anî û got: “Di têkoşîna me ya azadiyê de bi jiyan û têkoşîna xwe nemir bûn; mîrateyeke mezin ku ti carî nayê jibîrkirin û dest jê nayê berdan hiştin.”

10:33

Endama Lijneya Koordînasyona KJAR’ê Rûken Nexede, da zanîn ku şoreşa ‘Jin, Jiyan, Azadî’ felsefeyek pratîkî ku avahiyên zextker ên malbatan û civakê dihejîne ye.

09:05

Rêvebera komîteya Lihevhatinê ya bajarê Qamişlo Selîma Muhemed Elî tekez kir ku qutbûna ji mîratê ji ber teknolojiyê û çandên rojavayî nasnameya civakî tehdît dike û têkiliyên malbatî û nirxên civakî qels dike.

08:53

Li Tirkiyeyê, di rêya ku ji bo çareseriya pirsgirêka Kurd ketine de, tu planeke çalakiyê ku beşdariya jinan misoger bike nîne. Rûxmê vê yekê jî jinan, bibîrxistina hebûna xwe, ji bo mîsogerbûna avakirina aştiya civakî li hev dicivîn.”

08:51

Jinên Misrî tekez dikin ku serhildana "Jin Jiyan Azadî" li Îranê ne tenê li dijî binpêkirinên sîstematîk e, lê di heman demê de têkoşîna hemû jinan ji bo azadî û rûmetê li cîhanê yek dike û piştgiriyeke navneteweyî ya xurt dixwaze.

08:25

Li taxên Mexmûrê me daxwaz û nêrînên wan ên li ser pêvajoya Aştî û Civaka Demokratîk guhdar kir. Jinan anîn ziman ku şertê bingehîn ên çareseriyê azadiya fîzîkî ya Abdullah Ocalan e û gotin tenê yek alî gav avêtin çênabe, divê dewleta Tirk jî gavan bavêje

08:13

Rêxistina Stêrk, bi hevkariya Ofîsa Jin a Meclisa Koçberên Efrîn û Şehbayê, kampanyayek 10 rojî ji bo piştgiriya zarokên koçber da destpêkirin. Kampanya armanc dike ku êşên zarokên ji şer bandordîtî kêm bike û pêşerojeke bi hêvî ji wan re ava bike.

23:07

Koçberên Kampa Waşokanî, bi armanca şermezarkirina hewldanên dewleta Tirk a dagirker ji bo kirîna milk û erdên welatiyên Kurd ên ji Serêkaniyê bi zorê koçberkirî, meşek li dar xistin.

20:52

"Bîranîna Jina Emînî û Hevdîtina Civakî ya Jinan" wê di 14’ê Îlonê de li Londonê ji aliyê Meclîsa Jinan a Jiyan ve bi beşdariya jinên ji welatên cûrbecûr were lidarxistin.

18:18

Kampanyaya “Sêşema Na ji Cezayê Darvekirinê re” bi beşdariya komek girtiyên li Girtîgeha Sebzevarê di hefteya 85’emîn de didome. Di daxuyaniya kampanyayê de hate diyar kirin ku ji destpêka meha Îlonê vir ve 4 jê jin herî kêm 92 girtî hatine darvekirin.

16:01

45 welatên beşdar di Fîloya Berxwedanê ya Cîhanî de diyar kirin ku ew ê rêwîtiya xwe bidomînin û heta ku negihîjin Zîvala Xezayê yê dorpêçkirî paşve gav navêjin. Çalakvanên di filoyê de cih digrin dibêjin “Berxwedan jiyan e.”