rojane

14:42

Li qada Karamayê ya bajarê Suwedayê, bi beşdariya bi dehan kesan bi armanca piştgirîdayîna gelê taxên Şêx Meqsûd û Eşrefiye yên Helebê çalakî hate li dar xistin. Çalakî, bi xwepêşandanên hevdem ên li bajarokên Selahedî û Qeryayê re jî hate piştgirîkirin.

12:16

Şêniyên Hesekê bi dirûşmeyên “Bijî Berxwedan” birîndarên ku di berxwedana taxên Şêx Meqsûd û Eşrefiyê ya li dijî êrişên çeteyên HTŞ’ê de birîndar bûbûn, kirin.

12:01

Dayikên Aştiyê ku bertek nîşanî êrişên ser taxên Kurdan ên Helebê dan, dê li dijî êrişan biçin Enqereyê.

11:51

Bi sedan xwendekarên Zanîngeha Kobanê li dijî êrîşên dagirkeriyê yên HTŞ’ê û dewleta Tirk a dagirker ya li ser taxên Şêx Meqsûd û Eşrefiyê meşiyan. Xwendekaran da zanîn ku berxwedana Helebê rûmeta gelê Kurd parast.

11:38

Di xwepêşandanên seranserî welat de herî kêm 40 kesan jiyana xwe ji dest dan, bi sedan kes birîndar bûn û zêdeyî 3 hezar xwepêşander hatin binçavkirin. Şahid destnîşan dikin ku hejmara kesên jiyana xwe ji dest dane zêdetir in.

10:24

Di meşa salvegera 15’emîn a şoreşa Tûnisê de hat xwestin ku girtî werin berdan, zextên li ser îfade, raman û darazê werin rakirin. Çalakgeran di meşê de bang kirin ku ji bo şoreş bigihîje serî gel rabe serhildanê.

10:12

Hêzên Ewlekariya Şêx Meqsud, diyar kir ku hêzên wan heta dawiyê parastina gel û rûmetê kiriye, ji bo veguhestina şehîd, birîndar, jin û zarokan agibestek qismî hatiye îlankirin û destnîşan kir ku ew ê bi rê û rêbazên cuda têkoşîna xwe bidomînin.

09:55

Li bajarê Zahedan ê Îranê, di xwepêşandanên ku di van du rojên dawî de didome, di nav de jin, zarok û xwendekar, zêdetirî 200 kes ji aliyê hêzên ewlehiyê ve bi bikaranîna tundiyê hatin binçavkirin.

09:44

Rêveberiya Xweser a Bakûr û Rojhilatê Suriyeyê diyar kir ku li ser taxên Şêxmeqsud û Eşrefiyê êrişên dermirovî pêk hatine, sucên şer hatine kirin û destnîşan kir ku komkujî û heqaretên hatine kirin, bê ceza namînin.

09:40

Li Efganistanê nûçegihana Radyoya Kundus û televizyona ‘Oranus’ Nazira Reşîdî, ji aliyê îstixbarata Talîbanê ve hate binçavkirin. Bi rojane ji rojnamevanê tu agahî nayê wergirtin.

09:35

Di şerê Sûdanê ku hezar roje didome de, bedelê herî giran jinan da, aştiya rast jî bêyî hebûna wan di navenda pêvajoyê de, dê ne gengaz be. Ji ber jin tenê ne mexdurên şer in, di heman demê de avakerên aştiyê ne.

09:30

Bertekên li dijî êrîşên li ser taxên Şêx Meqsûd û Eşrefiyê her diçe zêde dibin. Fatima Hasan El Cesem û Fatima Muhammed diyar kirin ku parastina perçeyek tê wateya parastina tevahî û gotin ku ew li ba şêniyên Şêx Maqsûd û Eşrefiyê ne.

09:28

Hejmara 150’an a Kovara Jinê bi berga “Polîtîkayên şerê taybet: Dagirkirina mejî û çandê” derket.

08:24

Namzeda nûnera ciwanan a Baroya Assiut a Başûr Esma Kamal El-Sayed, xwest di hilbijartinên baroyê de ji bo jinan qoltixa taybet û pergala kotayê hebe, da zanîn ku ji ber astengiyên civakî jin di hilbijartinan de ji bo serkeftinê zoriyê dikşînin.

07:40

Di çarçoveya agirbesta qismî ya li taxên Şêxmeqsud û Eşrefiyê ya Helebê de, karwanê ku şehîd û birîndaran di anîn, gihîşt herêmên Rêveberiya Xweser û ji bo nexweşxaneyan hatin veguhestin.

07:32

Hevseroka PYD’ê Perwîn Yusif diyar kir ku crmanca êrîşên li Helebê valakirina herêmê ye û got: “Me bi berxwedaniyeke mezin bendav bi biryara av, ax û erdîngariya xwe bi xwînê parast. Em bi vê baweriyê biser ketin ku em dîsa di vê baweriyê de ne.”

07:27

Rojnamevanên Êzidî êrişên çeteyên cîhadîst ên HTŞ’ê û çeteyên dewleta Tirk ên li ser taxên Şêx Meqsûd û Eşrefiye şermezar kirin û gotin ku yên van êrîşan dikin di sala 2014’an de fermanê li serê civaka Êzidî jî rakirine.

07:26

Jinên ji bajarê Kobanê yê kantona Firatê li dijî êrîşên HTŞ’ê yên li ser Şêx Meqsûd û Eşrefiyê piştevaniya xwe teqezkirin û gotin: “Berxwedêrên me yên li Helebê rûmeta gelekî parastin.”

23:29

Welatiyên li Dêr Hafir li benda nexweşxaneyê ne û xwe amade dikin ku 54 birîndaran li Nexweşxaneya Şehîd Xalid Fecr a li Şêx Meqsûd pêşwazî bikin.

22:26

Fermandariya YPJ’ê, pêkanîna çeteyên HTŞ’ê ku li hemberî cenazeyê şervana li Şêx Meqsûd kiribûn bi tundî şermezar kir û ev peyam da; “Hêzên parastina jin, tu caran li hemberî vê hişmendiyê gav paşve navêje, em parasvanên hemû jinên Suriye û cîhanê ne.”