Navenda Nûçeyan – Çalakiyên ji bo piştgiriya Xezayê û bertekên li dijî Îsraîlê ku li Zanîngeha Columbia ya DYA’yê dest pê kiribûn, li zanîngehên gelek deverên cîhanê belav dibin. Li Elmanya, Fransa, Îngilîstan û Meksîkayê li gelek zanîngehan xwendekar dixwazin ku êrîşên li ser Filistînê werin sekinandin.

Elmanya

Li paytexta Almanya Berlînê, xwendekaran li ber avahiya zanîngehê ya li kampusa Zanîngeha Humboldt a li Kolana Unter den Linden çalakiya rûniştinê li dar xistin. Polîsan mudaxeleya xwendekaran kirin û şagirtan ji hewşa zaningehê derxistin. Hat hînbûn ku di dema mudaxeleyê de hinek xwendekar hatine binçavkirin.

Meksîka

Xwendekarên ji gelek fakulteyên Zanîngeha Xweser a Neteweyî ya Meksîkayê (UNAM) jî "kampa piştgiriya bi Xezayê re" ava kirin. Xwendekaran li paytext Meksîko bajarê li ber Rektoratiya UNAM’ê kon vedan û êrîşên Îsraîlê yên li ser Xezayê protesto kirin. Her wiha ji hikûmeta Meksîkayê xwestin têkiliyên xwe yên dîplomatîk bi Îsraîlê re qut bike. Xwendekaran ragihandin ku heya hikumeta Meksîkayê têkiliyên xwe bi Îsraîlê re qut bike dê çalakiyên xwe bidomînin.

Di heman demê de koma bi navê "Rêxistina Xwendekaran a Li Dijî Qirkirina li Filistînê" ku li tesîsên Koleja Meksîko City kom bûn, pankartê bi avahiyê ve daliqandin û bang li hikûmeta Meksîkayê kirin ku li hemberî Îsraîlê bertek nîşan bide.

Fransa

Xwendekarên li paytexta Fransa Parîsê, li dijî zextên polîsan ên li dijî çalakvanên ji bo piştgiriya Filistînê li kampusê protesto kirin. Xwendekar li Meydana Pantheon a Parîsê hatin cem hev û xwestin êrîşên Îsraîlê yên li ser Xezayê bi dawî bibin. Her wiha xwendekaran li kampusên zanîngehan ên li bajarên cuda yên wekî Parîs, Lîlle û Toûloûzê zextên polîsan ên li dijî çalakvanan ji bo piştgiriya Filistînê protesto kirin.

Îngilistan

"Zanîngeha Goldsmiths ya Londonê" ya li Londona paytexta Îngilistanê ragihand ku ew ê bi qasî ji destên wan bê hewl bidin daxwazên xwendekarên alîgirên Filistînê yên ku bi mehan e li ber xwe didin pêk bînin. Rêveberiya Goldsmiths University of London der barê mijarê de daxuyaniya nivîskî par vekir. Di daxuyaniyê de profesor soz da ku ew ê bi hemû îmkanên xwe rêzek sozên ku wî dabûn koma bi navê "Zêrînkerên ji bo Filistînê (G4P)" ku ji hêla xwendekarên alîgirê Filistînê ve hat damezrandin û protestoyek rûniştinê pirtûkxaneya li avahiya Stuart Hall li dar xistibûn pêk bîne. Di daxuyaniyê de hat diyarkirin ku dê zanîngeh ji xwendekarên Filistînî re bursên lîsansê veqetîne û pêşnûmeya ku salona konferansê ya li dibistanê navê nûçegihana Filistînî ya televîzyona El Cezîre Şîrîn Ebû Akile ya ji aliyê Îsraîlê ve hat qetilkirin piştgirî bê kirin.

DYA

Xwendekarên ku li Zanîngeha Evergreen a DYAyê ji bo piştgiriya Filistînê çalakî li dar xistin, rêveberiya zanîngehê daxwazên wan qebûl kir. Li gor rojnameya The Columbia piştî ku zanîngehê daxwazên xwendekarên alîgirên Filistînê qebûl kir, di navbera xwendekar û rêveberiyê de lihevkirinek çêbû. Di vê çarçoveyê de di navbera nûnerên xwendekaran û rêveberiya zanîngehê de peymanek hat îmzekirin û xwendekaran li ser rakirina kampên xwe li hev kirin. Li gorî peyamê Serokê Zanîngeha Evergreen John Carmichael dê bi daxuyaniyekê daxwaza agirbesta li Xezayê, serbestberdana hemû dîl û berfirehkirina alîkariyên mirovî ji bo herêmê bike. Her wiha di dema ku pevçûn didomin de xwendekarên li Xeza yan jî Şerîaya Rojava yên tevli bernameyên perwerdeyê yên li derveyî welat bûne, ji ber nasnameya wan ê Cihû yan jî Filistînî dibe ku werin astengkirin ji ber wê jî teehud daye ku bernameyên ji bo herêman neyên qebûlkirin.

Di çerçoveya protokolê de xwendekar û rêveberiya zanîngehê bi hev re komîteyên ku ava bikin madeyên pêkanînê bişopînin. Komîteyên din dê pêşniyar bikin ku avahiyek nû ji bo Lijneya Vekolîna Civakî ya Karûbarên Polîsan ku çavdêriya efserên polîs li zanîngehê dike, heya payîza 2026’an û afirandina modelek derveyî mudaxeleya polîs heya 2030’an pêşniyar bikin.

Zanîngeha Brown

Seroka Zanîngeha Brown Christina H. Paxson di nameya xwe ya ku li ser malpera zanîngehê hat weşandin de ragihand ku rêveberiya zanîngehê û koma xwendekaran a ji bo piştgiriya Filistînê li dibistanê protesto dikin, li hev kirine. Rektor destnîşan kir ku di peymanê de kampa ku ji bo piştgirîkirina Filistînê li kampusa dibistanê hatiye avakirin tê rakirin û destnîşan kir ku koma xwendekaran a ji 5 kesan pêk tên vê mehê beşdarî civîna şirketê ya zanîngehê bibin. Koma xwendekaran a ji 5 kesan pêk tê dê daxwazên xwe pêşkêşî zanîngehê bike ku şîrketên tekiliya xwe bi Îsraîlê re heye xwe vekişîne.

Zanîngeha Northwestern

Rêveberiya Zanîngeha Northwestern jî bi xwendekarên ku piştgiriyê didin Filistînê re li hev kir. Rêveberiya zanîngehê ragihand ku wan bi xwendekar û mamosteyan re li hev kirine û xwepêşandan bi aramî bi dawî bûne lê belê wê çalakî heta 1'ê Hezîranê li kampusê berdewam bikin. Li gorî daxuyaniya ku li ser malpera zanîngehê hatiye belavkirin, tenê xwendekar û xebatkarên zanîngehê dê bikaribin beşdarî çalakiyan bibin.