Stenbol- Xelatên Rojnamegeriyê yên Şehîdên Çapemeniya Azad a Mûsa Anter ku îsal cara 30’emîn ji bo bîranîna aqilmendê Kurd Apê Musa (Musa Anter) û kedkarên çapemeniyê yên di çalakiyan de jiyana xwe ji dest dane, hatin diyarkirin. Di pêşbirka ku ji aliyê Rojnameya Yenî Yaşam ve hat organîzekirin de di 5 beşên cuda de xelat hatin dayîn: “Nûçeyên Tirkî”, “Nûçeyên Kurdî”, “Wêne (Wêneya Nûçeyê)”, “Karîkatur” û “Ji bo bîranîna Gurbetelli Ersoz Rojnamegeriya Jinê”. Di pêşbirka ku gelek serlêdan hatin kirin de, wê di 22’ê Îlonê saet 19.30’an de bi merasîmekê li Ofîsa Zewacê ya Kadikoyê xelat bên dayîn.

Xelata Nûçeyên Tirkiyê ji rojnamevanê girtî re tê

Juriya Nûçeyan a Tirkiyeyê ku ji Banu Guven, Candan Yıldız, Nezahat Dogan, Faruk Bildirici, Alî Duran Topuz, Mehmet Alî Çelebî; Xelata yekem da nûçeya edîtorê girtî yê Ajansa Mezopotamyayê Abdurrahman Gok ku bi navê “Ez li Rojhilat û Îranê me: Hêviyek nû ya Îranê” ku “Jin Jiyan Azadî” li cîhanê belav kir.

Xelata taybet a juriyê ji bo 3 rojnamegeran

Ji Rojnameya Yeşîl Metîn Yoksu yê ku di dema qirkirina daristanan a li Kurdistanê ji aliyê cendirmeyan ve hat kirin de derket qadan û bi nûçeya “Piştî Şirnexê Sêrt: Di 6 mehan de herî kêm 60 kîlometrekare qada daristanê hat tunekirin.” Xelata Taybet a Juriyê wergirt. Dîlan Pamuk a ji Rojnameya Yeşîl a ku li Mûgla-Yatagan rûxandina ekolojîk dît ku mînaka nêzîkatiya hikûmetê ya ji bo ekolojiyê ye, bi nûçeya xwe ya “Li Yataganê li ser sûc hatin girtin: Şîrket biryara dadgehê ji nedîtî ve tê” hêjayî Xelata Taybet a Juriyê hate dîtin. Ji Rojnameya Bîrgunê Îsmaîl Arî bi nûçeya “Gel jehrî kirin” hêjayî Xelata Taybet a Juriyê hate dîtin.

Xelata Rojnamegeriya Jinê ji Nazila Maroufian re hat dayîn

Juriya Xelata Rojnamegeriya Jinê ya ku ji bo bîranîna Gurbetelli Ersoz hat dayîn, Ceren Sozeri, Bîrcan Degîrmencî, Arjîn Dîlek Oncel û Safiye Alagaş pêk dihat. Juriyê xelata yekem a beşa Rojnamegeriya Jinê da rojnamevan Nazîla Maroufian a ku li Îranê bi bavê Jîna Mahsa Emînî Amjad Emînî re hevpeyvîn kir. Nazîla Maroufian yek ji wan rojnamevanan bû ku îdiaya rejîma Îranê ya ku dibêje Jîna Mahsa Emînî ji ber krîza dil miriye derewand û rastiyê ji raya giştî re ragihand.

Juriya Nûçeyên Kurdî ku ji Suna Tunç, Hatîce Kamer, Rizoyê Xerzî, Remezan Olçen, Leyla Ayaz pêk dihat, Ferîd Demîrelê bi nûçeya xwe ya bi navê “Fermandarê rêxistina Ahrar’uş Şarkkiyeyê ji Zanîngeha Artûklûyê derçûye” ku di bianetê de hatiye weşandin, hêjayî xelata yekemîn dît.

Xelata wêneyê

Juriya Wêneyan a ku ji Bêrîtan Canozer, Ramazan Ozturk, Ozcan Yaman, Murat Baykara, Çetîn Altun pêk dihat, bi wêneyê xwe yê bi navê “Destê Dewletê” xelata yekemîn da Ardîl Batmaz. Juriya wêneyan jî biryar da ku Xelata Taybet a Juriyê bidin Sedat Suna û Efekan Akyuz.

Juriya Karîkatûran a ku ji Murat Îpek, Musa Keklik, Aşkin Ayrancıoglu jî di nav de, Erhan Yaşar Babalik di kategoriya karîkaturan de hêjayî pileya yekem hat dîtin. Juriya Karîkatûran jî biryar da ku Xelata Taybet a Juriyê bide Muammer Kotbaş.

Xelata rûmetê ya MEBYA-DER’ê

Komeleya Alîkarî û Piştevaniyê ya bi Malbatên di Dergûşa Şaristaniyê de Xizmên Xwe Winda Kirine re (MEBYA-DER) ji ber çalakiyên der barê kesên ji aliyê dewletê ve hatine qetilkirin hêjayî Xelata Rûmetê hat dîtin.